Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:2 - BAEBOLO ANZƐƐ BULUKU NWUANZANWUANZA

² Na Ebileham zele kɛ, “Sɛla le me diema raalɛ.” Yemɔti Gilaa Belemgbunli Abemɛlɛke zoanle manle bɛhɔvale Sɛla bɛrale ye sua nu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:15

Yemɔti mɔɔ Yigyibiti belemgbunli ne mgbanyima ne mɔ nwunle ye la, bɛhanvole ye bɛhilele belemgbunli ne. Bɛravale raalɛ ne bɛhɔle belemgbunli ne sua nu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:7

Menli mɔɔ wɔ maanle ne anu la bizale ye ɔ ye anwo edwɛkɛ la, ɔzele kɛ, “Ɔle me diema raalɛ”, ɔluakɛ ɔsulo kɛ ɔkɛha kɛ, “Me ye ɔ”, anrɛɛ ɔlua Relɛbɛka ati menli mɔɔ wɔ maanle ne anu la kɛhu ye, ɔboalekɛ Relɛbɛka anwo yɛ fɛ kpalɛ.

Kɔlɔ 3:9

Bɛmmabɔ adalɛ bɛkile bɛ nwo, ɔluakɛ bɛye bɛ su dɛba ne nee ye nyɛleɛ ne mɔ wɔ bɛ nu bɛgua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:25

Zɔhane ati, bɛmmabɔ adalɛ bieko; awie biala ɛha nɔhalɛ ɛhile ɔ gɔnwo, ɔboalekɛ yɛ muala yɛle menli ko.

Nolo 7:20

Nɔhalɛ, tenlenenli biala ɛnle azɛlɛ ye azo mɔɔ kpalɛ ngome ala a ɔyɛ na ɔnyɛ ɛtane ɛlɛ a.

Mrɛlɛbulɛ Buluku ne 24:16

ɔluakɛ saa tenlenenli tɔ aze fane nsuu bɔbɔ a, ɔdwazo; na amumuyɛnli ne, munzule sɛkye ye.

2 Edk 32:31

Yemɔti mɔɔ soanvolɛma mɔɔ Babelɔn mgbanyinli zoanle bɛ la rale kɛ bɛbabiza bɛanwu debie mɔɔ ɛlɛkɔ zolɛ wɔ ye maanle ne anu la, Nyamenle gyakyile debie biala manle ɔdaye, ɔvale ɔzɔle ye ɔnleanle, amaa yeanwu mɔɔ wɔ ye ahonle nu la.

2 Edk 19:2

Na Nyamenle sonla Gyihu, mɔɔ le Haneenae ara ne, hɔyiale ye na ɔbizale belemgbunli ne kɛ, “Asoo ɛnea a ɛnee ɔle kpalɛ kɛ ɔwɔ kɛ ɛboa amumuyɛma na ɛkɛhulo menli mɔɔ kyi Ɛdɛnkɛma la ɔ? Ɔlua ɛhye ati, Ɛdɛnkɛma ɛva ɛ nwo ɛya.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:16

Na Abemɛlɛke zele Ayezeke kɛ, “Ɛvi yɛ maanle ye anu tu, na ɛ nwo bɔbɔ akee ɛyɛ ɛzulolɛ ɛdɛla yɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:1

Saa ɛye ɛhɔne ne mɔɔ Ebileham mekɛ zo rale la a, ɛhɔne bieko rale azɛlɛ ne azo. Na Ayezeke hɔle Filisitiama Belemgbunli Abemɛlɛke anwo lɔ wɔ Gilaa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:12

Yeanga ye zɔhane, nɔhalɛ, eza ɔle me diema. Ɔle me ze ara raalɛ, na me nee ye ɛnvi ɛkolɛ ko anu, yɛɛ ɔrayɛle me ye a.

2 Edk 20:37

Na Dɔdavahu mɔɔ vi Malihyaa la ara Ɛleyizɛ vale Nyamenle nrɛlaleɛ ne manle Gyɛhɔhyafate kɛ, “Suzuamgba ala mɔɔ wɔva ɛ nwo wɔbɔnle Ehazaya la, Ɛdɛnkɛma bazɛkye mɔɔ wɔyɛ la.” Na meli ne mɔ hɔnlomanle adenle nu, bɛandwu Tahyehye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:22

Mekɛ ne anu Belemgbunli Abemɛlɛke nee Faekɔlo, ye safohyenlema kpanyinli ne mɔɔ nea ye ɛlɔnema ne anwo zo la, hɔle Ebileham ɛkɛ hɔzele ye kɛ, “Nyamenle boa wɔ wɔ debie biala mɔɔ ɛkɛze kɛ ɛyɛ la anu.

Mrɛlɛbulɛ Buluku ne 29:25

Sonla mɔɔ le sulosulo la sua ɔ nwo ɛhane, na mɔɔ arɛle wɔ Ɛdɛnkɛma anu la anwo le kɔlɔnwo.

Mrɛlɛbulɛ Buluku ne 6:29

Zɔhane ala yɛɛ sonla mɔɔ fa ɔ gɔnwo aye la ɛnrɛva ɔ nwo dwɔɔ ɛnrɛhɔ a.