Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:8 - BAEBOLO ANZƐƐ BULUKU NWUANZANWUANZA

⁸ Yemɔti aleɛ hyenle la ɛnee ye adwenle ɛzɛkye. Na ɔzoanle ɔmanle bɛhɔvɛlɛle ngonyiama mɔɔ wɔ Yigyibiti la amuala nee maanle ne anu nrɛlɛbɛvolɛma ne amuala na ɔhanle ye ɛlalɛ ne ɔhilele bɛ. Noko bɛ nuhua ko bɔbɔ angola ɛlalɛ ne abo kile kile belemgbunli ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:6

Mɔɔ Dwosefi rale bɛ nwo ɛkɛ ne nwonlomɔ ne la, ɔnwunle kɛ bɛ adwenle ɛzɛkye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:8

Bɛbuale ye kɛ, “Yɛha ɛlalɛ, na yɛnnyia awie ɛngile bɛ bo ɛngile yɛ.” Dwosefi buale bɛ kɛ, “Ɔ bo ɛhilelɛ ne vi Nyamenle ɛkɛ ne a ba a. Mebodo bɛ, bɛha bɛ ɛlalɛ ne mɔ bɛhile me.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:15

Na belemgbunli ne zele Dwosefi kɛ, “Meha ɛlalɛ bie, na awie biala ɛnle ɛkɛ mɔɔ kola kile ɔ bo a. Na mede noko kɛ wɔmɔ, saa bɛka ɛlalɛ bɛkile wɔ a ɛkile ɔ bo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:24

na bɛmemenle abɛlɛ mbaka mgbole nsuu ne. Meha ɛlalɛ ɛhye mehile ngonyiama ne mɔ, noko meannyia bɛ nuhua ko bɔbɔ angile ɔ bo angile me.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:7

Na abɛlɛ mbaka ɛtane ɛtane, agyendo nsuu ne memenle abɛlɛ mbaka mgbole nsuu ne. Belemgbunli ne dunwuele na ɔnwunle kɛ ɔle ɛlalɛ.

Edwɛndolɛ Buluku ne 25:14

Ɛdɛnkɛma fa bɛdabɛ mɔɔ bɛsulo ye la agɔnwolɛ, na ɔmaa bɛnwu ye ngyekyeleɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:11

Akee belemgbunli ne vɛlɛle ye nrɛlɛbɛvolɛma nee ngonyiama mɔɔ wɔ Yigyibiti la, na bɛdabɛ noko bɛyele ngonyia ko ne ala bie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:22

Yigyibiti ngonyiama yele ngonyia ko ne ala bie, yemɔti belemgbunli ahonle akee solole na ye dapele ne yɛle kpole, na kɛmɔ Ɛdɛnkɛma hanle la, yeandie bɛ fee.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:7

Na ngonyiama ne noko yele ngonyia yele ahɛlɛne guale Yigyibiti azɛlɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:11

Na nyila ne mɔ ati ngonyiama ne angola Mosisi anyunlu gyinla, ɔluakɛ ɛnee nyila ɛnwunwu bɛ nee Yigyibitima kɔsɔɔti.

Ayezaya Buluku ne 19:3

Bɛ ɛnwomenle mɔɔ wɔ bɛ nu la bawie, na mebazɛkye bɛ adwenle ngyehyɛleɛ biala. Bɛbahɔ bɛ awozonle ne mɔ, bɛ ngonyiama, menli mɔɔ tendɛ nwomenle nloa azo, yɛɛ bayivolɛma ne mɔ ɛkɛ ne abisa,

Ayezaya Buluku ne 29:14

bɛnlea, eza mebava menli ɛhye mɔ meayɛ ninyɛne ɛzulolɛ bie mɔɔ yɛ nwanwane a. Bɛ nrɛlɛbɛvolɛma nrɛlɛbɛ baminli, yɛɛ bɛ menli mɔɔ nwu adwenle nu la deɛnwunlɛ baminli.”

Ayezaya Buluku ne 8:19

Saa menli ka kile bɛ kɛ, “Bɛhɔbiza bɛ nwo wɔ menli mɔɔ tendɛ nwomenle nloa azo anzɛɛ nyɛnema mɔɔ su peapea na bɛtendɛ bɛ nzo abo la ɛkɛ a,” ɛnee bɛkpondɛ bɛaha kɛ ɔnle kɛ menli biza edwɛkɛ wɔ bɛ Nyamenle ne ɛkɛ ɔ? Asoo ɔle kpalɛ kɛ bɛkɛbiza anyewɔzoamra ati wɔ mɔwuamra ɛkɛ ɔ?

Daneɛle Buluku ne 1:20

Menli nna ne boale belemgbunli ne wɔ edwɛkɛ biala mɔɔ kye adwenle anzɛɛ hyia ndelebɛbo na ɔkɛbiza bɛ la anu kpole kpalɛ dɛlale ngonyiama nee silihyelɛma mɔɔ wɔ maanle ne anu la amuala fane bulu.

Daneɛle Buluku ne 4:18

“Bɛletihyazaa, ɛlalɛ ɛhye a medame Belemgbunli Nɛbukadenɛza menganle a, kile me ɔ bo, ɔboalekɛ Anwuma Nyamenle ne Sunsum wɔ wɔ nu. Nrɛlɛbɛvolɛma mɔɔ wɔ me maanle ye anu la amuala ɛyɛ biala na bɛangola bɛangile ɔ bo.”

Daneɛle Buluku ne 4:19

Akee Daneɛle, mɔɔ eza bɛfɛlɛ ye Bɛletihyazaa la, ahonle dule. Belemgbunli ne zele ye kɛ, “Bɛletihyazaa, mmamaa wɔ ahonle tu ɛlalɛ ne anzɛɛ ɔ bo ɛhilelɛ ne anwo.” Bɛletihyazaa buale kɛ, “Me menle, mesɛlɛ kɛ anrɛɛ ɛlalɛ ne ɛntia wɔ na ɔtia wɔ kpɔvolɛma nee menli mɔɔ kyi wɔ la!

Daneɛle Buluku ne 4:5

Menganle ɛlalɛ bie na mɔɔ mela me ɛkpa ne azo la ɛlalɛ ne gyinlegyinlanle me nye zo, na ɛzulolɛ hanle me.

Daneɛle Buluku ne 4:6

Yemɔti menlile mɛla kɛ nrɛlɛbɛvolɛma mɔɔ wɔ Babelɔn la amuala ɛrɛla ɛrahile me ɛlalɛ ne abo.

Daneɛle Buluku ne 4:7

Na ngonyiayevoma, silikyevoma, adunyipɛvoma, yɛɛ nwɔlɔra kengavoma rayiale; menganle me ɛlalɛ ne mengilele bɛ, na bɛangola ɛlalɛ ne abo kile.

Daneɛle Buluku ne 5:11

Nrenya bie wɔ wɔ maanle ye anu mɔɔ Nyamenle Nwuanzanwuanza ne Sunsum wɔ ye nu. Ɛ ze Nɛbukadenɛza mekɛ zo, bɛnwunle kɛ ɔlɛ wienyi bie li ɔ nyunlu, ɔlɛ ndelebɛbo, yɛɛ ɔze nrɛlɛbɛ kɛ awozonle ne mɔ ala la. Ɔlua ɛhye ati Nɛbukadenɛza yɛle ye ngonyiayevoma, silikyevoma, adunyipɛvoma, yɛɛ nwɔlɔrakengavoma kpanyinli.

Daneɛle Buluku ne 7:28

“Edwɛkɛ ne awieleɛ ɛne. Na mame Daneɛle, ɔmanle ɛzulolɛ hanle me, na me adwenle zɛkyele, noko menvale edwɛkɛ ne menziele me ti anu.”

Daneɛle Buluku ne 8:27

Na medame Daneɛle, debie dɔle me nwo zo, ɔyɛle me anwondolɛ mekɛ dɔɔnwo. Nzinlii mendele kpɔkɛ na mendwazole mengɔle me gyima zo wɔ belemgbunli sua nu. Na ɛnyelɛzodeɛnwunlɛ ne manle me nwo bubule me, meande ɔ bo.

Sɛlɛ 19:31

“Bɛmmabiza bɛ nwo wɔ menli mɔɔ tendɛ nwomenle nloa azo la anzɛɛ nyɛnema ɛkɛ. Bɛmmakpondɛ bɛ bo zo bɔbɔ na evinli aha bɛ; medame a mele Ɛdɛnkɛma bɛ Nyamenle ne a.

Sɛlɛ 20:6

“Saa awie kɔbiza ɔ nwo wɔ sonla mɔɔ tendɛ nwomenle nloa azo la ɛkɛ, anzɛɛ ɔkɔ bayivolɛ bie ɛkɛ ɔkɔbiza ɔ nwo anzɛɛ ɔ nee bɛ kɔbɔ tuutuu ɛbɛla a, mebava me nye meazie ɔ nyunlu na meaye ye meavi ye menli ne avinli.

Habakɛke Buluku ne 3:16

Mete na me nwo wozo me, ɔ ne maa me nloa babonle wozo; me nwo golo me, me gyakɛ to bɛka nu. Mebayɛ koonwu meahendɛ amaneɛnwunlɛ kenle ne mɔɔ Nyamenle bava adea menli mɔɔ ko fa yɛ la.

Edwɛkpa ne kɛmɔ Mateyu hɛlɛle la 2:1

Bɛwole Gyisɛse wɔ sua ne mɔɔ bɛfɛlɛ ye Bɛtelɛhɛm la azo, wɔ Dwudiya maanzinli nu, wɔ mekɛ mɔɔ ɛnee Hɛlɔdo a di belemgbunli la. Nrɛlɛbɛvolɛma bie vi aduduleɛ rale Gyɛlusalɛm

Ɛzoanvolɛma Gyima ne 17:18

Eku nwiɔ bie mɔɔ Ɛpekulɛse nee Zɛno a dele la anu kilehilevolɛma rale na bɛ nee Pɔɔlo razule kpolera na bɛzele kɛ, “Na sonlamgbane ɛhye, duzu edwɛkɛ yɛɛ ɔkpondɛ yeaha a?” Bie mɔ noko se, “Ɔzɔho kɛ ɔlɛbɔ ɛzonlenlɛ fofolɛ bie anwo nolo.” Bɛhanle ɛhye, ɔluakɛ Pɔɔlo hanle Gyisɛse nee ewudwazo nwo edwɛkɛ.

Ɛzoanvolɛma Gyima ne 7:22

Bɛhilehilele ye Yigyibiti nrɛlɛbɛ nee ye amaamuo ne amuala. Na ɔnyinle ɔyɛle sonlakpole wɔ edwɛkɛhanlɛ nee nyɛleɛ nu.

1 Kɔl 1:19

Ɔluakɛ Nyamenle Edwɛkɛ ne se, “Mebaminliminli nrɛlɛbɛvolɛma nrɛlɛbɛ ne abo zo, na meamaa adwenlema ndelebɛbo ayɛ mgbane.”

1 Sam 6:2

Filisitiama vɛlɛvɛlɛle bɛ ahɔmenle nee menli mɔɔ bɔ menli munzule la na bɛbizale bɛ kɛ, “Ɛdɛnkɛma Ngyekyeleɛ Ɛlɛka ne kɛ yɛyɛ ye ɛ? Bɛha deɛ holɛ ko mɔɔ saa yɛfa yɛahɔzie ɔ bo zo dɛba ne a yɛva yɛboka nwolɛ la bɛhile yɛ.”