Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:2 - BAEBOLO ANZƐƐ BULUKU NWUANZANWUANZA

² Nane, nloma, ninyɛne mɔɔ twenle bɛ nwo aze nee fɛlɛ muala bazulo bɛ; meva bɛ muala mewula bɛ sa nu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:21

Yemɔti Nyamenle bɔle nyevile nu abɔdeɛ mgbole anwo ɛzulolɛ muala nee nzule nu anyewɔzo abɔdeɛ biala nee bɛ ɛsaso, nee nloma kɔsɔɔti nee bɛ ɛsaso. Na Nyamenle nwunle kɛ ɔle kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:26

Akee Nyamenle zele kɛ, “Bɛmaa yɛyɛ sonla kɛ yɛdayɛ yɛ ɛsaso yɛmaa ɔzɔho yɛ, na yɛmaa bɛnlea azule nee nyevile nu fɛlɛ, nloma mɔɔ wɔ anwomanyunlu, nyɛmoa nee nanemgbole nee debie biala mɔɔ twenle ɔ nwo aze wɔ azɛlɛ ye azo la anwo zo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:28

Na Nyamenle yilale bɛ, na ɔzele kɛ, “Bɛlɔ, bɛyɛ mɔnwo mɔnwo, bɛyi azɛlɛ ye na bɛzie azɛlɛ ye. Eza bɛzie azule nee nyevile nu fɛlɛ, anwomanyunlu nloma nee azɛlɛ ye azo abɔdeɛ biala mɔɔ die ɛnwomenle la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:19

Yemɔti Ɛdɛnkɛma Nyamenle vale ndɛtɛlɛ yɛle ɛbɔ nu nane kɔsɔɔti nee nloma mɔɔ tu dua anwomanyunlu la amuala bie. Ɔvale bɛ ɔrɛlɛle sonla kɛ ɔtoto bɛ aluma, na duma biala mɔɔ sonla vale donle abɔdeɛ ko biala la, yemɔ a bɛvale bɛvɛlɛle ye a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:5

Bɛzile nu mɔɔ bɛkɔ la, ɛzulolɛ kpole dɔle azuamgbole mɔɔ zuozua Hyikɛm la amra anwo zo, yemɔti bɛ biala anga ɛlalɛ kɛ ɔkɛkpo Gyekɔbo amra ne mɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:1

Nyamenle yilale Nowa nee ɔ mra ne mɔ na ɔzele bɛ kɛ, “Bɛwo mralɛ dɔɔnwo na bɛ bo zo amra ɛyi azɛlɛ ye azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:3

Meva debie biala mɔɔ ɛnwomenle wɔ ye nu wɔ azɛlɛ ye azo la memaa bɛ kɛ bɛli. Kɛmɔ menvale mbaka nee ndile memanle bɛ kɛ bɛli la, zɔhane ala yɛɛ meva nane nee nloma nee fɛlɛ muala memaa bɛ a. Meva debie biala memaa bɛ.

Dwobu Buluku ne 39:11

Ɔ nwo yɛ se la ati, ɛkɛva ɛ rɛle ɛkɛwula ye nu, na ɛkɛva wɔ gyima muala ɛkɛgua ɔ nwo zo ɔ?

Yizikeɛle Buluku ne 34:25

Me nee bɛ bayɛ anzonudwolɛ ngyekyeleɛ na meavoa nanemgbole ne mɔ meavi azɛlɛ ne azo, amaa bɛadɛnla fienemgbole ne anu anwondɔlɛ nu na bɛala kpɔkɛ nu mbaka ne mɔ abo bɛalafe.

Hozia Buluku ne 2:18

Kenle zɔhane me nee ɛbɔ nu nanemgbole, anwomanyunlu nloma, yɛɛ debie biala mɔɔ twenle ɔ kɛnra aze la bayɛ ngyekyeleɛ; mebaye ɛda, konle dadeɛ nee konle meavi azɛlɛ ne azo, na me menli ne adɛnla bɛ nwo adɔ bɛ.

Sɛlɛ 26:22

Mebatulu nanemgbole anwo ɛzulolɛ wɔ bɛ avinli, meamaa bɛahu bɛ mra, bɛazɛkye bɛ nlankɛ, amaa bɛ nwo ayɛ ekyi na bɛ ndenle ne mɔ azo adɔ mgbane.

Sɛlɛ 26:6

“Mebamaa bɛ nzo nu adwo bɛ wɔ azɛlɛ ne azo, na bɛalie bɛ ɛnwomenle, yɛɛ awie biala ɛnrɛha bɛ ɛzulolɛ. Mebaye nane mɔɔ ɛnle kpalɛ la amuala wɔ azɛlɛ ne azo yɛɛ konle ɛnrɛzi maanle ne anu.

Gyemise Kɛlata ne 3:7

Sonla kola tete nyɛmoa mɔɔ le kɛ nane, nloma, nwɔlɛ yɛɛ nyevile nu fɛlɛ ɔmaa bɛtie ye.