Kɛlata mɔɔ bɛhɛlɛle bɛhɔmanle Hibuluma la 1:2 - BAEBOLO ANZƐƐ BULUKU NWUANZANWUANZA

² na kenle nsa ye ɛdeɛ, yelua ɔ Ra ne anwo zo a yedendɛ yehile yɛ a. Ɔ Ra ne anwo zo a ɔluale ɔbɔle ewiade a, na yemɔ yɛɛ Nyamenle ɛkpa nu ɛye ye kɛ awieleɛ ne debie biala le ye ɛdeɛ a.

Kɛlata mɔɔ bɛhɛlɛle bɛhɔmanle Hibuluma la 1:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:1

Akee Gyekɔbo vɛlɛle ɔ mra mrenya ne mɔ na ɔzele bɛ kɛ, “Bɛvɛlɛvɛlɛ bɛ nwo bɛrɛla bɛmaa menga mɔɔ kenle bie bazi bɛ nwo zo la mengile bɛ.

Ayezaya Buluku ne 2:2

Ɔbara kɛ mekɛ ne mɔɔ li awieleɛ la, boka ne mɔɔ Ɛdɛnkɛma Ɛzonlenlɛ Sua ne gyi zolɛ la bayɛ boka mɔɔ wale tɛla boka biala; bɛbamaa ye zo wɔ awoka kɔsɔɔti avinli, na maanle maanle kɔsɔɔti banriandi ahɔ zo.

Ayezaya Buluku ne 44:24

Ɛdɛnkɛma, bɛ Kpɔnevolɛ ne mɔɔ bɔle bɛ guale bɛ wɔ bɛ nli mɔ akunlu la se, “Medame a mele Ɛdɛnkɛma, mɔɔ bɔle ninyɛne kɔsɔɔti la, me ngome a membɔle anwuma a. Mɔɔ mebɔ azɛlɛ ye la, nwane a gyi me foa a?

Ayezaya Buluku ne 45:12

Medame a membɔle ewiade a, yɛɛ membɔle sonla mendole nu; menvale me tumi a membɔle anwuma a, yɛɛ medame a membɔle anwumaneamra a.

Ayezaya Buluku ne 45:18

Ɛdɛnkɛma mɔɔ bɔle anwuma la, yemɔ a ɔle Nyamenle a! Yemɔ mɔɔ ɔhyehyɛle na ɔbɔle azɛlɛ ye la, ɔbɔle ɔmanle ɔlile munli, yeambɔ ye sesakaa biala yeanzie ɛkɛ; ɔbɔle ewiade, amaa sonla adɛnla nu. Ɔse, “Medame a mele Ɛdɛnkɛma a, bieko ɛnle ɛkɛ.

Gyɛlɛmaya Buluku ne 30:24

Ɛdɛnkɛma ɛya kpole ne ɛnrɛdwo, kyesɛ yeyɛ mɔɔ yedwenle nwolɛ la amuala yewie. Kenle bie bɛbade ɛhye mɔ abo.

Gyɛlɛmaya Buluku ne 48:47

“Noko mekɛ bie bara mɔɔ mebamaa Mowabe akpazi bieko a. Medame Ɛdɛnkɛma a mese a.” Ɛnee kɛ bɛbazi bɛadea Mowabe la ɛne.

Yizikeɛle Buluku ne 38:16

wɔara me menli Yizilayɛma anwo zo kɛ amungu la wɔaraheda maanle ne azo. Mekɛ ne mɔɔ li amozi la anu, mebamaa wɔara me azɛlɛ ne azo, na saa medua ɛdawɔ Gɔɔgo ɛ nwo zo meye me nwuanzanwuanzayɛlɛ ne mekile a, maanle maanle kɔsɔɔti anwu me.

Daneɛle Buluku ne 10:14

yɛɛ mera kɛ mebaha mɔɔ kenle bie bazi wɔ menli ne anwo zo la meahile wɔ a. Ɛnyelɛzodeɛnwunlɛ ɛhye kile wɔ mɔɔ kenle bie basisi la.”

Daneɛle Buluku ne 2:28

Yɛlɛ Nyamenle wɔ anwuma mɔɔ sa fealera nu ninyɛne gua zolɛ a, na yemɔ yɛɛ ɛye mɔɔ kenle bie bazi la ɛhile Nana a. Ɛlalɛ ne mɔɔ Nana hanle, nee ɛnyelɛzodeɛnwunlɛ ne mɔ mɔɔ ɛnwunle bɛ wɔ nla nu la, bɛmɛ ɛne:

Hozia Buluku ne 3:5

Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Maeka Buluku ne 4:1

Ɔbara ye kɛ, mekɛ ne mɔɔ li amozi la anu, boka ne mɔɔ Ɛdɛnkɛma Ɛzonlenlɛ Sua ne gyi zolɛ la bayɛ boka tendenle adɛla ewiade boka biala. Maanle maanle bapia ara nwolɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:14

Beelam hanle hilele Beelake kɛ, “Melɛsia meahɔ me menli ne mɔ anwo lɔ; bɛla maa menga mɔɔ kenle bie Yizilayɛma bava ayɛ wɔ menli ne la mengile wɔ.”

Edwɛkpa ne kɛmɔ Mateyu hɛlɛle la 13:39

Kpɔvolɛ ne mɔɔ luale bɛ la a le Abɔnsam. Ɛbuhenle ne a le ewiade awieleɛ, yɛɛ menli mɔɔ bu bɛyɔba ne la a le Nyamenle soanvolɛma.

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Mateyu hɛlɛle la 21:38

Na mɔɔ abunsama ne nwunle ɔ ra ne la, bɛhanle bɛhilele bɛ nwo ngoko kɛ, ‘Kɔliagya ne ɛne. Bɛrɛla bɛmaa yɛhu ye na yɛva ye agyadeɛ ne!’

Edwɛkpa ne kɛmɔ Mateyu hɛlɛle la 26:63

Na Gyisɛse andɛ ɔ nloa anu. Sɛlɛvolɛ Kpanyinli ne akee zele Gyisɛse kɛ, “Nea tease Nyamenle ne anyunlu na ka kile yɛ saa wɔmɔ a ɛle Mɛzaya ne, mɔɔ le Nyamenle Ara ne a.”

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

Edwɛkpa ne kɛmɔ Maake hɛlɛle la 1:1

Gyisɛse Kelaese, Nyamenle Ara ne anwo Edwɛkpa ne ɛne.

Edwɛkpa ne kɛmɔ Maake hɛlɛle la 12:6

Akee ɔhale egyinli menle ne ara kokye ne mɔɔ ɔwɔ kɛ ɔsoa ye a. Na nzinlii ɔzoanle ye wɔ abunsama ne ɛkɛ, ɔse, ‘Medie medi kɛ bɛkɛli me ra ye eni.’

Edwɛkpa ne kɛmɔ Maake hɛlɛle la 12:7

Na abunsama ne hanle hilele bɛ nwo kɛ, ‘Kɔliagya ne ɛne; bɛmaa yɛyɛ ko yɛhu ye, na ye agyadeɛ ne ɛyɛ yɛ ɛdeɛ.’

Dw 1:10

Ɛnee Edwɛkɛ ne wɔ ewiade ye. Nyamenle luale ɔ nwo zo a bɔle ewiade a, noko ewiade amra ɛnze ye.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:3

Ɔ nwo zo yɛɛ Nyamenle luale yɛle ninyɛne kɔsɔɔti a; bɛangoati ye bɛanyɛ debie biala mɔɔ wɔ aleɛabo amuala la.

Dw 13:3

Gyisɛse ze kɛ Selɛ ne ɛmaa ye tumi bɔkɔɔ; ɔze kɛ ɔdaye Gyisɛse, ɔvi Nyamenle anwo lɔ a ɔrale a na eza ɔbazia yeahɔ Nyamenle anwo lɔ.

Dw 13:32

Na saa bɛdua me nwo zo bɛye Nyamenle anyunlunyia ne bɛkile a, Nyamenle ɔdaye ɔbaye medame Sonla Ra ne noko, me anyunlunyia ne yeahile, na ɔbayɛ ɛhye ndɛndɛ ne ala.

Dw 15:15

Menvɛlɛ bɛ sonvolɛma bieko, ɔboalekɛ sonvolɛ biala ɛnze mɔɔ ɔ menle ne ɛlɛyɛ la. Mefɛlɛ bɛ me gɔnwo mɔ, ɔboalekɛ mɔɔ mendele ye wɔ Egya ɛkɛ ne la meha ye kpokpoti mehile bɛ.

Dw 16:15

Mɔɔ Egya lɛ bɛ la amuala le me ɛdeɛ; ɛhye ati yɛɛ meha kɛ Sunsum ne baha mɔɔ menwɔva menwɔmaa ye la ahile bɛ a.

Dw 17:2

Ɔluakɛ wɔmaa ye menli kɔsɔɔti anwo zo tumi, amaa yeava ngoane mɔɔ ɛnlɛ awieleɛ la yeamaa menli mɔɔ wɔva bɛ wɔmaa ye la.

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 3:25

Dwɔn ɛdoavolɛma ne bie mɔ bɔle ɔ bo kɛ bɛ nee Dwuuma bie mɔ su kpolera wɔ ɛzonlenlɛ nu ɛnluanlɛ nwo.

Dw 5:26

Kɛmɔ Selɛ ne a le ngoanemaavolɛ la, zɔhane ala yɛɛ yeyɛ Ralɛ ne ngoanemaavolɛ a.

Dw 5:27

Eza yemaa Ralɛ ne tumi kɛ ɔbua ndɛne, ɔboalekɛ yemɔ a ɔle Sonla Ra ne a.

Dw 9:29

Yɛze kɛ Nyamenle dendɛle hilele Mosisi; sonla ɛhye, yɛnze ɛleka mɔɔ ɔvi a.”

Ɛzoanvolɛma Gyima ne 10:36

Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.

Ɛzoanvolɛma Gyima ne 2:17

‘Nyamenle se, mɔɔ mebayɛ wɔ mekɛ mɔɔ li awieleɛ la ɛne. Mebamaa me Sunsum ne ara menli muala anwo zo. Na bɛ mra mrenya nee mraalɛ baha Nyamenle nrɛlaleɛ. Bɛ mgbavolɛ banwu ɛnyelɛzodeɛnwunlɛ, na bɛ mrenya mgbanyinli aha ɛlalɛ.

Wulo 1:4

noko wɔ Nyamenle nu nwuanzanwuanzayɛlɛ nu a, bɛva tumi kpole bɛdwazo ye bɛvi ewule nu bɛhile kɛ ɔle Nyamenle Ara la anwo.

Wulo 8:17

Na saa yɛle ɔ mra a, ɛnee yɛdi agya, yɛɛ ye ɛlolɛ ne mɔɔ yeva yezie ɛkɛ yemaa ɔ mra la yɛbanyia bie, na yɛ nee Kelaese ava mɔɔ Nyamenle ɛva ɛzie ɛkɛ ɛmaa ye la, ɔluakɛ saa yɛ nee Kelaese di nyane a yɛ nee ye kɛnyia ye anyunlunyia ne.

1 Kɔl 2:7

Nrɛlɛbɛ ne mɔɔ yɛbɔ ye nolo la le Nyamenle nrɛlɛbɛ mɔɔ vea na menli ɛnze a. Nyamenle vale ziele yɛ ɛkɛ dɛba kolaa na yeabɔ ewiade ye kɛ ɔbava yeade yɛ nyunlu.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:4

Na mɔɔ mekɛ ne dwule la, Nyamenle zoanle ɔ Ra ne manle ɔrale ewiade. Raalɛ a nrenzɛle Ralɛ ɛhye a, na ɔwole ye ɔdole Dwuuma maamɛla ne anu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:10

Ngyehyɛlɛ ɛhye, mɔɔ ye mekɛ dwu a Nyamenle bamaa yeali munli la a le kɛ, ɔkuohua abɔdeɛ muala mɔɔ wɔ anwuma nee aze la anloa, na yeava Kelaese yeazie bɛ ti.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:9

na memaa menli kɔsɔɔti ɛnwu kɛ nwanwane ngyehyɛlɛ ne mɔɔ vea la bazi ahɔ zolɛ la. Nyamenle mɔɔ yemɔ a ɔbɔle ninyɛne muala la vale ngyehyɛlɛ ɛhye veale mekɛ dɔɔnwo mɔɔ ɛraze ɛhɔ la,

Mɛla 18:15

Ɛdɛnkɛma bɛ Nyamenle ne bamaa ye kpɔmanvolɛ mɔɔ le kɛ medame la avinde bɛ avinli. Ɔbaye ye yeavi bɛdabɛ bɛ mediema ne mɔ avinli, na yemɔ yɛɛ ɔwɔ kɛ bɛtie ye a.

Mɛla 31:29

Ɔluakɛ meze kɛ mewu a bɛbade atua na bɛahwe bɛ nwo bɛavi adenle ne mɔɔ mese bɛlua zolɛ la azo. Mekɛ zɔhane anu, kɛmɔ bɛbayɛ ɛtane bɛatia Ɛdɛnkɛma na bɛava bɛ sa anloa gyima bɛaha ye ɛya la ati, munzule bazi bɛ nwo zo.”

Mɛla 4:30

Saa ngyegyelɛ kpole bie ba bɛ nwo zo, na ɛhye mɔ sisi bɛ nwo zo a, bɛzia bɛdoa Ɛdɛnkɛma bɛ Nyamenle ne, na bɛdie ɔ ne,

Kɛlata mɔɔ bɛhɛlɛle bɛhɔmanle Hibuluma la 1:5

Ɔluakɛ Nyamenle anga angile ye soanvolɛma ne mɔ bie kɛ, “Ɛle Me Ra; ɛnɛ a mewo wɔ a.” Nyamenle anga wɔ ye soanvolɛma ne bie anwo kɛ, “Mebayɛ ɛ Ze, na wɔayɛ me Ra.”

Kɛlata mɔɔ bɛhɛlɛle bɛhɔmanle Hibuluma la 1:8

Wɔ Ralɛ ne anwo, Nyamenle hanle kɛ, “O Nyamenle, wɔ belemgbunlililɛ ɛnrɛbɔ aze ɛlɛ! Ɛfa nɔhalɛlilɛ a ɛsie wɔ menli mɔɔ ɛnea bɛ nwo zo la a.

Kɛlata mɔɔ bɛhɛlɛle bɛhɔmanle Hibuluma la 11:3

Ɔlua diedi zo yɛɛ yɛnyia ndelebɛbo kɛ Nyamenle vale ɔ nloa edwɛkɛ ala a bɔle ewiade a, na mɔɔ ɛnɛ yɛnwu ye la vi mɔɔ yɛnnwu ye la anu a rale a.

Kɛlata mɔɔ bɛhɛlɛle bɛhɔmanle Hibuluma la 2:3

Na saa yɛanzɔ ngoanelielɛ kpole mɔɔ le zɛhae la anu a, ɛnee kɛ ɔkɛyɛ na yɛavi ɛsalɛ ɛ? Awulae mumua ne lumuale bɔle ngoanelielɛ ɛhye anwo nolo, yɛɛ bɛdabɛ mɔɔ bɛdiele ye la ɛhile ɛmaa yɛnwu kɛ ɔle nɔhalɛ.

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

Kɛlata mɔɔ bɛhɛlɛle bɛhɔmanle Hibuluma la 4:14

Yemɔti, bɛmaa yɛzɔ diedi ne mɔɔ yɛnyia ye la anu ɛsesebɛ. Ɔluakɛ yɛlɛ Sɛlɛvolɛ Kpanyinli Kpole Kpalɛ mɔɔ ɛhɔ toonwo ɛhɔdwu Nyamenle anyunlu a; yemɔ a le Gyisɛse, mɔɔ le Nyamenle Ara ne.

Kɛlata mɔɔ bɛhɛlɛle bɛhɔmanle Hibuluma la 5:8

Ɔle Nyamenle Ara bɔbɔ ɛdeɛ, noko ɔluale ye amaneɛnwunlɛ zo ɔzukoale ɔyɛle tieyɛ.

Kɛlata mɔɔ bɛhɛlɛle bɛhɔmanle Hibuluma la 7:28

Mosisi Mɛla ne maa adenle maa bɛyɛ menli mɔɔ ɛndenrɛ la sɛlɛvolɛ mgbanyinli. Na Nyamenle ɛwɔkɛ ne mɔɔ ndane ne wɔ nu, na ɔrale nzinlii la, yɛɛ ɛye Ralɛ ne mɔɔ di munli dahuu la kɛ ɔyɛ Sɛlɛvolɛ Kpanyinli a.

Kɛlata mɔɔ bɛhɛlɛle bɛhɔmanle Hibuluma la 7:3

Mɛlekezidɛke ɛhye, debie biala ɛnle ɛkɛ mɔɔ kile yɛ ɔ ze anzɛɛ ɔ nli a, na yeayɛ ye abusua. Zɔhane ala yɛɛ debie ɛnle ɛkɛ mɔɔ kile yɛ ye awolɛ kenle anzɛɛ ye ewule kenle a. Ɔle kɛ Nyamenle Ara ne ala la; ɔle Sɛlɛvolɛ dahuu.

Kɛlata mɔɔ bɛhɛlɛle bɛhɔmanle Hibuluma la 9:26

ɔluakɛ saa ɔle zɔhane a, anrɛɛ ɔkile kɛ ɔwɔ kɛ Kelaese nwu amaneɛ fane dɔɔnwo, ɔvi ewiade mɔlebɛbo ne. Noko ɔrale kokye wɔ mekɛ mɔɔ ninyɛne kɔsɔɔti ɛlɛkɔ awieleɛ la, na ɔvale ye mogya ɔbɔle azu ne ɔnununle ɛtane muala.

1 Pit 1:20

Nyamenle vale ye ziele ɛkɛ dɛba kolaa na bɛabɔ ewiade, yɛɛ bɛmɛ bɛ ti bɛye ye bɛhile wɔ mekɛ ye mɔɔ li amozi la anu a.

2 Pit 3:3

Mɔɔ lumua la a le kɛ, ɔwɔ kɛ bɛnyia ndelebɛbo kɛ mekɛ mɔɔ li awieleɛ la amgbuzilɛma bie mɔɔ di bɛ atiakunluwɔzo nzi la badwazo na bɛarazi bɛ amgbu. Bɛbagolo bɛ nwo,

Dwuudu Kɛlata ne 1:18

Bɛzele bɛ kɛ, “Saa awieleɛ mekɛ ne ba a, menli mɔɔ ɛnze Nyamenle na bɛdi bɛ ngome bɛ atiakunluwɔzo nzi la bara, na bɛarazi bɛ amgbu.”