Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:3 - BAEBOLO ANZƐƐ BULUKU NWUANZANWUANZA

³ Duolua azɛlɛ ɛhye azo ala na me nee wɔ balua. Mebayila wɔ, ɔluakɛ ɛdawɔ nee ɛ bo zo amra yɛɛ mebava azɛlɛ ɛhye meamaa bɛ a, na mebali me ɛwɔkɛ ne mɔɔ membɔle ɛ ze Ebileham la azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:7

Akee Ɛdɛnkɛma yele ɔ nwo hilele Ebilam, na ɔzele ye kɛ, “Mebava azɛlɛ ɛhye meamaa ɛ bo zo amra.” Yemɔti Ebilam zile azukponle wɔ ɛkɛ ne manle Ɛdɛnkɛma, mɔɔ ɛye ɔ nwo ɛhile ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:15

ɔluakɛ mebava azɛlɛ ne mɔɔ ɛ nye dua ye la amuala meamaa wɔ nee ɛ bo zo amra, meamaa yeayɛ bɛ ɛdeɛ bɔkɔɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:17

Dwazo na kpɔsa kɔ azɛlɛ ne ati nee ɔ bo, kpɔsa nwu azɛlɛ ne tɛtɛlɛ nee ye tendenle, ɔluakɛ mebava meamaa wɔ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:18

Na kenle ko ne Ɛdɛnkɛma nee Ebilam yɛle ngyekyeleɛ. Ɛdɛnkɛma zele Ebilam kɛ, “Meva azɛlɛ ɛhye memaa ɛ bo zo amra. Azɛlɛ ne vi Yigyibiti ɛweɛne zo kɔdwu Azukpole Yufileti ne anloa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:19

Nyamenle zele ye kɛ, “Kyɛkyɛ, ɛ ye Sɛla bawo ralɛ nrenya na ɛbavɛlɛ ye Ayezeke. Mebali me ngyekyeleɛ ne azo meamaa ye nee ɔ bo zo amra mɔɔ bɛntulu ye ɛlɛ a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:8

Na mebava azɛlɛ ne mɔɔ ɛlɛkpɔsakpɔsa zolɛ la meamaa wɔ nee ɛ bo zo amra. Bɛbava Keena azɛlɛ ne kɔsɔɔti bɛayɛ bɛ ɛdeɛ, na mebayɛ bɛ Nyamenle.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:1

Ebileham vi ɛleka mɔɔ ɔde la ɔhɔle Keena nyiakɛ na ɔhɔdɛnlanle Keedɛhye nee Hyulu avinli, eza ɔhɔdɛnlanle Gilaa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:11

Ebileham ewule ne anzi, Nyamenle yilale Ayezeke. Na Ayezeke dɛnlanle bula ne mɔɔ bɛfɛlɛ ye “Teasenli ne mɔɔ nwu me la Bula” ne anwo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:12

Ɛvolɛ zɔhane Ayezeke yɛle egyinli wɔ ɛkɛ ne azɛlɛ ne azo, na ɛbuhenle ne dwule la ye bɛyɔba ne bɔle nwolɛ ɛya. Ɛdɛnkɛma yilale ye, na ɔnyianle ɔ nwo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:14

Ɔnyianle mboane nee nlankɛ dɔɔnwo; ye awuke yɛle kpole na nuhua yɛle gbudugbudu, yemɔti Filisitiama anye bolole ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:24

Na Ɛdɛnkɛma yele ɔ nwo hilele ye wɔ kenle ko ne mɔɔ ɔdwule ɛkɛ ne la nɔe ne, ɔzele ye kɛ, “Mame a mele ɛ ze Ebileham Nyamenle ne a; mmasulo, ɔluakɛ me nee wɔ a lua a. Mebayila wɔ na meamaa ɛ bo zo amra azo ayɛ dɔɔnwo wɔ me sonvolɛ Ebileham ati.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:13

Ɛdɛnkɛma gyi ɔ ti zo lɔ na ɔlɛka kɛ, “Mame a mele Ɛdɛnkɛma, ɛ nlenya Ebileham nee ɛ ze Ayezeke Nyamenle ne a. Azɛlɛ ne mɔɔ ɛla zolɛ la, mebava meamaa wɔ nee ɛ bo zo amra.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:15

Na nea, me nee wɔ lua na mebanlea ɛ nwo zo wɔ ɛleka biala mɔɔ ɛkɔ la, na meava wɔ meazia meara azɛlɛ ɛhye azo. Ɔluakɛ menrɛgyakyi wɔ, kyesɛ mewie mɔɔ meva me nloa meha la yɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:3

Na Ɛdɛnkɛma zele Gyekɔbo kɛ, “Sia kɔ ɛ ze nee ɛ nwo amra sua zo, na me nee wɔ balua.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:12

Mebava azɛlɛ ne mɔɔ menvale memanle Ebileham nee Ayezeke la meamaa wɔ. Mebava azɛlɛ ne meamaa ɛ bo zo amra mɔɔ vi ɛ nzi bara la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:2

Ɛnee Ɛdɛnkɛma nee Dwosefi a lua a, yemɔti ɔkpazile. Ɔdɛnlanle ɔ menle Yigyibitinli ne sua nu,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:21

Na ɛnee Ɛdɛnkɛma nee Dwosefi lua. Ɔhilele ɛhulolɛ dɔɔnwo wɔ ɔ nwo, na ɔmanle ɔzɔle nrenya ne mɔɔ nea pilizama ne mɔ anwo zo la anye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:21

Akee Yizilayɛ zele Dwosefi kɛ, “Kɛmɔ wɔnwu ye la, ɔka ekyii mɔɔ mekɔ me ɛkɛla nzi a. Nyamenle nee bɛ badɛnla, na yeava bɛ gyɛlɛɛnye yeazia yeahɔ bɛ ze mɔ azɛlɛ ne azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:24

Na Dwosefi zele ɔ mediema ne mɔ kɛ, “Ɔka ekyii mewu; Nyamenle banlea bɛ na yeaye bɛ yeavi azɛlɛ ɛhye azo yeahɔ azɛlɛ ne mɔɔ ɔhanle ndane ɔhilele bɛ ze mɔ Ebileham, Ayezeke nee Gyekɔbo kɛ ɔbava yeamaa bɛ la azo.”

1 Edk 16:16

ɔkakye ngyekyeleɛ ne mɔɔ ɔ nee Ebileham yɛle, nee ye ɛwɔkɛ mɔɔ ɔbɔle Ayezeke.

Edwɛndolɛ Buluku ne 105:8

Ɔ rɛle ɛnvi ye ngyekyeleɛ ne ɛlɛ, awolɛndoazo apenle, ɔ rɛle ɛnvi mɔɔ ɔhanle la.

Edwɛndolɛ Buluku ne 105:9

Ye ngyekyeleɛ ne mɔɔ ɔ nee Ebileham kyekyele, ye ɛwɔkɛ ne mɔɔ ɔhanle ndane ɔbɔle Ayezeke,

Edwɛndolɛ Buluku ne 32:8

Mebadu wɔ folɛ, mebahilehile wɔ adenle mɔɔ ɔwɔ kɛ ɛfa nu la; mebamaa me nye ara ɛ nwo zo na meadu wɔ folɛ.

Edwɛndolɛ Buluku ne 39:12

O Ɛdɛnkɛma, tie me nzɛlɛlɛ, na gyele ɛ nzo tie me ɛzunlɛ; mmamaa me monle ɛhwinlɛ yɛ mgbane ɛ nyunlu. Ɔluakɛ mele wɔ ɛyɛvolɛ mɔɔ ɛlɛpɛ nu aze, adendulɛnli, kɛ yɛ nlenya mɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 2:24

Nyamenle dele bɛ ɛzunlɛ ne na ɔhakyele ye ngyekyeleɛ ne mɔɔ ɔ nee Ebileham, Ayezeke, nee Gyekɔbo kyekyele la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:12

Nyamenle zele ye kɛ, “Me nee wɔ balua, na ɛhye bayɛ sɛkɛlɛneɛ amaa wɔ kɛ medame a mezoa wɔ a. Mekɛ mɔɔ ɛ nee menli ne kɛvi Yigyibiti la, bɛbarazonle Nyamenle wɔ boka ɛhye azo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:4

Eza me nee bɛ kyekyele ngyekyeleɛ kɛ mebava Keena azɛlɛ ne mɔɔ bɛdɛnlanle zolɛ kɛ nyɛvolɛ la meamaa bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:8

Mebava bɛ meahɔ azɛlɛ ne mɔɔ menganle ndane kɛ mebava meamaa Ebileham, Ayezeke, nee Gyekɔbo la azo. Mebava meamaa bɛ meamaa yeayɛ bɛ ɛdeɛ bɔkɔɔ. Medame a mele Ɛdɛnkɛma a.’ ”

Ayezaya Buluku ne 43:2

Saa bɛlua nzule buma nu a, me nee bɛ balua; bɛlua azule ne mɔ anu a, bɛnrɛmonla bɛ; saa bɛlua senle nu a, senle ne ɛnrɛyela bɛ, yɛɛ ye ɛzɔlɛ gbolamgbolam ne ɛnrɛyela bɛ.

Ayezaya Buluku ne 43:5

Bɛmmasulo, ɔluakɛ me nee bɛ lua. “Mebava bɛ bo zo amra meavi aduduleɛ, meaboɔboa bɛ nloa meavi adɔleɛ meara.

Maeka Buluku ne 7:20

Ɛbahile wɔ nɔhalɛlilɛ ne nee wɔ ɛhulolɛ kpundii ne mɔɔ ɛlɛ ye wɔ yɛ nlenya mɔ, Gyekɔbo nee Ebileham anwo la wɔ bɛ bo zo amra anwo zo, kɛmɔ wɔ ɛwɔkɛ ne mɔɔ ɛbɔle la de la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:19

Nyamenle ɛnle kɛ sonla na yeabɔ adalɛ, Ɔnle kɛ dasanli mɔɔ yɛ na yeavu ɔ nwo. Ye ɛwɔkɛ biala, ɔdi zo; Ɔka, na ɔyɛ zɔ.

Mɛla 1:8

Meva azɛlɛ ne amuala memaa bɛ. Bɛhɔ na bɛhɔva azɛlɛ ne bɛyɛ bɛ ɛdeɛ. Medame Ɛdɛnkɛma yɛɛ menvale membɔle bɛ nlenya mɔ ɛwɔkɛ a. Menganle ndane mengilele bɛ ze mɔ, Ebileham, Ayezeke, nee Gyekɔbo kɛ mebava meamaa bɛ nee bɛ bo zo amra.’ ”

Mɛla 34:4

Na Ɛdɛnkɛma zele ye kɛ, “Azɛlɛ ne mɔɔ menvale membɔle Ebileham, Ayezeke, nee Gyekɔbo ɛwɔkɛ kɛ mebava meamaa bɛ bo zo amra la ɛne. Memaa ɛ nye nwiɔ anwu ye, noko ɛ gyakɛ ba ɛnrɛtia zolɛ.”

Pɔɔlo Kɛlata mɔɔ ɔhɛlɛle ɔhɔmanle Felepaema la 4:9

Bɛyɛ ninyɛne mɔɔ bɛzukoa na bɛlie bɛdo nu bɛvi me ɛdendɛlɛ nee me nyɛleɛ nu la, na Nyamenle ne mɔɔ maa yɛ anzonudwolɛ la nee bɛ badɛnla.

Kɛlata mɔɔ bɛhɛlɛle bɛhɔmanle Hibuluma la 11:9

Ye diedi ti, ɔdɛnlanle maanle ne mɔɔ Nyamenle vale bɔle ye ɛwɔkɛ la anu kɛ ɛyɛvolɛ. Ɔdɛnlanle ndanlɛ sua nu, kɛmɔ Ayezeke nee Gyekɔbo, mɔɔ bɛdabɛ noko bɛboka nwo a Nyamenle bɔle bɛ ɛwɔkɛ ne la yɛle la.

Kɛlata mɔɔ bɛhɛlɛle bɛhɔmanle Hibuluma la 6:17

Nyamenle kpondɛ kɛ bɛdabɛ mɔɔ ɔwɔ kɛ bɛnyia ɛwɔkɛ ne bie la nwu kɛ ɔnrɛhakyi ye adwenle ɛlɛ; ɛhye ati ɔvale ndane ɔbokale ye ɛwɔkɛ ne anwo.