Kɛlata mɔɔ bɛhɛlɛle bɛhɔmanle Hibuluma la 12:2 - BAEBOLO ANZƐƐ BULUKU NWUANZANWUANZA

² Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 12:2 ပူးပေါင်းရင်းမြစ်များ

Edwɛndolɛ Buluku ne 110:1

Ɛdɛnkɛma zele me Awulae kɛ, “Tɛnla me sa fema zo, kɔkpula kɛ menwɔva wɔ kpɔvolɛma amuala menwɔwula ɛ gyakɛ abo.” 1 Kɔl 15.25; Ɛfɛ 1.20-22; Kɔlɔ 3.1

Edwɛndolɛ Buluku ne 138:8

Ɛdɛnkɛma bamaa mɔɔ yehyehyɛ yemaa me la ayɛ zɔ; O Ɛdɛnkɛma, wɔ ɛhulolɛ kpundii ne wɔ ɛkɛ dahuu. Mmakpo ɛ sa anloa gyima.

Ayezaya Buluku ne 31:1

Munzule ɛha bɛdabɛ mɔɔ bɛkɔ Yigyibiti kɛ bɛkabiza moalɛ, na bɛva bɛ rɛle bɛdo mgbɔnwɔ nwo zo la. Munzule ɛha bɛ kɛ bɛva bɛ rɛle bɛdo konle ehwili dɔɔnwo nee mgbɔnwɔ kavolɛma mɔɔ anwo yɛ se la anwo zo na bɛnnea Yizilayɛ Nwuanzanwuanza Ko ne anzɛɛ bɛmbiza Ɛdɛnkɛma la!

Ayezaya Buluku ne 45:22

“Bɛzia bɛ nzi bɛrɛla na bɛnyia ngoane, bɛdabɛ mɔɔ bɛwɔ ewiade amuala la! Ɔluakɛ medame a mele Nyamenle a, bieko ɛnle ɛkɛ.

Ayezaya Buluku ne 53:3

Menli kpole ye yɛɛ bɛambu ye; ɔnwunle amaneɛ na ɔdele nyane; ɔyɛle sonla mɔɔ menli nwu ye a bɛye bɛ nye bɛto ɛbɔ nu, bɛkpole ye yɛɛ yɛambu ye bie.

Ayezaya Buluku ne 8:17

Ɛdɛnkɛma ɛva ɔ nye ɛvea Yizilayɛma, na mame mekendɛ ye, yɛɛ melɛ anyelazo wɔ ye nu.

Maeka Buluku ne 7:7

Na mame, mebanlea mɔɔ Ɛdɛnkɛma kɛyɛ la, mebahendɛ me ngoanelielɛ Nyamenle ne; me Nyamenle ne badie me.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:9

Yemɔti Mosisi yɛle kɔbele ɛwɔlɛ na ɔhendanle ye baka zo. Awie biala mɔɔ ɛwɔlɛ hale ye na ɔdole ɔ nye ɔnleanle ye la dele kpɔkɛ.

Edwɛkpa ne kɛmɔ Mateyu hɛlɛle la 16:21

Ɔvi mekɛ ne anu Gyisɛse bɔle ɔ bo kɛ ɔka ye wienyi yeahile ye ɛdoavolɛma ne kɛ, “Ɔwɔ kɛ mekɔ Gyɛlusalɛm mekɔnwu amaneɛ dɔɔnwo wɔ mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ asa anu. Bɛbahu me, na ye kenle nsa ne azo Nyamenle badwazo me ara ngoane nu bieko.”

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Edwɛkpa ne kɛmɔ Maake hɛlɛle la 14:36

Na ɔzɛlɛle kɛ, “Egya! Me Papa, ɛkola debie biala yɛ; ye amaneɛnwunlɛ kɔpo ɛhye ɛkɛ ne maa me; noko akee, tɛ kɛmɔ mame mekulo la ɔ, na kɛmɔ wɔ ɛhulolɛdeɛ ne de la ɔ.”

Edwɛkpa ne kɛmɔ Maake hɛlɛle la 15:28

Ɛhye manle Nyamenle edwɛkɛ ne mɔɔ se, “Bɛdianle ye bɛbokale mɛlatovolɛma anwo” la yɛle nɔhalɛ.]

Edwɛkpa ne kɛmɔ Maake hɛlɛle la 16:19

Awulae Gyisɛse nee ye ɛdoavolɛma ne dendɛle wiele la, bɛvale ye bɛhɔle anwuma na ɔhɔdɛnlanle Nyamenle asa fema zo.

Edwɛkpa ne kɛmɔ Maake hɛlɛle la 9:12

Ɔbuale bɛ kɛ, “Ɔwɔ kɛ amgba Yilaegya dumua ba batoto ninyɛne muala boɛ. Na duzu ati a Nyamenle Edwɛkɛ ne ka kɛ Sonla Ra ne banwu amaneɛ somaa, na menli akpo ye ɛ?

Edwɛkpa ne kɛmɔ Maake hɛlɛle la 9:24

Na ndɛndɛ ne ala kakula ne ɔ ze hanle kɛ, “Melɛ diedi, na ɔle ekyi. Boa me maa me diedi ɛnyi.”

Edwɛkpa ne kɛmɔ Luku hɛlɛle la 17:5

Ɛzoanvolɛma ne hanle hilele Awulae kɛ, “Maa yɛ diedi ɛnyi.”

Edwɛkpa ne kɛmɔ Luku hɛlɛle la 23:11

Hɛlɔdo nee ye ɛlɔnema ne noko golole Gyisɛse anwo na bɛzile ye amgbu. Bɛvale tɛladeɛ kɛnlɛma bie mɔɔ arelemgbunli ala a wula la bie bɛwulale ye, na ɔzianenle ye ɔhɔmanle Paelɛte.

Edwɛkpa ne kɛmɔ Luku hɛlɛle la 24:26

Asoo bɛnnwu ye kɛ ɔwɔ kɛ Mɛzaya ne nwu amaneɛ ɛhye mɔ amuala na yeahɔ ye anyunlunyia ne anu?”

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 12:24

Meka nɔhalɛ ne meahile bɛ: Abɛlɛ ma ko anwo ɛnrɛzo dɔɔnwo kyesɛ bɛdua na ɔkpɔlɔ. Saa ɔkpɔlɔ a, ɔfifi na ɔso ma dɔɔnwo.

Dw 12:32

Na mame, saa bɛmaa me zo wɔ azɛlɛ ye azo a, mebahwe menli kɔsɔɔti meamaa me nwo.”

Dw 13:3

Gyisɛse ze kɛ Selɛ ne ɛmaa ye tumi bɔkɔɔ; ɔze kɛ ɔdaye Gyisɛse, ɔvi Nyamenle anwo lɔ a ɔrale a na eza ɔbazia yeahɔ Nyamenle anwo lɔ.

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Dw 8:56

Bɛ ze Ebileham lile fɛlɛko kɛ ɔkɛnwu me ɛralɛ kenle ne, yɛɛ ɔnwunle ye na ɔlile nwolɛ fɛlɛko.”

Ɛzoanvolɛma Gyima ne 2:36

“Zɔhane ati, bɛmaa Yizilayɛma amuala ɛnwu ye wienyi kɛ, Gyisɛse ɛhye mɔɔ bɛbɔle ye meanubaka nu la, yemɔ ala yɛɛ Nyamenle ɛyɛ ye Awulae nee Mɛzaya a.”

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 5:31

Na yemɔ yɛɛ Nyamenle ɛmaa ye zo ɛzie ye ye fema zo ɛyɛ ye Adenlekilevolɛ nee Dievolɛ kɛ ɔhile Yizilayɛma adenle ɔmaa bɛnlu bɛ nwo na bɛanyia ɛtanefakyɛ a.

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

1 Kɔl 1:18

Ɔluakɛ Kelaese meanubaka ne azo ewule ne anwo edwɛkɛ le debie funli maa bɛdabɛ mɔɔ bɛlɛminli la; noko ɔle Nyamenle tumi ɔmaa yɛdayɛ mɔɔ Nyamenle ɛlɛdie yɛ ngoane la.

1 Kɔl 1:23

Na yɛmɛ, yɛbɔ Kelaese meanubaka ne azo ewule ne mɔɔ maa Dwuuma tu koti na ɔle ɛzɛlɛ edwɛkɛ ɔmaa bɛdabɛ mɔɔ bɛnle Dwuuma la nolo;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:16

Kelaese luale ye ewule mɔɔ ɔwule meanubaka ne azo la yele ɛkpɔlɛ wɔ bɛ avinli na ɔhanle Dwuuma nee bɛdabɛ mɔɔ bɛnle Dwuuma la ɔbɔle nu ɔmanle Nyamenle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:6

Zɔhane ati medie medi kɛ Nyamenle mɔɔ bɔle gyima kpalɛ ɛhye abo wɔ bɛ nu la kɛzɔ zolɛ kɛmaa ɔkɛli munli wɔ Kenle ne mɔɔ Kelaese Gyisɛse kɛra la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:20

Yɛmɛ, yɛ nzi maanle wɔ anwuma. Ɛkɛ ne yɛɛ yɛ nye la kɛ yɛ Dievolɛ Awulae Gyisɛse Kelaese vi bara a.

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Kɛlata mɔɔ bɛhɛlɛle bɛhɔmanle Hibuluma la 1:13

Nyamenle anga angile ye soanvolɛma ne mɔ bie kɛ, “Tɛnla me sa fema zo ɛke kɔkpula kɛ menwɔva wɔ agbɔvolɛ menwɔwula ɛ gyakɛ abo.”

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 10:14

Ɔluakɛ yeva azubɔlɛ kokye yemaa bɛdabɛ mɔɔ yede bɛ nwo la ɛli munli dahuu.

Kɛlata mɔɔ bɛhɛlɛle bɛhɔmanle Hibuluma la 10:33

Ɔdwule mekɛ ne bie la, bɛguale bɛ nyunlu aze wɔ bagua nu, bɛhilele bɛ nyane, yɛɛ ɔdwule mekɛ ne bie noko la, ɛnee akee bɛ nuhua ko biala bɔbɔ kpondɛ kɛ ɔdaye ɔnwu amaneɛ ne bie.

Kɛlata mɔɔ bɛhɛlɛle bɛhɔmanle Hibuluma la 11:36

Bɛzile bie mɔ amgbu, bɛbole bɛ, yɛɛ bɛguale bie mɔ anga na bɛguale bɛ efiade.

Kɛlata mɔɔ bɛhɛlɛle bɛhɔmanle Hibuluma la 12:3

Bɛdwenle ɛkpɔlɛ mɔɔ Gyisɛse nyianle ye, nee kɛ ɔzile ɔgyinlanle kpundii wɔ ɛkpɔlɛ bebelebe ne anloa, wɔ ɛtanevolɛma asa nu la anwo, na bɛmmamaa bɛ rɛle bɔ anzɛɛ bɛ gyakɛ anzi tuto.

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

Kɛlata mɔɔ bɛhɛlɛle bɛhɔmanle Hibuluma la 7:19

Ɔluakɛ Mosisi Mɛla ne angola ammaa ɛhwee anli munli. Na kɛkala, bɛva anyelazo kpalɛ bie bɛra, mɔɔ yɛlua zo a yɛbikye Nyamenle a.

Kɛlata mɔɔ bɛhɛlɛle bɛhɔmanle Hibuluma la 8:1

Mɔɔ yɛlɛka la amuala, saa yɛbɔ ye kpɔkɛ ko a, yemɔ a le ɛhye: yɛlɛ Sɛlɛvolɛ Kpanyinli zɛhae, mɔɔ de Nyamenle Bedevinli ne Belemgbunli Ebia ne fema zo wɔ anwuma.

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

Gyemise Kɛlata ne 2:1

Me mediema, kɛmɔ bɛlɛ diedi wɔ yɛ Awulae Gyisɛse Kelaese, mɔɔ le anyunlunyia Awulae ne la anu la ati, bɛmmanea sonla nyunlu na bɛabu ye bie.

1 Pit 1:11

Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

1 Pit 3:22

Yemɔ yɛɛ yehɔ anwuma na ɔde Nyamenle asa fema zo na Nyamenle soanvolɛma nee anwuma tumivolɛma nee mgbolema amuala sonle ye a.

Dwuudu Kɛlata ne 1:21

bɛzie bɛ nwo wɔ Nyamenle ɛhulolɛ ne anu bɛhendɛ ngoane ne mɔɔ ɛnlɛ awieleɛ, mɔɔ anwunvɔnezelɛ nu ala Awulae Gyisɛse Kelaese bava amaa bɛ la.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.

Yekile 1:8

Kɛ tete Awulae Nyamenle Bedevinli ne mɔɔ ɛnee wɔ ɛkɛ, na ɔwɔ ɛkɛ ne kɛkala, na ɔbara la se la ɛne, “Medame a mele ‘Alefa’ ne nee ‘Omiga’ ne a.”

Yekile 2:8

“Kɛlɛ ɛhye kɔmaa Semɛna asɔne ne Nyamenle soanvolɛ ne. “Nrɛlaleɛ ɛhye vi alumua ne nee awieleɛ ne, mɔɔ wule na ɔziale ɔrale ngoane nu bieko la ɛkɛ.