Kɛlata mɔɔ bɛhɛlɛle bɛhɔmanle Hibuluma la 10:5 - BAEBOLO ANZƐƐ BULUKU NWUANZANWUANZA

⁵ Ɔlua ɛhye ati mɔɔ Kelaese bara ewiade la, ɔzele Nyamenle kɛ, “Ɛmkpondɛ azubɔlɛ nee azubɔdeɛ noko wɔmaa me nwolɛ nwonane.

Kɛlata mɔɔ bɛhɛlɛle bɛhɔmanle Hibuluma la 10:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Ayezaya Buluku ne 1:11

Ɔse, “Bɛ azubɔlɛ bebelebe ne ɛnzɔ me nye. Bɛ mboane ɛyelalɛ azubɔdeɛ ne mɔ nee bɛ nane mɔɔ ɛlɔ la anu ɛnlome azubɔdeɛ ne mɔɔ bɛfa bɛmaa me la ɛyɛ boɛ. Me nye ɛnlie nlankɛ, mboane mralɛ anzɛɛ mbɔnkye nyinli mogya nwo bieko.

Ayezaya Buluku ne 40:16

Lɛbanɔn mbaka ɛnza senle wuda, yɛɛ ye nyɛmoa ɛnza ɛyelalɛ azu bɔ.

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Gyɛlɛmaya Buluku ne 31:22

Yizilayɛma mɔɔ ɛnlɛ diedi a, bɛsie kenlenzu? Memaa debie ngakyile ɛzi ewiade ye: raalɛ bawowa nrenya.”

Gyɛlɛmaya Buluku ne 6:20

Kɛ meyɛ ɛyɛlɛ ne mɔɔ bɛ nee ye vi Hyiba ɛrɛlɛ me la ɛ? Anzɛɛ kɛ meyɛ aleɛdonlɛ ninyɛne evuanlɛ mɔɔ bɛ nee bɛ vi maanle zo moa moa ɛrɛlɛ me la ɛ? Menrɛlie bɛ ɛyelalɛ azubɔdeɛ ne mɔ, yɛɛ bɛ azubɔlɛ ne mɔ ɛnzɔ me nye.”

Edwɛkpa ne kɛmɔ Mateyu hɛlɛle la 11:3

bɛhɔbizale ye kɛ, “Ɛnee wɔmɔ a ɛle ahenle ne mɔɔ Dwɔn zele kɛ ɔbara la anzɛɛ yɛmaa yɛ nye ɛla sonla fofolɛ ade ɔ?”

Edwɛkpa ne kɛmɔ Luku hɛlɛle la 1:35

Nyamenle soanvolɛ ne buale ye kɛ, “Sunsum Nwuanzanwuanza ne bara ɛ nwo zo, na Nyamenle tumi ne baheda ɛ nwo zo. Ɛhye ati bɛbavɛlɛ kakula ne Nwuanzanwuanza, yɛɛ Nyamenle Ara.

Edwɛkpa ne kɛmɔ Luku hɛlɛle la 7:19

na ɔzoanle bɛ wɔ Awulae anwo ɛkɛ ne kɛ bɛhɔbiza ye kɛ, “Ɛnee wɔmɔ a ɛle ahenle ne mɔɔ ɛlɛba la, anzɛɛ yɛmaa yɛ nye ɛla awie fofolɛ ade ɔ?”

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:4

Na mɔɔ mekɛ ne dwule la, Nyamenle zoanle ɔ Ra ne manle ɔrale ewiade. Raalɛ a nrenzɛle Ralɛ ɛhye a, na ɔwole ye ɔdole Dwuuma maamɛla ne anu,

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Kɛlata mɔɔ bɛhɛlɛle bɛhɔmanle Hibuluma la 1:6

Noko mɔɔ Nyamenle bazoa ye belamunli Ralɛ ne wɔ ewiade la, ɔhanle kɛ, “Ɔwɔ kɛ Nyamenle soanvolɛma amuala sonle ye.”

Kɛlata mɔɔ bɛhɛlɛle bɛhɔmanle Hibuluma la 10:10

Ɔlua ɛhye ati, kɛmɔ Gyisɛse Kelaese yɛle mɔɔ Nyamenle kpondɛ la, ye azu ne mɔɔ ɔvale ɔ nwo ɔyɛle azubɔdeɛ ɔbɔle ye kokye ne ala la ɛde yɛ nwo bɔkɔɔ ɛvi ɛtane nwo.

Kɛlata mɔɔ bɛhɛlɛle bɛhɔmanle Hibuluma la 10:7

Ɛhye ati menganle kɛ, ‘O Nyamenle, mera kɛ mebayɛ mɔɔ ɛkpondɛ la, kɛmɔ bɛhɛlɛ ye wɔ me nwo wɔ mɛla buluku ne anu la.’ ”

Kɛlata mɔɔ bɛhɛlɛle bɛhɔmanle Hibuluma la 10:8

Alumua ne ɔhanle kɛ, “Ɛmkpondɛ, yɛɛ ɛ nye ɛnlie azubɔdeɛ anzɛɛ nane ɛyelalɛ nee ɛtanefakyɛ azubɔlɛ nwo.” Ɔhanle ɛhye, noko mɛla ne maa adenle maa bɛbɔ azu mɔɔ le kɛ ɛhye mɔ la amuala.

Kɛlata mɔɔ bɛhɛlɛle bɛhɔmanle Hibuluma la 2:14

Zɔhane ati kɛmɔ ngakula ne mɔ le nwonane nee mogya la, Gyisɛse ɔdaye ɔyɛle ɔ nwo kɛ bɛdabɛ la na ɔnyianle bɛ nwonane ne bie, amaa yealua ye ewule zo yeazɛkye Abɔnsam, mɔɔ ɛnee lɛ tumi wɔ ewule nwo zo la,

Kɛlata mɔɔ bɛhɛlɛle bɛhɔmanle Hibuluma la 5:7

Mekɛ mɔɔ Gyisɛse wɔ ewiade ye anu la, ɔvale ɛzunlɛ nee nyane ɔdeɛdeanle nu ɔvale ye nzɛlɛlɛ ɔdole Nyamenle mɔɔ yemɔ ala a kɛhola kɛye ye kɛvi ewule nu la anyunlu. Kɛmɔ ɔhanle ɔ nwo aze na ɔvale ɔ nwo amuala ɔmanle la ati, Nyamenle diele ye.

Kɛlata mɔɔ bɛhɛlɛle bɛhɔmanle Hibuluma la 8:3

Sɛlɛvolɛ Kpanyinli biala mɔɔ bɛkɛye ye la fa ahyɛlɛ ninyɛne nee nane bɔ azu maa Nyamenle. Zɔhane ati ɔwɔ kɛ yɛ Sɛlɛvolɛ Kpanyinli ne ɔdaye ɔnyia debie ɔbɔ azu.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

2 Dw 1:7

Adalɛma dɔɔnwo ɛdwazo ewiade ɛleka muala. Bɛmɛ a le menli ne mɔɔ ɛnlie ɛndo nu kɛ Gyisɛse Kelaese rale kɛ sonla ala la. Sonla zɛhae le mɛlɛbɛla na ɔle Kelaese Kpɔvolɛ.