Kɛlata mɔɔ bɛhɛlɛle bɛhɔmanle Hibuluma la 12:3 - BAEBOLO ANZƐƐ BULUKU NWUANZANWUANZA

³ Bɛdwenle ɛkpɔlɛ mɔɔ Gyisɛse nyianle ye, nee kɛ ɔzile ɔgyinlanle kpundii wɔ ɛkpɔlɛ bebelebe ne anloa, wɔ ɛtanevolɛma asa nu la anwo, na bɛmmamaa bɛ rɛle bɔ anzɛɛ bɛ gyakɛ anzi tuto.

Kɛlata mɔɔ bɛhɛlɛle bɛhɔmanle Hibuluma la 12:3 ပူးပေါင်းရင်းမြစ်များ

Mrɛlɛbulɛ Buluku ne 24:10

Saa edwɛkɛ to wɔ na ɛ rɛle bɔ a, ɛnee noko wɔ anwosesebɛ le ekyi.

Ayezaya Buluku ne 50:4

Awulae Nyamenle ɛmaa me ɛnloanlɛ, amaa meahilehile, na meanwu edwɛkɛ kpalɛ mɔɔ meka a ɔkɛmaa mɔɔ anwo ɛbɛlɛ ye la anwosesebɛ a. Nwonlomɔ biala ɔtunwue me, ɔbuke me nzo, amaa meade mɔɔ ɔkilehile me la.

Edwɛkpa ne kɛmɔ Mateyu hɛlɛle la 11:19

Medame, Sonla Ra noko mera, na melɛdi meanlo a, awie biala se, ‘Bɛnlea ɛhye! Adidikpoku, nzanli, adwuledievolɛma nee bɛdabɛ mɔɔ awie ɛmbu bɛ la agɔnwo!’ Noko Nyamenle nrɛlɛbɛ ne amra ne mɔ nyɛleɛ maa bɛnwu kɛ ɔle nɔhalɛ.”

Edwɛkpa ne kɛmɔ Mateyu hɛlɛle la 12:24

Noko mɔɔ Falasiima ne dele ɛhye la bɛzele kɛ, “Mbɔnsam kpanyinli ne mɔɔ bɛfɛlɛ ye Biyɛlezɛbɛle la ala a maa ye tumi mɔɔ ɔfa ɔtu mbɔnsam a.”

Edwɛkpa ne kɛmɔ Mateyu hɛlɛle la 15:2

“Duzu ati a wɔ ɛdoavolɛma ne ɛnli ngilehilelɛ ne mɔɔ yɛ nlenya mɔ ɛva ɛgyakyi yɛ la azo ɛ? Bɛnnrinzi bɛ sa anwo wɔ adenle kpalɛ zo na bɛali debie.”

Edwɛkpa ne kɛmɔ Mateyu hɛlɛle la 21:23

Gyisɛse ziale rale Ɛzonlenlɛ Sua ne anu, na mɔɔ ɔlɛkilehile la, sɛlɛvolɛ mgbanyinli ne nee mgbanyima ne mɔ rale ɔ nwo ɛkɛ ne rabizale ye kɛ, “Duzu tumi a ɛlɛfa wɔayɛ ninyɛne ɛhye mɔ a? Nwane a manle wɔ tumi ɛhye a?”

Edwɛkpa ne kɛmɔ Mateyu hɛlɛle la 21:46

Ɛhye ati bɛyɛle kɛ bɛkye ye; noko akee bɛzulole, ɔluakɛ menli ne mɔ die to nu kɛ Gyisɛse le Nyamenle kpɔmanvolɛ.

Edwɛkpa ne kɛmɔ Mateyu hɛlɛle la 22:15

Falasiima ne hɔle Gyisɛse ati akpamo kɛ bɛdua kpuyia ɛbizalɛ zo bɛahye ye.

Edwɛkpa ne kɛmɔ Luku hɛlɛle la 14:1

Ɛnwomenlelielɛ Kenle ko Gyisɛse hɔle kɛ ɔkakpula ɔ sa wɔ Falasii mgbanyima ne mɔ ko sua nu. Mekɛ ne anu ɛnee menli ɛlɛtɛ ye kpalɛ.

Edwɛkpa ne kɛmɔ Luku hɛlɛle la 15:2

Na Falasiima ne nee mɛla kilehilevolɛma ne mɔ dendɛle bɛ nzo abo kɛ, “Nrenya ɛhye nee ɛtanevolɛma tu na ɔ nee bɛ to bɛ sa ɛyɛba ko anu.”

Edwɛkpa ne kɛmɔ Luku hɛlɛle la 16:14

Falasiima ne mɔ dele ɛhye amuala la, bɛgolole Gyisɛse anwo, ɔboalekɛ bɛkulo ezukoa kpalɛ.

Edwɛkpa ne kɛmɔ Luku hɛlɛle la 2:34

Semɛyɔn yilale bɛ na ɔzele ɔ nli Mɛle kɛ, “Nyamenle ɛye kakula ɛhye ɛzie ɛkɛ. Yizilayɛma dɔɔnwo balua ɔ nwo zo adu koti, na dɔɔnwo noko alua ɔ nwo zo anyia ngoane; ɔbayɛ Nyamenle sɛkɛlɛneɛ mɔɔ menli dɔɔnwo ɛnrɛlie ɛnrɛdo nu,

Edwɛkpa ne kɛmɔ Luku hɛlɛle la 5:21

Mɛla kilehilevolɛma nee Falasiima ne mɔ bɔle ɔ bo kɛ bɛka bɛahile bɛ nwo ngoko kɛ, “Nwane a le ɛhye mɔɔ ɔka munzule edwɛkɛ zɛhae a? Awie biala ɛngola ɛnva ɛtane ɛngyɛ kyesɛ Nyamenle angomekye.”

Dw 10:20

Bɛ nuhua dɔɔnwo hanle kɛ, “Ɔlɛ ayɛne! Ɔlɛsɛ; duzu ati a bɛkɛdie ye ɛ?”

Dw 18:22

Gyisɛse hanle ɛhye la, sinzavolɛma ne mɔ anu ko bɔle ɔ nzo nu na ɔzele ye kɛ, “Ɛ nye ɛnzɔ sonla; ɛtendɛ wɔahile Sɛlɛvolɛ Kpanyinli ne a, anrɛɛ dwenle nwolɛ!”

Dw 5:16

Ɛhye ati bɛbɔle ɔ bo kɛ bɛyɛ Gyisɛse kpɔdekpɔde kɛ yeyɛ ayile wɔ Ɛnwomenlelielɛ Kenle a.

Dw 7:12

Menli dɔɔnwo mɔɔ rale ɛvoyialilɛ ne bie la hanle ɔ nwo edwɛkɛ huhuhuhu dɔɔnwo. Bie mɔ se, “Ɔle sonla kpalɛ.” Bie mɔ noko se, “Ɔnle sonlakpalɛ, ɔlɛyɛ menli ne koasea.”

Dw 8:13

Falasiima ne zele ye kɛ, “Kɛkala, akee ɛlɛdi ɛ nwo daselɛ, mɔɔ wɔha la ɛndo ɛhwee.”

Dw 8:52

Dwuuma ne zele ye kɛ, “Akee yɛnwu ye bɔkɔɔ kɛ ɛlɛ ayɛne kpole kpalɛ! Ebileham wule, yɛɛ Nyamenle kpɔmanvolɛma wule, noko wɔmɔ ɛse, ‘Mɔɔ kɛli me edwɛkɛ zo la ɛnrɛwu ɛlɛ.’

Dw 8:59

Bɛsesale awolɛ kɛ bɛto bɛazi ye, na Gyisɛse veale ɔ nwo na ɔvile Ɛzonlenlɛ Sua ne anu ɔhɔle.

Dw 9:40

Falasiima bie mɔ mɔɔ ɛnee wɔ ɛkɛ ne la dele mɔɔ ɔhanle la na bɛbizale ye kɛ, “Ɛnee ɛkpondɛ wɔaze kɛ yɛdayɛ noko yɛ nye ɛzi ɔ?”

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

2 Kɔl 4:1

Nyamenle ɛlolɛ nu ala yɛɛ yeva gyima ɛhye yewula yɛ sa nu a, zɔhane ati yɛ rɛle ɛmbɔ.

2 Kɔl 4:16

Ɔlua ɛhye ati yɛmkpo aze. Saa yɛ nwonane ɛlɛwie bɔbɔ a, Nyamenle kakyi yɛ sunsum nu nwonane ne alehyenlɛ biala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:9

Bɛmaa yɛhɔ zolɛ yɛyɛ kpalɛ; ɔluakɛ saa yɛangyakyi nyele ɛyɛlɛ a, kenle bie yɛbanwu ɔ bo aleɛ.

Mɛla 20:3

‘Yizilayɛma, bɛdie! Ɛnɛ kenle ye bɛra kɛ bɛ nee bɛ kpɔvolɛma baho. Bɛmmamaa bɛ ahonle tu, bɛmmasulo anzɛɛ bɛmmamaa bɛ nwo wozo bɛ bɛmaa bɛ kpɔvolɛma ne anwo yɛ ɛzulolɛ.

2 Tɛs 3:13

Mediema, bɛmmagyakyi kpalɛyɛlɛ.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 12:5

Anzɛɛ bɛ rɛle ɛvi akɛnrazilɛ edwɛkɛ ne mɔɔ Nyamenle ka kile bɛ kɛ bɛle ɔ mra la ɔ? Ɔse, “Me ra, saa Awulae tea wɔ a die ye fɛlɛko nu, yɛɛ saa ɔtwi ɛ nyunlu a mmamaa ɛ rɛle bɔ.

Kɛlata mɔɔ bɛhɛlɛle bɛhɔmanle Hibuluma la 3:1

Me mediema Keleseɛnema, mɔɔ bɛdabɛ noko Nyamenle ɛvɛlɛ bɛ a! Bɛdwenle Gyisɛse, mɔɔ Nyamenle ɛzoa ye kɛ ɔrayɛ Sɛlɛvolɛ Kpanyinli wɔ diedi ye mɔɔ yɛlɛ nu la anwo.

1 Pit 2:23

Noko mɔɔ bɛbɔ ye aholoba la, yeambɔ bɛ bie, bɛgolo ɔ nwo la, yeandɛ ɔ nloa anu; mɔɔ ɔnwu amaneɛ bɔbɔ la, yeanwunlonwunla awie, na ɔvale ye anyelazo kɔsɔɔti ɔdole Nyamenle anwo zo kɛ yemɔ a ɔle pɛlepɛle Ndɛnebuavolɛ ne a.

Yekile 2:3

Meze kɛ ɛlɛ abotane ɛlɛkomo ɛ nwo zo, ɛlɛsɔ amaneɛ sa wɔ me duma ne ati, yɛɛ ɔtɛyɛle wɔ ɛvɛlɛ.

1 Sam 12:24

Bɛyɛ tieyɛ bɛmaa Ɛdɛnkɛma na bɛva bɛ ahonle muala bɛzonle ye nɔhalɛ nu. Bɛhakye ninyɛne mgbole mɔɔ yeyɛ yemaa bɛ la.