Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:1 - BAEBOLO ANZƐƐ BULUKU NWUANZANWUANZA

¹ Adam nee ɔ ye Yive lale, na Yive vale ɛkolɛ na ɔwole ralɛ nrenya. Bɛdonle ye Keen. Yive edwɛkɛ a le kɛ, “Ɔlua Ɛdɛnkɛma moalɛ zo mewo ralɛ nrenya.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:24

Ɛdɛnkɛma Nyamenle voanle sonla vile tola ne anu, na ɔvale tease abɔdeɛma nee dadeɛ mɔɔ ɛlɛsɔ na ɔpɛnepɛne ɔ nwo ɛleka biala la ɔrazinzale Yidɛn tola ne aduduleɛ adenle ne mɔɔ kɔ ngoane baka ne anwo la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:2

Nzinlii Yive wole Keen anzi ralɛ nrenya, na bɛdonle ye Ebɛle. Ebɛle ɛnee sie mboane, yɛɛ Keen yɛ egyinli.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:25

Adam nee ɔ ye wole ralɛ nrenya bieko. Ɔ ye hanle kɛ, “Nyamenle ɛmaa me ralɛ nrenya ɛmaa meva mezie Ebɛle, mɔɔ Keen hunle ye la abo zo.” Na ɔdonle ye Sɛte.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 5:29

Ɔhanle kɛ, “Nyamenle ɛmaa munzule ɛha azɛlɛ ye. Ɔlua zo ɛnɛ yɛyɛ zolɛ egyinli a yɛnwu nyane kpalɛ. Noko kakula ɛhye bamaa yɛ nyanenwunlɛ ne aha aze.” Ɛhye ati ɔdonle ye Nowa.

Edwɛndolɛ Buluku ne 127:3

Nea, mralɛ mrenya le agyadeɛ mɔɔ vi Ɛdɛnkɛma ɛkɛ a; awolɛ le nyilalɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:17

Ɛhye ati bɛhu ngakula mrenya kɔsɔɔti nee raalɛ biala mɔɔ nrenya ɛva ye ɛlɛ la,

1 Dw 3:12

Ɔnle kɛ yɛyɛ kɛ Keen mɔɔ le Abɔnsam ara, mɔɔ hunle ɔ diema ne la. Na duzu ati a ɔhunle ye a? Ɔhunle ɔ diema ne, ɔluakɛ ɔdaye Keen ye nyɛleɛ ne mɔ ɛnle kpalɛ, na ɔ diema ne nyɛleɛ ne mɔ le fɔɔnwo.