Kɛlata mɔɔ bɛhɛlɛle bɛhɔmanle Hibuluma la 1:3 - BAEBOLO ANZƐƐ BULUKU NWUANZANWUANZA

³ Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 1:3 ပူးပေါင်းရင်းမြစ်များ

1 Edk 29:11

Ɛle kpole, ɛlɛ tumi, ɛle nwuanzanwuanza, ɛle katakyie, ɛle belemgbunli. Debie biala mɔɔ wɔ anwuma nee aze la le wɔ ɛdeɛ, na ɛdi bɛ kɔsɔɔti bɛ nwo zo belemgbunli.

Dwobu Buluku ne 37:22

Ɛdɔlɔlɛ guanye kɛ ezukoa nvutuke vi sɔlɔ ba; tumi bedevinli ɛbɔ Nyamenle ɛyia.

Edwɛndolɛ Buluku ne 110:1

Ɛdɛnkɛma zele me Awulae kɛ, “Tɛnla me sa fema zo, kɔkpula kɛ menwɔva wɔ kpɔvolɛma amuala menwɔwula ɛ gyakɛ abo.” 1 Kɔl 15.25; Ɛfɛ 1.20-22; Kɔlɔ 3.1

Edwɛndolɛ Buluku ne 75:3

Saa azɛlɛ kpusu, maa abɔdeɛ muala kpusu a, medame a mesɔ ye memaa ɔgyinla kpundii a.

Nolo 8:4

Ɔluakɛ mɔɔ belemgbunli kɛha la le tumi, yɛɛ nwane bɔbɔ a kɛhola kɛze ye kɛ, “Na duzu a ɛlɛyɛ la?”

Sɛlɛ 15:15

Sɛlɛvolɛ ne bava abɔ azu; ɔbava ko yeayɛ ɛtane azubɔdeɛ na yeava ko ne yeayɛ ɛyelalɛ azubɔdeɛ, na yeayɛ mgbɔdalɛ nzɛlɛlɛ yeamaa ye wɔ Ɛdɛnkɛma anyunlu wɔ ye mrenyanu ewule ne anwo.

Maeka Buluku ne 5:4

Ɔbalua Ɛdɛnkɛma anwosesebɛ zo yeagyinla yeayɛne ye nyɛmoa wɔ Ɛdɛnkɛma ye Nyamenle ne anyunlunyia nu. Na ye menli ne badɛnla bɛ nwo adɔ bɛ, ɔluakɛ ɛnɛ ɛdeɛ, ɔbayɛ sonlakpole wɔ ewiade ɛleka biala.

Edwɛkpa ne kɛmɔ Mateyu hɛlɛle la 22:24

Bɛrabizale Gyisɛse kɛ, “Kilehilevolɛ, Mosisi kile kɛ, ‘Saa nrenya wu na ɔgyakyi ɔ ye mɔɔ ɔ nee ye anwo la a, ɔwɔ kɛ ɔ diema nrenya gya kunlanvolɛ ne na ɔwo mralɛ ɔmaa ɔ diema ne mɔɔ ɛwu la.’

Edwɛkpa ne kɛmɔ Maake hɛlɛle la 16:19

Awulae Gyisɛse nee ye ɛdoavolɛma ne dendɛle wiele la, bɛvale ye bɛhɔle anwuma na ɔhɔdɛnlanle Nyamenle asa fema zo.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 1:4

Ngoane kɔsɔɔti vi Edwɛkɛ ne anu a ba a, na ngoane ɛhye a le menli wienyi ne a.

Ɛzoanvolɛma Gyima ne 2:33

Bɛmaa ye zo bɛzie Nyamenle asa fema zo, na yenyia Sunsum Nwuanzanwuanza ne, kɛmɔ ɔze vale bɔle ye ɛwɔkɛ la; na mɔɔ bɛnwu ye nee mɔɔ kɛkala bɛte la a le ye ahyɛlɛdeɛ mɔɔ yeva yemaa yɛ la a.

Ɛzoanvolɛma Gyima ne 7:56

Na ɔzele bɛ kɛ, “Bɛnlea, menwu kɛ anwuma ɛbuke, na menwu kɛ Sonla Ra ne gyi Nyamenle asa fema zo.”

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Wulo 8:34

Nwane a kɛhola kɛbua bɛ fɔlɛ a? Asoo Kelaese Gyisɛse, mɔɔ wule, na bɛdwazole ye bɛrale ngoane nu, na ɔde Nyamenle asa fema zo ɛlɛsɛlɛ Nyamenle amaa yɛ la ɔ?

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

Kɔlɔ 3:1

Bɛdwazo bɛ nee Kelaese bɛra ngoane nu. Yemɔti bɛmaa bɛ ahonle ɛdoa ninyɛne mɔɔ wɔ anwuma lɔ, ɛleka mɔɔ Kelaese de ye belemgbunli ebia nu wɔ Nyamenle asa fema zo la abo zo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 1:13

Nyamenle anga angile ye soanvolɛma ne mɔ bie kɛ, “Tɛnla me sa fema zo ɛke kɔkpula kɛ menwɔva wɔ agbɔvolɛ menwɔwula ɛ gyakɛ abo.”

Kɛlata mɔɔ bɛhɛlɛle bɛhɔmanle Hibuluma la 10:12

Kelaese bɔle ɛtanefakyɛ nwo azu kpalɛ ne mɔɔ yɛ nla la kokye, na ɔhɔdɛnlanle Nyamenle asa fema zo.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 4:14

Yemɔti, bɛmaa yɛzɔ diedi ne mɔɔ yɛnyia ye la anu ɛsesebɛ. Ɔluakɛ yɛlɛ Sɛlɛvolɛ Kpanyinli Kpole Kpalɛ mɔɔ ɛhɔ toonwo ɛhɔdwu Nyamenle anyunlu a; yemɔ a le Gyisɛse, mɔɔ le Nyamenle Ara ne.

Kɛlata mɔɔ bɛhɛlɛle bɛhɔmanle Hibuluma la 7:27

Ɔnle kɛ sɛlɛvolɛ mgbanyinli ɛhendeɛ ne mɔ, mɔɔ ɔwɔ kɛ kɔ azukponle nwo kenle biala, kɛ bɛkabɔ bɛ ɛtane nwo azu na bɛabɔ bie bɛamaa awie mɔ la. Ɔvale ɔ nwo ɔbɔle azu ne kokye ala.

Kɛlata mɔɔ bɛhɛlɛle bɛhɔmanle Hibuluma la 8:1

Mɔɔ yɛlɛka la amuala, saa yɛbɔ ye kpɔkɛ ko a, yemɔ a le ɛhye: yɛlɛ Sɛlɛvolɛ Kpanyinli zɛhae, mɔɔ de Nyamenle Bedevinli ne Belemgbunli Ebia ne fema zo wɔ anwuma.

Kɛlata mɔɔ bɛhɛlɛle bɛhɔmanle Hibuluma la 9:16

Saa awie yɛ “wele” na saa ɔwɔ kɛ bɛtulu nu a, kyesɛ bɛkile kɛ ahenle mɔɔ yɛle zɔhane kɛlata ne la ɛwu.

Kɛlata mɔɔ bɛhɛlɛle bɛhɔmanle Hibuluma la 9:26

ɔluakɛ saa ɔle zɔhane a, anrɛɛ ɔkile kɛ ɔwɔ kɛ Kelaese nwu amaneɛ fane dɔɔnwo, ɔvi ewiade mɔlebɛbo ne. Noko ɔrale kokye wɔ mekɛ mɔɔ ninyɛne kɔsɔɔti ɛlɛkɔ awieleɛ la, na ɔvale ye mogya ɔbɔle azu ne ɔnununle ɛtane muala.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Pit 3:22

Yemɔ yɛɛ yehɔ anwuma na ɔde Nyamenle asa fema zo na Nyamenle soanvolɛma nee anwuma tumivolɛma nee mgbolema amuala sonle ye a.

2 Pit 1:16

Yɛangyinla ngehanleɛ zo anzɛɛ sonla adwenle nzuzulɛ zo a yɛkpale yɛ Awulae Gyisɛse Kelaese tumi ne nee ye ɛralɛ bieko nwo edwɛkɛ ne anwo ɛdanlɛ yɛhilele bɛ a. Yɛdayɛ yɛnwunle ye anyunlunyia kpole ne yɛ nye zo yɛɛ yɛdi nwolɛ daselɛ.

2 Pit 1:17

Yɛwɔ ɛkɛ ne yɛɛ Nyamenle Selɛ ne dele ɔ nyunlu, wulale ye anyunlunyia a. Yɛwɔ ɛkɛ ne yɛɛ ɛnelɛ ne vi Anyunlunyia Bedevinli ne ɛkɛ ne hanle kɛ, “Me Ra mɔɔ mekulo ye la ɛne, me nye die ɔ nwo kpole!”

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

1 Dw 3:5

Bɛze kɛ Kelaese rale amaa yeaye ɛtane ne mɔ yeavi ɛkɛ. Yemɔ, ɛtane biala ɛnle ye nu.

Dwuudu Kɛlata ne 1:25

Nyamenle kokye ne mɔɔ le yɛ Ngoanedievolɛ ne, yemɔ yɛɛ anyunlunyia, belemgbunlililɛ, kpoleyɛlɛ, nee tumi ɛlua yɛ Awulae Gyisɛse Kelaese anwo zo ɛyɛ ye ɛdeɛ wɔ ɛnɛ nee mekɛ mɔɔ ɛnlɛ awieleɛ la a! Amen.

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.

Yekile 4:11

“Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”