Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:3 - BAEBOLO ANZƐƐ BULUKU NWUANZANWUANZA

³ Na Ɛdɛnkɛma zele kɛ, “Menrɛmaa sonla ɛnrɛdɛnla aze dahuu, ɔluakɛ ɔle nwonane. Ɔvi ɛnɛ mɔɔ kɔ la sonla ɛnrɛli ɛvolɛ mɔɔ bo ɛya ko abulanwiɔ la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:2

anwomanyunlu menli bie nwunle kɛ menli amra mraalɛ ne mɔ anwo yɛ fɛ; yemɔti bɛvale mɔɔ bɛdabɛ bɛkulo la bɛgyale bɛ.

Nihɛmaya Buluku ne 9:30

Ɛbɔle bɛ kɔkɔ abotane nu ɛvolɛ biala, ɛluale wɔ Sunsum ne azo ɛmanle wɔ kpɔmanvolɛma dendɛle, na wɔ menli ne yɛle ateakpaso; yemɔti ɛmanle maanle maanle lile bɛ nwo zo konim.

Edwɛndolɛ Buluku ne 78:39

Ɔhakyele kɛ bɛle nwonane ala, bɛle kɛ anwoma mɔɔ se na ɔnzia ko la.

Edwɛndolɛ Buluku ne 90:10

Yɛ ngoane mekɛ le ɛvolɛ abulasuu, saa anwosesebɛ wɔ nu a, abulatwɛ; noko nuhua le ɛvɛlɛ nee nyane ngome; ɔngyɛ ɛnee bɛpɛ nu, ɛnee yɛminli.

Ayezaya Buluku ne 5:4

Duzu debie a anrɛɛ ɔwɔ kɛ meyɛ wɔ me vanye egyinli ne anu mɔɔ meanyɛ a? Ɛnee me nye la kɛ ɔkɛzo vanye ma kpalɛ, na duzu ati a ɔzole ma ɛnwonle a?

Ayezaya Buluku ne 57:16

Ɔluakɛ medame a memaa ngoane a, yɛɛ me nuhua a sunsum ne vi ba a; menrɛva bɛ nwo ɛya dahuu, yɛɛ dahuu menrɛbɔ bɛ somolɛ.

Ayezaya Buluku ne 63:10

Noko bɛdele ɔ nwo atua na bɛmanle ye Sunsum Nwuanzanwuanza ne lile nyane. Yemɔti ɔhakyile ɔ nwo ɔyɛle bɛ kpɔvolɛ na ɔdaye mumua ne ɔhonle ɔtiale bɛ.

Gyɛlɛmaya Buluku ne 11:11

Yemɔti, medame Ɛdɛnkɛma, bɛnlea, memaa munzule ado bɛ.

Gyɛlɛmaya Buluku ne 11:7

Ɔluakɛ mekɛ mɔɔ me nee bɛ ze mɔ vi Yigyibiti rale la, membɔle bɛ kɔkɔ ɛsesebɛ kɛ bɛdie me, na mehɔ zolɛ mehakye bɛ toonwo a yeradwu ɛnɛ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:17

Mebadwu aze me nee bɛ aradendɛ ɛkɛ. Mebadu sunsum ne mɔɔ meva memaa wɔ la bie meawula bɛ, amaa bɛahola bɛaboa wɔ na bɛazoa menli ne adesoa ne bie. Ɔnle kɛ ɛ ngomekye ɛsoa ɔ muala.

Dw 3:6

Mɔɔ bɛkɛlua nwonane ne azo bɛkɛwo ye la le nwonane, yɛɛ mɔɔ bɛkɛlua Sunsum ne azo bɛkɛwo ye la le sunsum.

Ɛzoanvolɛma Gyima ne 7:51

Sitivin hɔle zolɛ zele bɛ kɛ, “Bɛdabɛ, bɛ nzo yɛ se kpalɛ! Bɛnlie Nyamenle bɛnli fee; bɛkpɔla bɛ nzo anzi wɔ Nyamenle edwɛkɛ ne anwo! Bɛva bɛ nlenya mɔ agyakɛ, dahuu bɛko bɛtia Sunsum Nwuanzanwuanza ne!

1 Tɛs 5:19

Bɛmmanua Sunsum Nwuanzanwuanza ne,