Kɛlata mɔɔ bɛhɛlɛle bɛhɔmanle Hibuluma la 11:7 - BAEBOLO ANZƐƐ BULUKU NWUANZANWUANZA

⁷ Diedi zo yɛɛ Nowa luale mɔɔ ɔdele Nyamenle kɔkɔbɔlɛ ne mɔɔ fane ninyɛne mɔɔ kenle bie bazi la anwo a. Ɔdiele Nyamenle ane na ɔbobɔle ɛlɛnemgbole ɔvale ɔliele ɔ nwo nee ye sua nu amra ngoane. Ɔluale zɛhae adenle zo ɔbule ewiade ye kɛ ɔle debie mgbane, na ɔ sa hanle Nyamenle nu fɔɔnwoyɛlɛ ne mɔɔ bɛdua diedi zo bɛ sa ka ye la.

Kɛlata mɔɔ bɛhɛlɛle bɛhɔmanle Hibuluma la 11:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:14

Yemɔti Lɔɔto vindele nɔe ne hɔdunwuele ɔ mra mraalɛ ne mɔ bɛ hu mɔ mɔɔ baragya bɛ la, na ɔzele bɛ kɛ, “Bɛdwazo, bɛvi suakpole ye azo bɛye bɛ nwo, ɔluakɛ Ɛdɛnkɛma ɛlɛba arazɛkye suakpole ye.” Noko bɛdwenlenle kɛ ɔlɛbɔ nzɛmedɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:13

Na Nyamenle zele Nowa kɛ, “Mezi pi kɛ mesɛkye ewiade ye nee nuhua menli ne amuala, ɔluakɛ bɛva basabasayɛlɛ, sonla ɛhunlɛ, asayɛlɛ, yɛɛ amumuyɛ bɛyi ewiade ye tɛkɛɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:22

Nowa yɛle ɛhye mɔ na ɔyɛle debie biala mɔɔ Nyamenle zele ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:9

Nowa abusua ɛlɔnwɔne ne ɛne. Nowa le sonla mɔɔ di pɛlepɛle a, ɔ nwo annyia ngehanleɛ wɔ ye awolɛndoazo ne mekɛ zo. Ɔ nee Nyamenle bɛ avinli ande ɛlɛ. Ɔwole mrenya nsa, Hyɛm, Ham, yɛɛ Gyeefɛte.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:23

Ɛdɛnkɛma zɛkyele debie biala mɔɔ die ɛnwomenle mɔɔ wɔ azɛlɛ ye azo la, sonla, nane, debie biala mɔɔ twenle ɔ nwo aze, yɛɛ nloma. Nowa nee bɛdabɛ mɔɔ bɛwɔ ɛlɛne ne anu la ala a hale a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:5

Nowa yɛle debie biala mɔɔ Ɛdɛnkɛma zele ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:16

“Ɛ nee ɛ ye nee ɛ mra nee bɛ mraalɛ ne mɔ bɛvi ɛlɛne ne anu bɛdwu aze.

2 Arl 4:5

Yemɔti raalɛ ne hɔle na ɔ nee ɔ mra ne mɔ hɔdole bɛ nwo anlenkɛ nu, yɛɛ mɔɔ ɔbubu nwole ne la ɛnee bɛlɛtwe bɛkɔsie na bɛfa mbuakɛ fofolɛ bɛba.

Dwobu Buluku ne 35:8

Wɔ amumuyɛ ne mɔ ka sonla mɔɔ le kɛ ɛdawɔ la, yɛɛ wɔ tenleneyɛlɛ ka sonla ala.

Mrɛlɛbulɛ Buluku ne 22:3

Sonla mɔɔ anye gyi ɔ ti anwo la nwu munzule na ɔtwe ɔ nwo ɔfea, na mɔɔ ɛnlɛ adwenle la kɔtɔ nu na ɔnwu amaneɛ.

Mrɛlɛbulɛ Buluku ne 27:12

Sonla mɔɔ anye gyi ɔ ti anwo la nwu munzule na ɔtwe ɔ nwo, na mɔɔ ɛnlɛ adwenle la kɔtɔ nu na ɔnwu amaneɛ.

Yizikeɛle Buluku ne 14:14

saa menli nsa ɛhye mɔ, Nowa, Daneɛle, yɛɛ Dwobu wɔ maanle ne anu bɔbɔ a, bɛ tenleneyɛlɛ kɛlie bɛdabɛ bɛ ngome ala ngoane. Medame Awulae Nyamenle a mese a.

Yizikeɛle Buluku ne 14:20

saa bɔbɔ Nowa, Daneɛle, yɛɛ Dwobu wɔ maanle ne anu a, medame Awulae Nyamenle, mese, bɛ nuhua biala ɛnrɛhola ɔ ra nrenya anzɛɛ raalɛ die. Bɛ tenleneyɛlɛ ne bahola alie bɛdabɛ bɛ ngome ala ngoane.”

Yizikeɛle Buluku ne 33:5

Ɔdele aweɛne tendenle ne ane yɛɛ yeanla ɔ nwo zo a; ye mogya gua ɔ ti zo. Saa ɔlale ɔ nwo zo a, anrɛɛ ɔvile ɛsalɛ.

Edwɛkpa ne kɛmɔ Mateyu hɛlɛle la 2:12

Na Nyamenle hanle bɛ ɛlalɛ kɛ bɛmmasia bɛkɔ Belemgbunli Hɛlɔdo anwo lɔ bieko, yemɔti bɛvale adenle gyɛne zo bɛziale bɛhɔle bɛ maanle nu.

Edwɛkpa ne kɛmɔ Mateyu hɛlɛle la 24:15

“Saa bɛnwu ‘Munzudeɛ ne mɔɔ bɔ maanle’, mɔɔ Nyamenle kpɔmanvolɛ Daneɛle hanle nwolɛ edwɛkɛ la kɛ ɔgyi ɛleka nwuanzanwuanza ne a, (Kengavolɛ, te ɛhye abo!)

Edwɛkpa ne kɛmɔ Mateyu hɛlɛle la 24:25

Bɛdie! Kɛ mehakye bɛ ɛhye mɔ kolaa na mekɛ ne adwu ɛ!

Edwɛkpa ne kɛmɔ Mateyu hɛlɛle la 24:38

Kɛmɔ azuyilɛ kpole ne bara na menli lile, nlonle, agyalɛ lielɛ ebia hɔkpulale kenle mɔɔ Nowa vole ye ɛlɛne ne anu,

Edwɛkpa ne kɛmɔ Mateyu hɛlɛle la 3:7

Dwɔn nwunle kɛ menli dɔɔnwo vi Falasiima nee Sadusiima fane ne mɔ anu ɛlɛba bɛamaa bɛazɔne bɛ la, ɔzele bɛ kɛ, “Bɛmɛ nwɔlɛ! Nwane a zele bɛ kɛ bɛnriandi bɛvi Nyamenle ndeanlɛ ne mɔɔ bara la anwo ɛ?

Edwɛkpa ne kɛmɔ Luku hɛlɛle la 17:26

Kɛmɔ Nowa mekɛ zo ɔyɛle la, zɔhane ala yɛɛ medame Sonla Ra, me mekɛ zo ɔbayɛ a.

Wulo 1:17

Ɔluakɛ ɔvi mɔlebɛbo ne kɔdwu awieleɛ ne amuala, Nyamenle dua diedi zo a maa menli sɔ ɔ nye a. Nyamenle Edwɛkɛ ne se, “Mɔɔ bɛkɛlua ye diedi zo bɛkɛmaa ɔkɛzɔ Nyamenle anye la banyia ngoane.”

Wulo 10:6

Na bɛdabɛ mɔɔ ɔlua diedi zo bɛsɔ Nyamenle anye la, kɛ Nyamenle Edwɛkɛ ne se la ɛne, “Ɔnle kɛ ɛka ɛkile ɛ nwo kɛ, ‘Nwane bɔbɔ a kɛhɔ nyamenlezo a?’ ” (Kɛ ɔkava Kelaese yeadwu aze.)

Wulo 3:22

Nyamenle dua menli diedi mɔɔ lɛ ye wɔ Gyisɛse Kelaese anu la azo a maa bɛsɔ ɔ nye a. Nyamenle yɛ ɛhye maa bɛdabɛ mɔɔ bɛdie Kelaese bɛdi la amuala, ɔboalekɛ ngakyile fee ɛnle nuhua;

Wulo 4:11

Nzinlii a Ebileham manle bɛyɛle ye mrenyanu nzonlɛ, ɔvale ɔyɛle sɛkɛlɛneɛ anzɛɛ nzonlɛ mɔɔ kile kɛ Nyamenle ɛlua ye diedi zo ɛmaa yezɔ ɔ nye a. Yemɔti Sunsum nu a, ɛnee Ebileham le bɛdabɛ mɔɔ bɛdie Nyamenle bɛdi na yelie bɛ kɛ bɛsɔ ɔ nye, noko bɛtɛyɛle bɛ mrenyanu nzonlɛ la bɛ ze.

Wulo 4:13

Nyamenle bɔle Ebileham ɛwɔkɛ kɛ azɛlɛ ne bayɛ ye nee ɔ bo zo amra ɛdeɛ. Nyamenle bɔle ɛwɔkɛ ɛhye, tɛ kɛ Ebileham lile mɛla ne azo la ati ɔ, na ɔliele Nyamenle ɔlile, na ɔlua zolɛ Nyamenle manle ɔzɔle ɔ nye.

Wulo 9:30

Ɛnee akee kɛ yɛha yɛze ɛ? Yɛka ɛhye, kɛ bɛdabɛ mɔɔ bɛnle Dwuuma, na bɛandwenle nwolɛ ɛlɛ kɛ bɛkɛzɔ Nyamenle anye la, ɛlua diedi zo ɛzɔ ɔ nye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:5

Yɛmɛ, ɔlua Nyamenle Sunsum ne azo, kɛmɔ yɛdie Kelaese Gyisɛse yɛdi la ati, yɛ nye la kɛ Nyamenle ɔdaye ɔbamaa yɛazɔ ɔ nye.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:9

na bɛanwu kɛ me nee ye lua. Medame mumua ne menlɛ tenleneyɛlɛ biala menyɛ kɛ medi mɛla ne azo la ati ɔ. Me tenleneyɛlɛ lua kɛ medie Kelaese medi la ati ɔ. Tenleneyɛlɛ ɛhye vi Nyamenle ɛkɛ na ɔdua yɛ diedi zo a ɔfa ɔmaa a.

Kɛlata mɔɔ bɛhɛlɛle bɛhɔmanle Hibuluma la 11:1

Diedi a le kɛ yɛkɛzi pi wɔ ninyɛne mɔɔ yɛ nye la zolɛ la anwo, na yɛkɛlie ninyɛne mɔɔ ɛnyelɛ ɛnnwu bɛ la yɛkɛdo nu kɛ bɛwɔ ɛkɛ.

Kɛlata mɔɔ bɛhɛlɛle bɛhɔmanle Hibuluma la 12:25

Zɔhane ati, bɛnlea boɛ, na bɛamkpo kɛ bɛnrɛdie mɔɔ ɛlɛtendɛ la. Bɛdabɛ mɔɔ bɛkpole kɛ bɛnrɛdie mɔɔ hanle Nyamenle anloa edwɛkɛ ne hilele bɛ wɔ azɛlɛ ye azo la, anvi ɛsalɛ. Na saa akee yɛmɛ yɛkpo kɛ yɛnrɛdie mɔɔ tendɛ fi anwuma lɔ kile yɛ la a, kɛ ɔkɛyɛ na yɛavi ɛsalɛ ɛ?

Kɛlata mɔɔ bɛhɛlɛle bɛhɔmanle Hibuluma la 5:7

Mekɛ mɔɔ Gyisɛse wɔ ewiade ye anu la, ɔvale ɛzunlɛ nee nyane ɔdeɛdeanle nu ɔvale ye nzɛlɛlɛ ɔdole Nyamenle mɔɔ yemɔ ala a kɛhola kɛye ye kɛvi ewule nu la anyunlu. Kɛmɔ ɔhanle ɔ nwo aze na ɔvale ɔ nwo amuala ɔmanle la ati, Nyamenle diele ye.

Kɛlata mɔɔ bɛhɛlɛle bɛhɔmanle Hibuluma la 8:5

Na mɔɔ bɛyɛ la le gyima mɔɔ bɛyɛ ye wɔ anwuma lɔ la sɔhovolɛ. Ɔluakɛ mɔɔ Mosisi bazi ndanlɛ sua ne la, Nyamenle zele ye kɛ, “Bɔ mɔdenle kɛ ɛkɛyɛ debie biala ɛkɛmaa ɔkɛzɔho mɔɔ bɛvale bɛhilele wɔ wɔ boka ne azo lɔ la.”

1 Pit 3:20

Sunsum ɛhye mɔ a le bɛdabɛ mɔɔ bɛyɛle Nyamenle anwo anzosesebɛ wɔ mekɛ mɔɔ ɛnee Nyamenle ɛlɛkendɛ abotane nu ala yeamaa Nowa abobɔ ɛlɛne ne la. Bɛdabɛ ekyi ne ala, bɛle mɔtwɛ, mɔɔ ɛnee bɛwɔ ɛlɛne ne anu wɔ azule ne anye la yɛɛ bɛliele bɛ ngoane a.

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.

2 Pit 2:5

saa Nyamenle anvavi ewiade dɛba ne na ɔvale azuyilɛ ɔzɛkyele ɛtane ewiade ne, na ɔgyakyile Nowa, mɔɔ bɔle Nyamenle pɛlepɛlelilɛ nwo nolo, nee menli nsuu bie;

2 Pit 3:6

yɛɛ eza noko nzule ye ala a yile zɛkyele ewiade dɛba ne la.