Kɛlata mɔɔ bɛhɛlɛle bɛhɔmanle Hibuluma la 10:8 - BAEBOLO ANZƐƐ BULUKU NWUANZANWUANZA

⁸ Alumua ne ɔhanle kɛ, “Ɛmkpondɛ, yɛɛ ɛ nye ɛnlie azubɔdeɛ anzɛɛ nane ɛyelalɛ nee ɛtanefakyɛ azubɔlɛ nwo.” Ɔhanle ɛhye, noko mɛla ne maa adenle maa bɛbɔ azu mɔɔ le kɛ ɛhye mɔ la amuala.

Kɛlata mɔɔ bɛhɛlɛle bɛhɔmanle Hibuluma la 10:8 ပူးပေါင်းရင်းမြစ်များ

Edwɛndolɛ Buluku ne 40:6

Ɛmkpondɛ azubɔlɛ nee azubɔdeɛ; noko wɔmaa me ɛnzonlɛ kɛ menva mendie wɔ. Ɛyelalɛ azubɔdeɛ nee ɛtane azubɔdeɛ, wɔamkpondɛ ɛhye mɔ biala.

Edwɛkpa ne kɛmɔ Maake hɛlɛle la 12:33

Na ɔwɔ kɛ sonla biala fa ye ahonle muala, ye adwenle muala, nee ye anwosesebɛ muala kulo Nyamenle, na ɔkulo ɔ gɔnwo sonla kɛ ɔdaye ɔ nwo la. Ɔhyia kpalɛ kɛ ɛkɛli mɛla nwiɔ ɛhye azo tɛla kɛ ɛkɛva nane nee ninyɛne ɛkɛbɔ azu ɛkɛmaa Nyamenle.”

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

Kɛlata mɔɔ bɛhɛlɛle bɛhɔmanle Hibuluma la 10:5

Ɔlua ɛhye ati mɔɔ Kelaese bara ewiade la, ɔzele Nyamenle kɛ, “Ɛmkpondɛ azubɔlɛ nee azubɔdeɛ noko wɔmaa me nwolɛ nwonane.