Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:8 - BAEBOLO ANZƐƐ BULUKU NWUANZANWUANZA

⁸ Bɛbuale ye kɛ, “Yɛha ɛlalɛ, na yɛnnyia awie ɛngile bɛ bo ɛngile yɛ.” Dwosefi buale bɛ kɛ, “Ɔ bo ɛhilelɛ ne vi Nyamenle ɛkɛ ne a ba a. Mebodo bɛ, bɛha bɛ ɛlalɛ ne mɔ bɛhile me.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:8 ပူးပေါင်းရင်းမြစ်များ

Daneɛle Buluku ne 2:47

Belemgbunli ne hanle hilele Daneɛle kɛ, “Nɔhalɛ, wɔ Nyamenle ne le nyamenle kɔsɔɔti bɛ Nyamenle, yɛɛ ɔle arelemgbunli kɔsɔɔti bɛ Awulae. Ɔle Nyamenle mɔɔ sa fealera nu ninyɛne gua zolɛ a. Ɔboalekɛ wɔhola wɔla me fealera nu edwɛkɛ ɛhye ali.”

Daneɛle Buluku ne 2:28

Yɛlɛ Nyamenle wɔ anwuma mɔɔ sa fealera nu ninyɛne gua zolɛ a, na yemɔ yɛɛ ɛye mɔɔ kenle bie bazi la ɛhile Nana a. Ɛlalɛ ne mɔɔ Nana hanle, nee ɛnyelɛzodeɛnwunlɛ ne mɔ mɔɔ ɛnwunle bɛ wɔ nla nu la, bɛmɛ ɛne:

Emɔzo Buluku ne 3:7

Nɔhalɛ, Awulae Nyamenle ɛnyɛ debie wɔ mekɛ mɔɔ ɔtɛyele ɔtɛkilele ye sonvolɛma, Nyamenle kpɔmanvolɛma la.

Daneɛle Buluku ne 4:8

Nzinlii Daneɛle mɔɔ Nyamenle Nwuanzanwuanza ne Sunsum ne wɔ ye nu, na menvale me bozonle Bɛletihyazaa duma mendonle ye la rale. Menganle ɛlalɛ ne mengilele ye. Mese:

Daneɛle Buluku ne 2:11

Mɔɔ Nana ɛbiza la, sonla ɛnrɛhola ɛnrɛyɛ, kyesɛ awozonle ne mɔ mɔɔ ɛnle nwonane la na ahola ye yɛ.”

Ayezaya Buluku ne 8:19

Saa menli ka kile bɛ kɛ, “Bɛhɔbiza bɛ nwo wɔ menli mɔɔ tendɛ nwomenle nloa azo anzɛɛ nyɛnema mɔɔ su peapea na bɛtendɛ bɛ nzo abo la ɛkɛ a,” ɛnee bɛkpondɛ bɛaha kɛ ɔnle kɛ menli biza edwɛkɛ wɔ bɛ Nyamenle ne ɛkɛ ɔ? Asoo ɔle kpalɛ kɛ bɛkɛbiza anyewɔzoamra ati wɔ mɔwuamra ɛkɛ ɔ?

Edwɛndolɛ Buluku ne 25:14

Ɛdɛnkɛma fa bɛdabɛ mɔɔ bɛsulo ye la agɔnwolɛ, na ɔmaa bɛnwu ye ngyekyeleɛ ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:9

Yemɔti sonvolɛ ne mɔɔ nea nza nee ahyɛnze zo la hanle ye ɛlalɛ ɛdeɛ ne hilele Dwosefi kɛ, “Meka ɛlalɛ la ɛnee vanye baka gyi me nyunlu ɛkɛ.

Dwobu Buluku ne 33:23

“Saa ɔnyia Nyamenle soanvolɛma apenle apenle ne mɔ anu kamaavolɛ ko, mɔɔ maa yeanwu mɔɔ le kpalɛ maa ye,

Daneɛle Buluku ne 2:3

Ɔzele bɛ kɛ, “Meha ɛlalɛ bie, na ɛlalɛ ne ɛha me ɛzulolɛ, yemɔti meda nwolɛ a ɔnla. Mekpondɛ kɛ mete ɔ bo.”

Daneɛle Buluku ne 2:27

Daneɛle buale ye kɛ, “Nana, nrɛlɛbɛvolɛ, silikyevolɛ, ngonyiayelɛnli, anzɛɛ nwɔlɔra kengavolɛ biala ɛnle ewiade mɔɔ kɛhola kɛyɛ deɛ ne mɔɔ belemgbunli ɛbiza la.

Daneɛle Buluku ne 5:16

Na mede kɛ ɛkola ɛkile debie bo yɛɛ ɛkola ɛgyinla edwɛkɛ ɛsesebɛ nloa. Saa ɛkola ngɛlɛlera ne kenga ɛkile ɔ bo ɛkile me a, bɛbawula wɔ belemgbunli tɛladeɛ, bɛava ezukoa nvutuke ndweabane bɛado ɛ kɔme, na wɔayɛ maanlebuvo mɔɔ tɔ zolɛ nsa la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:25

Na Dwosefi buale kɛ, “Nana, ɛlalɛ ne le kokye. Nyamenle ɛye mɔɔ ɔbayɛ la ɛhile Nana.