Kɛlata mɔɔ bɛhɛlɛle bɛhɔmanle Hibuluma la 10:7 - BAEBOLO ANZƐƐ BULUKU NWUANZANWUANZA

⁷ Ɛhye ati menganle kɛ, ‘O Nyamenle, mera kɛ mebayɛ mɔɔ ɛkpondɛ la, kɛmɔ bɛhɛlɛ ye wɔ me nwo wɔ mɛla buluku ne anu la.’ ”

Kɛlata mɔɔ bɛhɛlɛle bɛhɔmanle Hibuluma la 10:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Ɛzela Buluku ne 6:2

Na bɛnwunle mɛla ne wɔ suakpole ne mɔɔ bɛfɛlɛ ye Ɛkebatana mɔɔ wɔ Midea maanzinli nu la kɛ bɛhɛlɛ ɛhye wɔ nu:

Mrɛlɛbulɛ Buluku ne 8:31

Me nye die ye ewiade ye mɔɔ nuhua ɛyɛ gbudugbudu, yɛɛ me nye die menli nwo.

Ayezaya Buluku ne 50:5

Awulae Nyamenle ɛbuke me nzo, yɛɛ meande ɔ nwo atua, meangakyi me nzi meanzi ye.

Gyɛlɛmaya Buluku ne 36:2

Ɔse, “Fa nwoma na bɔ ye Belemgbunli Dwosaya mekɛ zo kɛlɛ edwɛkɛ mɔɔ meha mehile wɔ, mɔɔ tia Yizilayɛ, Dwuda, yɛɛ maanle maanle kɔsɔɔti toonwo mɔɔ badwu ɛnɛ la.

Yizikeɛle Buluku ne 2:9

Na menwunle kɛ bɛdende ɛsalɛ bie me nwo na ɔlɛ nwoma mɔɔ bɛhɛlɛ nu la.

Yizikeɛle Buluku ne 3:1

Nyamenle zele me kɛ, “Sonla ra, di mɔɔ meva memaa wɔ la. Di nwoma ne na kɔ, kɔdendɛ kile Yizilayɛma amuala.”

Dw 4:34

Gyisɛse zele bɛ kɛ, “Me aleɛ a le kɛ menwɔli mɔɔ zoanle me la ɛhulolɛdeɛ zo na menwɔwie gyima mɔɔ ɔvale ɔmanle me kɛ menyɛ la yɛ.

Dw 5:30

“Menva me tumi menyɛ debie biala; mebua me ndɛne kɛmɔ Nyamenle kɛze me la, yemɔti me ndɛnebualɛ ne le fɔɔnwo, ɔboalekɛ mempele menyɛ mɔɔ medame mekulo la, na meyɛ mɔɔ ahenle mɔɔ zoanle me la kpondɛ la.

Dw 6:38

ɔboalekɛ mevi anwuma membale kɛ mebayɛ mɔɔ zoanle me la ɛhulolɛdeɛ, na meamba kɛ mebali me ti anwo.