Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:9 - BAEBOLO ANZƐƐ BULUKU NWUANZANWUANZA

⁹ Na Ɛdɛnkɛma Nyamenle manle mbaka kɔsɔɔti mɔɔ le ngɛnlɛma nee mɔɔ bɛdi a ɔyɛ boɛ la fifile; ɔmanle ngoane baka ne yɛɛ baka ne mɔɔ maa ɛkola ɛnwu kpalɛ nee ɛtane la ɔdaye bɛfifile tola ne anu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:17

na kpalɛ nee ɛtane ɛnwunlɛ baka ne, yemɔ mmadi ye ma ne bie, ɔluakɛ kenle ko ne mɔɔ ɛkɛli bie la, ɛbawu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:22

Akee Ɛdɛnkɛma Nyamenle zele kɛ, “Bɛnlea, kɛkala sonla ɛyɛ kɛ yɛ nuhua ko la, yenwu kpalɛ nee ɛtane. Saa yɛannea ye boɛ a ɔbali ngoane baka ne ɔdaye ye ma ne bie na yeadɛnla ngoane nu dahuu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:24

Ɛdɛnkɛma Nyamenle voanle sonla vile tola ne anu, na ɔvale tease abɔdeɛma nee dadeɛ mɔɔ ɛlɛsɔ na ɔpɛnepɛne ɔ nwo ɛleka biala la ɔrazinzale Yidɛn tola ne aduduleɛ adenle ne mɔɔ kɔ ngoane baka ne anwo la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:3

na Nyamenle zele yɛ kɛ, ‘Bɛmmadi baka ne mɔɔ gyi tola ne avinli lɔ la ma ne bie, eza bɛmmafa bɛ sa bɛka ye anrɛɛ bɛkɛwu.’ ”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:5

Nyamenle ze kɛ saa bɛdi baka ne ma ne bie a bɛ nye babuke na bɛayɛ kɛ ɔdaye Nyamenle la, na bɛanwu mɔɔ le kpalɛ, bɛannwu mɔɔ le ɛtane la.”

Mrɛlɛbulɛ Buluku ne 11:30

Ma mɔɔ tenlenenli so la le ngoane, na sonla mɔɔ to nzaka la kuhu menli.

Mrɛlɛbulɛ Buluku ne 3:18

Ɔle ngoane baka ɔmaa bɛdabɛ mɔɔ bɛsɔ nu boɛ la; bɛdabɛ mɔɔ bɛsɔ nu boɛ la di fɛlɛko.

Ayezaya Buluku ne 44:25

Medame a mesɛkye adalɛma mɔɔ bɔ menli munzule la sɛkɛlɛneɛ ne mɔ, memaa menli mɔɔ tendɛ nwomenle nloa zo la yɛ ahoasea, memaa nrɛlɛbɛvolɛma nrɛlɛbɛ ka bɛ ti anu, na memaa bɛ adwenlenubukelɛ yɛ mgbane.

Ayezaya Buluku ne 47:10

“Ɛdwenle kɛ wɔ amumuyɛ ne maa ɛ nwo tɔ wɔ, wɔ edwɛkɛ a le kɛ, ‘Awie ɛnnwu me’; wɔ nrɛlɛbɛ ne nee wɔ adwenle ne ɛmaa wɔminli. Eza wɔha ye ɛ ti anu kɛ, ‘Medame ɛne, awie biala nee me ɛnzɛ.’

Yizikeɛle Buluku ne 31:16

Saa mefuandi ye meto ɛbolɔ meboka bɛdabɛ mɔɔ bɛkɔ ewule kuma nu la anwo a, ye azedɔlɛ ne bamaa maanle maanle ne mɔ anwo awozo bɛ. Mbaka kɔsɔɔti mɔɔ wɔ Yidɛn tola nu, Lɛbanɔn mbaka kpalɛ ne mɔ, mɔɔ nyia nzule la, arɛle bakyekye wɔ ɛbolɔ lɔ.

Yizikeɛle Buluku ne 31:18

“Ɛnee akee mbaka mɔɔ wɔ Yidɛn tola nu la, boni yɛɛ wɔ anyunlunyia nee ye sɛ a? Bɛbapɛ wɔ bɛado bɛaboka Yidɛn tola nu mbaka ne mɔ anwo bɛagua bɛ ɛbolɔ lɔ wɔahɔboka menli mɔɔ ɛnze Nyamenle, mɔɔ ɛdɔ dadeɛ nloa la anwo. “Ɛhye fane Yigyibiti belemgbunli ne nee ye menli ne amuala anwo.” Kɛ Awulae Nyamenle ne se la ɛne.

Yizikeɛle Buluku ne 47:12

Mbaka ngakyile dɔɔnwo bafifi azule ne anloa foa ko nee foa ko mɔɔ bɛ nzoleɛ bayɛ aleɛ bɛdi a. Bɛ nya ɛnrɛnwoso yɛɛ bɛ nzoleɛ ɛnrɛpe. Siane biala bɛbazo ma fofolɛ, ɔboalekɛ bɛ bo nzule ne vi Ɛzonlenlɛ Sua ne anu a senze ba a. Bɛbali bɛ nzoleɛ na bɛava bɛ nya ne bɛayɛ ayile.”

Dw 6:48

Mame a mele ngoane kpanwo ne a.

1 Kɔl 8:1

Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

Mɛla 6:25

Na saa yɛnea boɛ na yɛdi ye mɛla ne azo nɔhalɛ nu, kɛmɔ ɔdaye Ɛdɛnkɛma yɛ Nyamenle ne yeze yɛ la a, yɛbazɔ ɔ nye.’

Yekile 2:7

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la mebamaa ye adenle meamaa yeali ngoane baka ne mɔɔ gyi Nyamenle tola ne anu la ma ne bie.

Yekile 22:14

Nyilalɛ ɛha bɛdabɛ mɔɔ bɛkpo bɛ ndanlɛ ne mɔ bɔkɔbɔkɔ na ɔlua zolɛ bɛnyia adenle bɛli ngoane baka ne ma ne bie, na bɛwolo bɛhɔ suakpole ne azo la.

Yekile 22:2

ɔdua suakpole ne awɔdenle ne mɔɔ la sua ne avinli la azo. Ngoane baka ne ɛfifi azudenle ne anloa nwiɔ ne, na bɛso ma ngakyile fane bulu nee nwiɔ ɛvolɛ ko biala; siane ko biala ɔso ko, na bɛ nya ne mɔ maa maanle maanle ne mɔ ngoane.