Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:12 - BAEBOLO ANZƐƐ BULUKU NWUANZANWUANZA

¹² Nrenya ne buale kɛ, “Raalɛ ne mɔɔ ɛvale ye ɛmanle me la, yemɔ a vale manle me a, yɛɛ menlile a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:18

Akee Ɛdɛnkɛma Nyamenle zele kɛ, “Ɔnle kpalɛ kɛ menwɔmaa sonla angomekye kɛdɛnla; mebabɔ ye ɛsaso boavolɛ meamaa ye.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:20

Sonla totonle nyɛmoa ne mɔ aluma ngoko ngoko, ɔtotonle nloma mɔɔ tu dua anwomanyunlu la aluma yɛɛ ɔtotonle nanemgbole mɔɔ wɔ ɛbɔ nu la aluma. Na ɔdaye sonla ɛdeɛ, yeannyia ye ɛsaso boavolɛ biala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:22

Ɛdɛnkɛma Nyamenle vale bowule ne mɔɔ ɔyele la ɔyɛle sonla raalɛ na ɔvale ye ɔrɛlɛle nrenya ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:11

Nyamenle bizale ye kɛ, “Nwane a hanle hilele wɔ kɛ ɛlɛ ɛ nwo zɔ a? Ɛnee wɔli bakama ne mɔɔ menduale wɔ kɛ ɛmmadi bie la bie ɔ?”

Dwobu Buluku ne 31:33

“Saa menva me ɛtane ne mɔ menvea kɛ ebia mɔ, menva me munzulebɔlɛ menvea me nwo,

Mrɛlɛbulɛ Buluku ne 19:3

Sonla bɔ ɛbɛla mgbane na ɔte ɔfa ɔ nwo zo a, ɔfa Ɛdɛnkɛma anwo ɛya.

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Edwɛkpa ne kɛmɔ Luku hɛlɛle la 10:29

Na kɛmɔ mɛla kilehilevolɛ ne kpondɛ kɛ ɔbua ɔ nwo benle la ati, ɔbizale Gyisɛse kɛ, “Na me gɔnwo a le nwane?”

Wulo 10:3

Ɔluakɛ bɛgyakyi fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la, na bɛpele bɛva bɛ ngome bɛ fɔɔnwoyɛlɛ adenle ɛdeɛ zo; bɛanva nɔhalɛ fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la azo.

1 Sam 15:15

Sɔɔlo buale ye kɛ, “Bɛ nee bɛ vi Amalɛkema lɔ a ɛra a, menli ne gyakyile nlankɛ nee mboane kpalɛ ne mɔ kɛ bɛ nee bɛ ba na bɛava bɛabɔ azu bɛamaa Ɛdɛnkɛma wɔ Nyamenle ne, na mɔɔ hale la yɛzɛkye bɛ bɔkɔɔ.”