Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:3 - BAEBOLO ANZƐƐ BULUKU NWUANZANWUANZA

³ Gyekɔbo zoanle menli manle bɛlumuale ɔ nyunlu wɔ ɔ diema Yisɔ anwo lɔ wɔ Siyɛ azɛlɛ zo, wɔ Yidɔm maanle nu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:6

Eza bɛhanle Hɔlaema mɔɔ wɔ Yidɔm awoka ne mɔ azo la senle, na bɛvoanle bɛ toonwo bɛhɔdwule Ɛlepɛlan, mɔɔ wɔ ɛsɛlɛ ne anloa la,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:30

Ɔzele Gyekɔbo kɛ, “Maa me aluba kɔkɔlɛ tolo ye bie meno na me nye zo ɛlɛbulu!” (Ɛhye ati a bɛvɛlɛle ye Yidɔm la).

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:11

Mesɛlɛ wɔ, die me wɔ me diema Yisɔ asa anu, ɔluakɛ mesulo kɛ ɔbara yearahu yɛ muala, ngakula ne mɔ nee bɛ nli mɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:7

Gyekɔbo ahonle dule kpole na ɛzulolɛ hanle ye. Yemɔti ye menli mɔɔ ɔ nee bɛ lua la, ye nyɛmoa, ye nlankɛ, yɛɛ ye afunlumu ne mɔ, ɔhyɛle ko biala anu nwiɔ na ɔyɛle bɛ ekpunli nwiɔ,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:14

Mesɛlɛ wɔ, dumua na medame noko mebayɛ ye bɛtɛbɛtɛ, kɛmɔ nyɛmoa ne mɔ nee ngakula ne mɔ anwosesebɛ si de la, na me nee bɛ ara ɛ nwo lɔ wɔ Yidɔm.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:16

Yemɔti Yisɔ ziale hɔle Yidɔm kenle ko ne ala.

2 Sam 2:8

Nɛɛ ara nrenya Abenɛɛ mɔɔ nea Sɔɔlo ɛlɔnema ne anwo zo la ɛva Sɔɔlo ara nrenya Yehyebɔhyɛte ɛnriandi ɛhɔpɛ Azule Dwɔdan ne ɛhɔ Meehaneeyem;

2 Arl 6:17

Akee ɔzɛlɛle kɛ, “Ɛdɛnkɛma, buke me sonvolɛ ye anye maa ɔnwu debie.” Ɛdɛnkɛma diele nzɛlɛlɛ ne na ɔbukele kpavolɛ ne anye na ɔnwunle kɛ ɛlɔnema mɔɔ de senle mgbɔnwɔ zo nee senle ehwili nu la ɛbɔ ɛyia Yilaehya na bɛ somaa ɛva boka ne amuala.

1 Edk 12:23

Mekɛ mɔɔ Devidi wɔ Hibulɔn la, menli dɔɔnwo mɔɔ ze konle nye zo la rabokale ye ɛlɔnema ne anwo kɛ bɛbaboa bɛamaa bɛadu Sɔɔlo na bɛava belemgbunlililɛ ne bɛamaa Devidi, kɛmɔ Ɛdɛnkɛma ɛwɔkɛ ne se la. Bɛ dodo ɛne: Dwudama: menli apenle nsia, ɛya mɔtwɛ mɔɔ to atwɛ na bɛdɛ enyinlike; Semɛyɔnoma: menli apenle nsuu, ɛya ko; Livaema: menli apenle nna, ɛya nsia; Aalɔn abo zo amra mɔɔ li Gyɛhɔyada anzi la le apenle nsa, ɛya nsuu; Kpavolɛ katakyie Zeedɔko sua nu amra: menli abulanwiɔ nee nwiɔ; Bɛngyamanema (Sɔɔlo ɔdaye ye mbusuafoɔ): menli apenle nsa (menli ɛhye mɔ anu dɔɔnwo kpalɛ lile Sɔɔlo anzi); Yifelaemma: apenle ngoko abulanwiɔ, ɛya mɔtwɛ, mɔɔ di munli wɔ bɛ mbusua ekpulike ne mɔ anu la; Manasɛ Adɔleɛma: menli apenle ngoko bulu nee mɔtwɛ. Bɛkpale nu bɛyele bɛ kɛ bɛhɔboa bɛmaa bɛzie Devidi belemgbunli. Yesakaama: safohyenlema ɛya nwiɔ nee bɛ ɛlɔnema mɔɔ wɔ bɛ bo la. (Safohyenlema ɛhye mɔ ze debie mɔɔ ɔwɔ kɛ Yizilayɛma yɛ a, yɛɛ eza bɛze mekɛ kpalɛ mɔɔ ɔwɔ kɛ bɛfa bɛyɛ la.) Zɛbulɛnema: menli apenle ngoko abulanlu mɔɔ di nɔhalɛ; bɛlɛ konle ninyɛne biala na bɛboa bɛ nwo bɛwie. Nafetalaema: safohyenlema apenle, nee ɛlɔnema apenle ngoko abulasa nee nsuu mɔɔ dedɛ enyinlike nee atwɛ. Danema: menli apenle ngoko abulanwiɔ nee mɔtwɛ, ɛya nsia; Ahyama: menli apenle ngoko abulanla mɔɔ gyi ye mrenyazo Mbusua ekpunli ekpunli mɔɔ wɔ Dwɔdan Aduduleɛ, Wulubɛn, Gaade, yɛɛ Manasɛ Aduduleɛ amra, bɛ muala bɛlua menli apenle ngoko ɛya ko abulanwiɔ (120,000) mɔɔ kola fa konle debie biala ko la.

Sɔlɔmɔn Edwɛne 7:1

Duzu nwanwane bɛlɛra a le wɔ, mɔɔ ɛ gyakɛ nee mgbɔlaboa di zɛhae a? Wɔ ɛzɔlɛ bolomolo ne mɔ le kɛ mgbɔba, bɛ ngɛnlɛma le kɛ dwinvolɛ kpalɛ sa anloa gyima.

Ayezaya Buluku ne 21:11

Nyamenle nrɛlaleɛ mɔɔ fane Yidɔm anwo la ɛne: Awie wɔ Yidɔm (Siyɛ) ɛlɛfɛlɛ me. Ɔse, “Sinzavolɛ, aledwolɛ ne anu ɛ? Sinzavolɛ, aledwolɛ ne anu ɛ?”

Gyɛlɛmaya Buluku ne 49:7

Edwɛkɛ mɔɔ Tumivolɛ Ɛdɛnkɛma hanle ye wɔ Yidɔm anwo la ɛne: Ɔse, “Nrɛlɛbɛ ɛwie Yidɔm ɔ? Adile bieko ɛnle ɛkɛ mɔɔ tu folɛ ɔ? Bɛ nrɛlɛbɛ ne ɛwie ɔ?

Malakae Buluku ne 3:1

Tumivolɛ Ɛdɛnkɛma se, “Nea, mebazoa me ɛbɔfoɔ meamaa yeahɔziezie adenle ne anu yeamaa me. Na arɛlevilɛ nu ala bɛbanwu Awulae ne mɔɔ bɛlɛkpondɛ ye la kɛ ɔlɛkɔ Ɛzonlenlɛ Sua ne anu. Ngyekyeleɛ ne anwo ɛbɔfoɔ ne mɔɔ bɛ nye la ye ade la ɛlɛba.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:18

Ɔbava Yidɔm azɛlɛ ne yeayɛ ye ɛdeɛ, Na yeava ye kpɔvolɛma, Siyɛ, azɛlɛ ne yeayɛ ye ɛdeɛ, Mekɛ mɔɔ ɛnee Yizilayɛ ɛlɛdi konim la.

Edwɛkpa ne kɛmɔ Luku hɛlɛle la 9:52

Yemɔti ɔzoanle menli ɔmanle bɛlumuale ɔ nyunlu wɔ Samɛlea sua bie azo kɛ bɛhɔziezie ɛkɛ ne bɛmaa ye.

Mɛla 1:2

(Saa awie vi Saenae Boka kɛ ɔfa Yidɔm awoka ne mɔ anu yeahɔ Keedɛhye Baanɛya a ɔdi kenle bulu nee ko wɔ adenle nu.)

Mɛla 2:22

Zɔhane ala yɛɛ ɔyɛle ɔmanle Yisɔ abo zo amra ne mɔɔ de Yidɔm la a, ɔbɔle menli mɔɔ ɛnee de Hɔɔ la abo zo, na bɛdɛnla azɛlɛ ne azo toonwo a yeradwu ɛnɛ a.

Mɛla 2:5

Bɛmmafa konle biala bɛtoa bɛ, ɔluakɛ menrɛva bɛ azɛlɛ ne bie menrɛmaa bɛ. Bɛ azɛlɛ ne ekyi mɔɔ le kɛ egyakɛ ko abo zo bɔbɔ la, bɛnrɛnyia ye, ɔboalekɛ meva Yidɔm maanle ne memaa Yisɔ nee ɔ bo zo amra kɛ bɛ ɛdeɛ ɔ.

Dwɔhyua Buluku ne 13:30

Bɛ azɛlɛ ne tɛlɛ dwu Meehaneeyem nee Beehyan, ɔfa Belemgbunli Ɔɔgo mɔɔ de Beehyan la maanle ne, yɛɛ Gyeeyɛɛ namunamu abulasia ne amuala.

Dwɔhyua Buluku ne 24:4

na Ayezeke wole Gyekɔbo nee Yisɔ. Menvale Yidɔm azɛlɛ ne mɔɔ la awoka ne mɔ azo lɔ la memanle Yisɔ kɛ ɔva ɔdɛnla zolɛ, na bɛ nlenya Gyekɔbo nee ɔ mra ne mɔ hɔle Yigyibiti.