Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:11 - BAEBOLO ANZƐƐ BULUKU NWUANZANWUANZA

¹¹ Nowa lile ɛvolɛ ɛya nsia la, ye siane ne mɔɔ tɔ zolɛ nwiɔ na ye kenle bulu nee nsuu ne azo, azule mgbole mɔɔ deda azɛlɛ ye azo la nee azɛlɛ ye abo nzule ne mɔ amuala gulule nu dukuele; na anwuma ezule noko dukuele,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:7

Na Nyamenle yɛle anwomanyunlu na ɔvale ɔdele nzule ne mɔ mɔɔ wɔ anwuma la ɔvile azɛlɛ ye ɛdeɛ ne mɔ anwo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:17

Ɔluakɛ mebamaa ezule kpole bie adɔ toonwo abu aze, yeazɛkye debie biala mɔɔ die ɛnwomenle mɔɔ wɔ aleɛabo la amuala; debie biala mɔɔ wɔ azɛlɛ ye azo la bawu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:6

Nowa lile ɛvolɛ ɛya nsia la yɛɛ azuyilɛ ne rale a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:14

Siane nwiɔ ne anu kenle ne mɔɔ tɔ zolɛ abulanwiɔ nee nsuu la ɛnee akee azɛlɛ nwo ɛyɛ resee kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:2

Ɔzile nzudenle ne mɔ mɔɔ azɛlɛ bo nzule ne mɔ dua nu bu azɛlɛ ye azo la, ɔmanle maanle nu dele na ezule ne gyakyile ɛdɔlɛ.

2 Arl 7:19

safohyenle ne buale ye kɛ, “Saa Ɛdɛnkɛma mumua ne tukuedukue anwuma nvɛnzɛlɛ bɔbɔ a ɔnrɛzi zɔhane ɛlɛ.” Na Yilaehya zele ye kɛ, “Ɛ nye banwu ye na ɛnrɛli bie.”

2 Arl 7:2

Na belemgbunli sonvolɛ ne mɔɔ nee ye lua la zele Yilaehya kɛ, “Ɛhye, yemɔ tafela. Saa Ɛdɛnkɛma mumua ne tukuedukue anwuma nvɛnzɛlɛ bɔbɔ a, ɔnrɛzi zɔhane ɛlɛ.” Yilaehya buale kɛ, “Ɛ nye banwu ye na ɛnrɛli bie.”

Dwobu Buluku ne 12:15

Saa ɔsisi ezuledɔlɛ zo a, azule sesa; saa ɔtukue ezule a, azɛlɛ sia.

Dwobu Buluku ne 28:4

Bɛfunvu ahuma wɔ bɔnza mɔɔ menli ɛnle nu la anu, ɛleka mɔɔ adendulɛma ɛnze la, bɛkenda nyɛma nwo na bɛdi ehono bɛkɔ bɛba.

Dwobu Buluku ne 38:16

“Asoo wɔnloma nyevile ne abo lɔ wɔdwu ɛleka mɔɔ nzule ne vi ba la, anzɛɛ wɔdia nyevile bo azɛlɛ ne azo ɛlɛ?

Dwobu Buluku ne 38:37

Nwane a ye nrɛlɛbɛ kɛhola amungu ne mɔ tia a? Anzɛɛ nwane a kɛhola anwuma nzule ahodoku ne mɔ kyeɛhyea butu bɛ

Edwɛndolɛ Buluku ne 33:7

Ɔboɔboale nyevile ne anloa kɛ nzule mɔɔ wɔ toba nu; ɔguale nyevile buma ne mɔ efiade.

Edwɛndolɛ Buluku ne 74:15

Ɛmanle nzufeanvea nee azule mralɛ zenzenle, na ɛmanle azudenle sesanle wele resee.

Mrɛlɛbulɛ Buluku ne 3:20

Ɔvale ye adwenle a ɔmanle buma ne mɔ rale, na amungu ne mɔ tɔ ɛbɔlɛ gua azɛlɛ ye azo a.

Ayezaya Buluku ne 24:18

Mɔɔ kɛde ɛzulolɛ nganeɛ na ɔkɛnriandi la bahɔdɔ ewule kuma nu, yɛɛ mɔɔ kɛbɔ mɔdenle kɛvo file zo kɛvi ewule kuma nu la badɔ ɛhane nu. Ɔluakɛ bɛbukebuke anwuma nvɛnzɛlɛ ne mɔ, na azɛlɛ ye adiabo ne mɔ ɛlɛkpusu.

Ayezaya Buluku ne 24:19

Azɛlɛ ye ɛkpuke kpole bie, nuhua ɛkpakye nwiɔ. Azɛlɛ ye ɛkpusu kpole kpalɛ.

Gyɛlɛmaya Buluku ne 5:22

Duzu ati a bɛnzulo me ɛ? Duzu ati a bɛgyi me nyunlu a bɛ nwo ɛnwozo bɛ a? Menvale ɛnwea mengyale nyevile ɛweɛne mɔɔ ɔngola ye bɔ tɛla ɛlɛ la. Azɛlɛkye ne mɔ bu na bɛngola bɛndɛla ɛweɛne ne, bɛkulu mgbole na bɛngola bɛnli ɛweɛne ne bɔtɛla.

Gyɛlɛmaya Buluku ne 51:16

Saa ɔtendɛ a anwomanyunlu nzule di tufonyia, ɔmaa amungu dwazo aleɛabo ɛleka biala. Ezule tɔ a ɔmaa ɔfede, na ɔmaa anwoma vi ye anwomazielɛ ɛleka ne tu.

Yizikeɛle Buluku ne 26:19

Awulae Nyamenle ne se, “Saa meyɛ bɛ suakpole ne suadu kɛ azuamgbole mɔɔ awie ɛnde zolɛ la, memaa nyevile ne bu fa bɛ nwo zo, na azɛlɛkye ne mɔ keda bɛ nwo zo a,

Malakae Buluku ne 3:10

Ɛkpɔ ne mɔ mɔɔ le me ɛdeɛ la, bɛva bɛ kɔsɔɔti bɛrɛla bɛragua ɛleka mɔɔ mesie me ninyɛne ne la, amaa aleɛ ara me sua nu. Bɛzɔ me bɛnlea wɔ ɛhye anwo na bɛnlea saa menrɛbuke anwuma nlenkɛ menrɛgua nwolɛ menrɛmaa bɛnrɛnyia nyilalɛ dɔɔnwo a.

Edwɛkpa ne kɛmɔ Mateyu hɛlɛle la 24:38

Kɛmɔ azuyilɛ kpole ne bara na menli lile, nlonle, agyalɛ lielɛ ebia hɔkpulale kenle mɔɔ Nowa vole ye ɛlɛne ne anu,

1 Tɛs 5:3

Mekɛ mɔɔ menli kɛdwenle kɛ akee “Debie biala ɛla boɛ” la, mekɛ ne anu ala yɛɛ munzule ne bazi a. Biala ɛnrɛvi ɛsalɛ, ɔbayɛ arɛlevilɛ nu kɛ raalɛ mɔɔ ako ɛha ye la.

2 Pit 3:6

yɛɛ eza noko nzule ye ala a yile zɛkyele ewiade dɛba ne la.