Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:5 - BAEBOLO ANZƐƐ BULUKU NWUANZANWUANZA

⁵ Nyamenle ze kɛ saa bɛdi baka ne ma ne bie a bɛ nye babuke na bɛayɛ kɛ ɔdaye Nyamenle la, na bɛanwu mɔɔ le kpalɛ, bɛannwu mɔɔ le ɛtane la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:17

na kpalɛ nee ɛtane ɛnwunlɛ baka ne, yemɔ mmadi ye ma ne bie, ɔluakɛ kenle ko ne mɔɔ ɛkɛli bie la, ɛbawu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:9

Na Ɛdɛnkɛma Nyamenle manle mbaka kɔsɔɔti mɔɔ le ngɛnlɛma nee mɔɔ bɛdi a ɔyɛ boɛ la fifile; ɔmanle ngoane baka ne yɛɛ baka ne mɔɔ maa ɛkola ɛnwu kpalɛ nee ɛtane la ɔdaye bɛfifile tola ne anu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:10

Nrenya ne buale kɛ, “Mendele ɛ gyakɛ abo wɔ tola ne anu, na ɛnee mesulo, ɔboalekɛ melɛ me nwo zɔ, yɛɛ menveale a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:22

Akee Ɛdɛnkɛma Nyamenle zele kɛ, “Bɛnlea, kɛkala sonla ɛyɛ kɛ yɛ nuhua ko la, yenwu kpalɛ nee ɛtane. Saa yɛannea ye boɛ a ɔbali ngoane baka ne ɔdaye ye ma ne bie na yeadɛnla ngoane nu dahuu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:7

Ɛkɛ ne ala bɛ mu nwiɔ bɛ nye dele na bɛnwunle kɛ bɛlɛ bɛ nwo zɔ; bɛkpomgbale feege nya bɛwowale bɛ nwo.

1 Arl 22:6

Yemɔti Ehabe yieyiale Nyamenle kpɔmanvolɛma kɛyɛ ɛya nna na ɔbizale bɛ kɛ, “Me nee Releemɔto mɔɔ wɔ Geleade la azo amra ɛhɔho, anzɛɛ mengyakyi?”

2 Edk 32:15

Zɔhane ati bɛmmamaa Hɛzikaya bɛlɛbɛla bɛ na ɔfa ɛhye ɔta bɛ nye zo. Bɛmmadie ye bɛdi, ɔluakɛ maanle biala anu nyamenle ɛtɛkolale ɛtɛdiele ye menli anzɛɛ ye maanle ɛtɛfile me anzɛɛ egya asa anu. Ɛnee kɛ ɔkɛyɛ na bɛ Nyamenle ne ahola alie bɛ avi me sa nu ɛ?”

Edwɛndolɛ Buluku ne 12:4

Maa bɛdabɛ mɔɔ bɛka kɛ, “Yɛfa yɛ nloa yɛali konim, yɛlɛ ɛnloanlɛ; yɛ menle a le nwane?” la ɛyɛ koonwu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:7

“Bɛmmabɔ medame Ɛdɛnkɛma bɛ Nyamenle ne duma mgbane mgbane, ɔluakɛ medame Ɛdɛnkɛma, menrɛmaa mɔɔ bɔ me duma mgbane mgbane la ɛnrɛva ɔ nwo dwɔɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:2

Na belemgbunli ne bizale bɛ kɛ, “Ɛdɛnkɛma a le nwane, mɔɔ ɔwɔ kɛ metie ye na memaa Yizilayɛma kɔ a? Menze Ɛdɛnkɛma; yɛɛ akee bɔbɔ menrɛmaa Yizilayɛma ɛnrɛhɔ fee.”

Ayezaya Buluku ne 14:14

mebavo meahɔ anwuma meadɛla amungu ne mɔ na meayɛ me nwo kɛ Anwuma Anwumanli ne.’

Yizikeɛle Buluku ne 13:22

“Bɛva bɛ adalɛ ne mɔ bɛbɔ menli mɔɔ di boɛ, na mengulo kɛ bɛ nwo bu ɛbonle la arɛle; bɛzi amumuyɛnli ne adua bɛammaa yeangakyi ye ɛbɛla ɛtane ne yeanlie ɔ nwo ngoane.

Yizikeɛle Buluku ne 28:12

Ɔse, “Sonla ra, ye awolɛ gua Taya belemgbunli ne ati zo, na se ye kɛ, medame, Awulae Nyamenle, mese: Ɛnee ɛle sɛkɛlɛneɛ mɔɔ di munli, ɛze nrɛlɛbɛ na wɔ anwofɛlɛko di munli.

Yizikeɛle Buluku ne 28:2

Ɔse, “Sonla ra, ka kile Taya belemgbunli ne kɛ, medame Awulae Nyamenle mese: Kɛmɔ ɛtu ɛ nwo la ati, wɔha mgbole kɛ, ‘Medame, mele nyamenle, mede nyamenle ne mɔ kɔsɔɔti ebia nu, wɔ nyevile kunlu nehane,’ noko ɛle sonla, ɛnle nyamenle. Ɛyɛ ɛ nwo kɛ ɛze nrɛlɛbɛ kɛ nyamenle bie,

Yizikeɛle Buluku ne 28:9

Asoo ɛbaha kɛ, ‘Mele nyamenle,’ wɔ menli mɔɔ ɛlɛku wɔ la anyunlu? Ɛle sonla, ɛnle nyamenle wɔ menli mɔɔ ɛlɛbodɛboda wɔ la asa anu.

Yizikeɛle Buluku ne 29:3

Awulae Nyamenle ne se: Bɛnlea, mekpo Yigyibitima belemgbunli ne. Yeyɛ ɔ nwo nane kpole anwo ɛzulolɛ bie mɔɔ le kɛ ɛlɛnrɛne la yela azule Naele ne anu, na ɔka kɛ, ‘Medame a melɛ azule Naele ne a; medame a menyɛle a.’

Daneɛle Buluku ne 4:30

ɔhanle kɛ, “Babelɔn a ɛdɛlɛ kpole zɛhae la! Meva medame me tumi kpole ne a mekyekye a. Mekyekye kɛ mefa meayɛ me maanle ne suakpole, amaa menli anwu anyunlunyia mɔɔ wɔ me belemgbunlililɛ nu a.”

Daneɛle Buluku ne 6:7

Kɛkala, maanle ye anu mgbanyima, amɛnladoma, folɛdulɛma, yɛɛ maanzinli zo neavolɛma amuala ɛlie ɛdo nu kɛ ɔwɔ kɛ ɛdi mɛla, ɛkye ɔ bo kɛ, ‘Awie biala mmaye ɛdɛne maa nyamenle biala anzɛɛ biza sonla biala debie toonwo kenle kɔkɔlɛ abulasa (siane ko) na ɛ ngomekye a bɛva bɛ ti bɛzɔ wɔ a. Awie biala mɔɔ anli mɛla ɛhye azo la, ɔwɔ kɛ bɛfuandi ye bɛto awenade ne mɔ tunli ne anu.’

Edwɛkpa ne kɛmɔ Mateyu hɛlɛle la 6:23

Na saa ɛ nye ɛnle kpalɛ a, wɔ sonlabaka ne anu le awozinli. Na saa wienyi ne mɔɔ wɔ wɔ nu la le awozinli a, ɛnee noko ye awozinli ne kɛyɛ kabii kpalɛ.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

2 Kɔl 11:3

Noko mesulo kɛ, kɛmɔ ɛwɔlɛ ne vale adalɛ nrɛlɛbɛ bɛlɛbɛlale Yivi la, zɔhane ala yɛɛ bɛbazɛkye bɛ adwenle a, amaa bɛahwe bɛ nwo bɛavi Kelaese ɛzonlenlɛ kpalɛ ne mɔɔ di munli la anwo.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

2 Tɛs 2:4

Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 13:4

Menli zonlenle nane anwo ɛzulolɛ ne mɔɔ le kɛ ɛlɛnrɛne la, ɔluakɛ yemɔ a yeva tumi yemaa nane ɛhendeɛ ne a. Bɛzonlenle nane ne ɔdaye, na bɛhanle kɛ, “Nwane a nee nane ye sɛ a? Nwane a kɛhola kɛgyinla ɔ nyunlu a?”

Maanlebuvolɛma Buluku ne 3:2

Ɔyɛle ɛhye kɛ ɔfa yeahile Yizilayɛma awolɛndoazo ne mɔ konle deɛ holɛ, na bɛdabɛ mɔɔ bɛtɛnwunle konle ɛlɛ la anwu kɛ konle si de la.