Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:1 - BAEBOLO ANZƐƐ BULUKU NWUANZANWUANZA

¹ Saa ɛye ɛhɔne ne mɔɔ Ebileham mekɛ zo rale la a, ɛhɔne bieko rale azɛlɛ ne azo. Na Ayezeke hɔle Filisitiama Belemgbunli Abemɛlɛke anwo lɔ wɔ Gilaa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:10

Akee ɛhɔne zile Keena azɛlɛ zo. Yemɔti Ebilam hɔdɛnlanle Yigyibiti, ɔluakɛ ɛhɔne ne mɔɔ zile azɛlɛ ne azo la le kpole kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:11

Ebileham ewule ne anzi, Nyamenle yilale Ayezeke. Na Ayezeke dɛnlanle bula ne mɔɔ bɛfɛlɛ ye “Teasenli ne mɔɔ nwu me la Bula” ne anwo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:34

Akee Gyekɔbo manle Yisɔ kpanwo nee aluba kɔkɔlɛ tolo ne bie. Yisɔ lile kpanwo ne, ɔnlonle tolo ne, ɔnlonle nzule ɔguale zolɛ na ɔdwazole ɔhɔle. Ɛnee kɛ ɔyɛle mɔɔ Yisɔ kpole ye awolɛ nu gyinlabelɛ la ɛne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 42:5

Gyekɔbo amra ne mɔ nee awie mɔ gyɛne a hɔle kɛ bɛkadɔ abɛlɛ ne a, ɔluakɛ ɛnee ɛhɔne ne ɛyɛ kpole wɔ Keena azɛlɛ zo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 43:1

Akee ɛhɔne ne yɛle kpole wɔ Keena.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:1

Ɛdɛnkɛma zele Mosisi kɛ, “Fa menli ne mɔɔ ɛ nee bɛ vi Yigyibiti azɛlɛ zo ɛra la fi ɛke kɔ azɛlɛ ne mɔɔ menganle ndane menvale membɔle Ebileham, Ayezeke, nee Gyekɔbo ɛwɔkɛ kɛ, mebava meamaa bɛ bo zo amra la azo.

Wulu 1:1

Mekɛ mɔɔ ɛnee maanlebuvolɛma a bu Yizilayɛ maanle ne la, ɛhɔne kpole bie zile maanle ne anu. Zɔhane ati nrenya bie mɔɔ vi Bɛtelɛhɛm mɔɔ wɔ Dwuda maanle nu na ɔbɔ Ɛfelate abusua ne bie la vale ɔ ye nee ɔ mra mrenya nwiɔ mɔɔ ɔlɛ bɛ la lɔle nu hɔle Mowabe maanle nu. Bɛfɛlɛ nrenya ne Yilemɛlɛke, bɛfɛlɛ ɔ ye Nawome yɛɛ ɔ mra mrenya nwiɔ ne noko aluma a le Maalɔn yɛɛ Kaeleɔn. Bɛhɔle Mowabe maanle nu bɛhɔdɛnlanle ɛkɛ ne.

2 Sam 21:1

Belemgbunli Devidi mekɛ zo, ɛhɔne kpole bie rale toonwo ɛvolɛ nsa. Devidi bizale Ɛdɛnkɛma nwolɛ bie. Na Ɛdɛnkɛma zele ye kɛ, “Sɔɔlo nee ye abusua ne di fɔlɛ kɛ bɛha mogya bɛgua a, ɔboalekɛ bɛhunle Gebɛyɔnoma dɔɔnwo somaa.”