Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:4 - BAEBOLO ANZƐƐ BULUKU NWUANZANWUANZA

⁴ Ebɛle noko hyele mboane mralɛ mɔɔ ye mboane ne mɔ bie lumuale wole bɛ la, na ɔvale bɛ nee bɛ ɛleka mɔɔ ɛlɔ kpalɛ la ɔbɔle azu ɔmanle Ɛdɛnkɛma. Ɛdɛnkɛma anye zɔle Ebɛle azubɔdeɛ ne,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:17

Mɔɔ sɛnzɛne ne dɔle na maanle nu yɛle awozinli la, senle siase mɔɔ ɛlɛkpu esike nee tɛkɛ mɔɔ ɛlɛsɔ gbolamgbolam la razenle nane ebule ebule ne mɔ avinli.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:3

Mekɛ hɔle bie la, Keen vale ye egyinli ne anu aleɛ ne bie bɔle azu manle Ɛdɛnkɛma.

1 Arl 18:24

Saa yɛyɛ ɛhye na ɔwie a akee bɛvɛlɛ bɛ nyamenle ne, na medame mebavɛlɛ Ɛdɛnkɛma me Nyamenle ne, na Nyamenle ne mɔɔ kɛrazɔ senle kɛyela nane ne la, yemɔ a le Nyamenle a.” Menli ne kɔsɔɔti zulole zolɛ kɛ “Ɛhɛe, yɛdie yɛto nuhua. Ɔdaye ne ala ɛne”

1 Arl 18:38

Na ɛkɛ ne ala Ɛdɛnkɛma manle senle vi anwuma radɔle azubɔdeɛ ne anu yelale nane ne, ɛyɛne ne, awolɛ ne mɔ nee azɛlɛ ne manle nzule ne mɔɔ gyi kuma ne anu la sesanle bɔkɔɔ.

1 Edk 21:26

Ɔzile azukponle ɔmanle Ɛdɛnkɛma wɔ ɛkɛ na ɔyelale nane ɔbɔle azu nee anzonudwolɛ azu wɔ zolɛ. Ɔzɛlɛle Ɛdɛnkɛma na Ɛdɛnkɛma diele ye na ɔmanle senle vi anwuma radɔle ɛyelalɛ azubɔdeɛ ne anu wɔ azukponle ne azo.

2 Edk 7:1

Belemgbunli Sɔlɔmɔn wiele nzɛlɛlɛ ne yɛ la, senle vi anwuma rayelale ɛyelalɛ azubɔdeɛ ne nee azubɔdeɛ mɔɔ ɛha la, na wienyi kpole bie mɔɔ kile Ɛdɛnkɛma anyunlunyia la rayile Ɛzonlenlɛ Sua ne.

Edwɛndolɛ Buluku ne 20:3

Ɔmaa wɔ azubɔdeɛ ne mɔ amuala ɛzɔ ɔ nye, na ɔlie wɔ ɛyelalɛ azubɔlɛ ne mɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:12

debie biala mɔɔ kɛlumua kɛkpakye awodeɛ la bɛdu bɛzie ahane bɛmaa Ɛdɛnkɛma. Ɛnlankɛ biala ara nyinli mɔɔ lumua la le Ɛdɛnkɛma ɛdeɛ.

Mrɛlɛbulɛ Buluku ne 3:9

Fa ɛ nwo amuala di Ɛdɛnkɛma eni, na fa wɔ egyinli nu bɛyɔba mɔɔ lumua la maa ye,

Nolo 4:4

Akee menwunle kɛ ɛvɛlɛ muala nee sonla asa anloa gyima kɔsɔɔti gyi sonla agɔnwo anwo anyebolo zo. Ɛhye noko le mgbane; ɔle kɛ ɛlɛkye anwoma la.

Sɛlɛ 9:24

Na senle vi Ɛdɛnkɛma ɛkɛ ne rayelale ɛyelalɛ azubɔdeɛ ne nee nane ɛnlome ne mɔɔ wɔ azukponle ne azo la. Menli ne amuala nwunle ye la, bɛdeɛdeanle nuhua na bɛbutubutule bɛ nye aze.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:15

Mosisi vale ɛya kpole na ɔhanle ɔhilele Ɛdɛnkɛma kɛ, “Mmadie azubɔdeɛ biala mɔɔ menli ɛhye mɔ kɛva kɛra la. Metɛfonle bɛ nuhua biala, yɛɛ metɛfale bɛ asoaso ne mɔ ko bɔbɔ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:35

Akee Ɛdɛnkɛma manle senle vi anwuma rayelale menli ɛya nwiɔ abulanlu ne mɔɔ ɛva ɛyɛlɛ ne ɛra babɔ ɛyɛlɛ azu ne la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:12

“Ɛvolɛ biala egyinli nu bɛyɔba mɔɔ Yizilayɛma kɛlumua kɛbu na bɛkɛva bɛkɛmaa me la, ɔlivi nwole kpalɛ, nwanye nee abɛlɛ, meva memaa wɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:17

Na nlankɛ, mboane, yɛɛ mbɔnkye amra mɔɔ lumua la ɛdeɛ ɔnle kɛ bɛkpɔne bɛ; bɛva bɛ bɛbɔ azu, bɛle nwuanzanwuanza. Bɛdo bɛ mogya ne bɛgua azukponle ne anwo na bɛyela bɛ ɛnlome ne kɛ ɔle ɛyelalɛ azubɔdeɛ mɔɔ ye evuanlɛ sɔ Ɛdɛnkɛma anye a.

Kɛlata mɔɔ bɛhɛlɛle bɛhɔmanle Hibuluma la 11:4

Diedi yɛɛ manle Ebulu bɔle azu kpalɛ mɔɔ sɔ ɛnyelɛ la manle Nyamenle dɛlale Keen a. Ɔlua ye diedi ti Ebulu zɔle Nyamenle anye kɛ ɔle sonla tenlene, ɔluakɛ ye ahyɛlɛdeɛ ne zɔle ɔ nye. Ebulu ɛwu bɔbɔ ɛdeɛ, noko kɛkala ɔlua ye diedi zo ɔtendɛ ɔkile yɛ.

Kɛlata mɔɔ bɛhɛlɛle bɛhɔmanle Hibuluma la 9:22

Nɔhalɛ, mɛla ne kile kɛ mogya ala a bɛfa bɛte debie biala anwo a, yɛɛ ɔwɔ kɛ bɛtwi mogya na bɛava bɛali ɛtane nwo mgbɔdalɛ.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.

Maanlebuvolɛma Buluku ne 6:21

Akee Ɛdɛnkɛma soanvolɛ ne vale ye kpɔma ne mɔɔ ɔlɛ la ati hanle nane ne nee kpanwo ne, na senle vi bolɛ ne anu zɔle yelale nane ne nee kpanwo ne. Na Ɛdɛnkɛma soanvolɛ ne minliminlinle ɔ nye zo.

1 Sam 15:22

Samoɛle zele kɛ, “Ɛnee ɛnea a Ɛdɛnkɛma anye die azubɔdeɛ nee ɛyelalɛ azubɔlɛ nwo kpole tɛla kɛ ɛkɛdie ɔ ne la ɔ? Nea, tieyɛ le kpalɛ tɛla azubɔlɛ, yɛɛ ɛtie Ɛdɛnkɛma ane a ɔle kpalɛ ɔtɛla mboane nyinli mɔɔ ɛwie kye la.