Kɛlata mɔɔ bɛhɛlɛle bɛhɔmanle Hibuluma la 11:4 - BAEBOLO ANZƐƐ BULUKU NWUANZANWUANZA

⁴ Diedi yɛɛ manle Ebulu bɔle azu kpalɛ mɔɔ sɔ ɛnyelɛ la manle Nyamenle dɛlale Keen a. Ɔlua ye diedi ti Ebulu zɔle Nyamenle anye kɛ ɔle sonla tenlene, ɔluakɛ ye ahyɛlɛdeɛ ne zɔle ɔ nye. Ebulu ɛwu bɔbɔ ɛdeɛ, noko kɛkala ɔlua ye diedi zo ɔtendɛ ɔkile yɛ.

Kɛlata mɔɔ bɛhɛlɛle bɛhɔmanle Hibuluma la 11:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:10

Ɛdɛnkɛma bizale ye kɛ, “Duzu debie a wɔyɛ la? Ɛ diema ne mogya ne mɔɔ gua azɛlɛ ne anwo la ɛlɛsu avɛlɛ me.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:15

Na Ɛdɛnkɛma zele ye kɛ, “Kyɛkyɛ, ɔnle zɔhane! Awie biala mɔɔ kɛhu Keen la, bɛbali ye nzenralɛ fane nsuu bɛazie ɔ bo zo.” Na Ɛdɛnkɛma yɛle Keen nzonlɛ, amaa awie biala mɔɔ nee ye kɛyia la angu ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:25

Adam nee ɔ ye wole ralɛ nrenya bieko. Ɔ ye hanle kɛ, “Nyamenle ɛmaa me ralɛ nrenya ɛmaa meva mezie Ebɛle, mɔɔ Keen hunle ye la abo zo.” Na ɔdonle ye Sɛte.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:8

Ɛhye anzi Keen zele ɔ diema Ebɛle kɛ, “Maa yɛhɔ ɛbɔ nu.” Bɛhɔle la, Keen holole ɔ diema Ebɛle anwo zo na ɔhunle ye.

1 Arl 18:38

Na ɛkɛ ne ala Ɛdɛnkɛma manle senle vi anwuma radɔle azubɔdeɛ ne anu yelale nane ne, ɛyɛne ne, awolɛ ne mɔ nee azɛlɛ ne manle nzule ne mɔɔ gyi kuma ne anu la sesanle bɔkɔɔ.

Dwobu Buluku ne 8:10

Bɛbahilehile wɔ, na bɛaha mɔɔ bɛnwunle ye la bɛahile wɔ.

Mrɛlɛbulɛ Buluku ne 15:8

Amumuyɛnli azubɔlɛ le kyibadeɛ maa Ɛdɛnkɛma; Ɛdɛnkɛma anye die sonla mɔɔ di pɛlepɛle la nzɛlɛlɛ nwo.

Mrɛlɛbulɛ Buluku ne 21:27

Amumuyɛnli azubɔlɛ le Nyamenle kyibadeɛ, na saa akee ɔfa adwenle ɛtane ɔbɔ azu a ɛnee kɛ ɔde ɛ?

Sɛlɛ 9:24

Na senle vi Ɛdɛnkɛma ɛkɛ ne rayelale ɛyelalɛ azubɔdeɛ ne nee nane ɛnlome ne mɔɔ wɔ azukponle ne azo la. Menli ne amuala nwunle ye la, bɛdeɛdeanle nuhua na bɛbutubutule bɛ nye aze.

Edwɛkpa ne kɛmɔ Mateyu hɛlɛle la 23:35

Zɔhane ati, menli mɔɔ ɛnze nwolɛ bie mɔɔ bɛhu bɛ, ɛbɔ ye Ebulu anwo zo kɔkpula Bɛlakaya ara Zɛkalaya mɔɔ bɛhunle ye wɔ Ɛzonlenlɛ Sua ne nee azukponle ne avinli la anwo zo, bɛ kɔsɔɔti bɛ mogya ne anwo ndeanlɛ bagua bɛ ti zo.

Edwɛkpa ne kɛmɔ Luku hɛlɛle la 11:51

ɔvi mekɛ mɔɔ bɛhunle Ebulu, bakpula Zɛkalaya, mɔɔ bɛhunle ye wɔ azukponle ne nee Ɛleka Nwuanzanwuanza ne avinli la anwo zo. Ɛhɛe, mese, bɛbadea adwuleso amra wɔ ɛhye mɔ amuala anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16

Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.

Kɛlata mɔɔ bɛhɛlɛle bɛhɔmanle Hibuluma la 11:2

Ɔluakɛ bɛ diedi ti yɛɛ mɔmoane amra dɔɔnwo mɔɔ ɛhɔ la zɔle Nyamenle anye a.

Kɛlata mɔɔ bɛhɛlɛle bɛhɔmanle Hibuluma la 12:1

Zɔhane ati, kɛmɔ yɛlɛ dasevolɛma pemgbenleamgbe ɛhye mɔ mɔɔ ɛbɔ yɛ nwo mgbɔlɔka ɛyia la, bɛmaa yɛye debie biala mɔɔ si yɛ aze, nee ɛtane mɔɔ ɛgya yɛ la ali, na yɛmia yɛ nwo kpalɛ yɛnlea ɛnriandilɛ ne mɔɔ gyi yɛ nyunlu la.

Kɛlata mɔɔ bɛhɛlɛle bɛhɔmanle Hibuluma la 12:24

Bɛra Gyisɛse, mɔɔ kyekyele Ngyekyeleɛ Fofolɛ ne abo, nee mogya ne mɔɔ bɛhwinle bɛguale na ɔtendɛ kpalɛ ɔkile yɛ ɔtɛla Ebulu ɛdeɛ ne la ɛkɛ.

Kɛlata mɔɔ bɛhɛlɛle bɛhɔmanle Hibuluma la 5:1

Sɛlɛvolɛ Kpanyinli biala, bɛye ye bɛfi menli avinli na bɛtu ye kɛ ɔgyinla bɛ gyakɛ anu wɔ Nyamenle anyunlu na ɔva bɛ ahyɛlɛdeɛ ne mɔ ɔbɔ azu ɔzɛlɛ ɛtanefakyɛ ɔmaa bɛ.

Kɛlata mɔɔ bɛhɛlɛle bɛhɔmanle Hibuluma la 9:22

Nɔhalɛ, mɛla ne kile kɛ mogya ala a bɛfa bɛte debie biala anwo a, yɛɛ ɔwɔ kɛ bɛtwi mogya na bɛava bɛali ɛtane nwo mgbɔdalɛ.

2 Pit 2:8

ɛnee nɔhalɛ, saa ɛnea mɔɔ sonlakpalɛ zɛhae nwunle ye na ɔdele wɔ mekɛ mɔɔ ɛnee ɔde menli zɔhane mɔ avinli, nee alehyenlɛ biala ye ɛbolɛ mɔɔ te wɔ bɛ ninyɛndane mɔɔ bɛyɛ la anwo a,

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.