Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:1 - BAEBOLO ANZƐƐ BULUKU NWUANZANWUANZA

¹ Ɛnee kɛ Nyamenle zile bɔle anwuma nee aze, nee ninyɛne mɔɔ wɔ nu la amuala la ɛne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:1

Mɔlebɛbo ne Nyamenle bɔle anwuma nee aze.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:10

Nyamenle vɛlɛle ɛleka resee ne “Azɛlɛ”, yɛɛ ɔvɛlɛle nzule ne mɔ mɔɔ hɔle ɛleka ko la “Nyevile”. Na Nyamenle nwunle kɛ ɔle kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:4

Ɛnee kɛ Nyamenle zile bɔle anwuma nee aze la ɛne. Mekɛ mɔɔ Ɛdɛnkɛma Nyamenle bɔle anwuma nee azɛlɛ ye la,

2 Arl 19:15

Na ɔzɛlɛle kɛ, “O Ɛdɛnkɛma, Yizilayɛ Nyamenle mɔɔ ɛde wɔ Belemgbunli ebia nu wɔ abɔdeɛ ne mɔ mɔɔ lɛ ndɛbalɛ la azo anwuma a, ɛdawɔ ala a, ɛle Nyamenle mɔɔ sie arelemgbunli maanle maanle mɔɔ wɔ aleɛabo la a. Ɛdawɔ a ɛbɔle azɛlɛ ye nee anwuma a.

2 Edk 2:12

Ayɛlɛyelɛ ɛha Yizilayɛ Ɛdɛnkɛma Nyamenle ne mɔɔ bɔle anwuma nee aze, mɔɔ ɛmaa Belemgbunli Devidi ɛwo ralɛ nrenya mɔɔ ze nrɛlɛbɛ, mɔɔ lɛ adwenle nee ndelebɛbo, mɔɔ bazi Ɛzonlenlɛ Sua amaa Ɛdɛnkɛma na yeabu ye belemgbunli awuke a.

Nihɛmaya Buluku ne 9:6

Na Yizilayɛma amuala yɛle nzɛlɛlɛ ɛhye: “Wɔmɔ Ɛdɛnkɛma, ɛ ngomekye ala yɛɛ ɛle Ɛdɛnkɛma a; wɔmɔ yɛɛ ɛbɔle anwuma nee anwomanyunlu nwɔlɔra a. Wɔmɔ yɛɛ ɛbɔle azɛlɛ nee zolɛ ninyɛne, nyevile nee nuhua ninyɛne a; wɔmɔ yɛɛ ɛmanle bɛ kɔsɔɔti ngoane a. Anwuma tumivolɛma kɔsɔɔti bɔ bɛ ti aze sonle wɔ.

Dwobu Buluku ne 12:9

Na ɛhye mɔ, bɛ nuhua boni a ɛnze kɛ Ɛdɛnkɛma a ɛyɛ ɛhye a?

Edwɛndolɛ Buluku ne 104:2

ɛfa wienyi ɛkeda kɛ ɛdanlɛ, wɔdɛlɛ anwomanyunlu nu kɛ ndanlɛ sua,

Edwɛndolɛ Buluku ne 146:6

yemɔ mɔɔ ɔbɔle anwuma nee aze, nyevile nee mɔɔ wɔ nu la amuala la. Ɔdi ye ɛwɔkɛ zo dahuu.

Edwɛndolɛ Buluku ne 33:6

Ɛdɛnkɛma vale ɔ nloa bɔle anwuma, ɔvale ɔ nloa a ɔbɔle anwumaneamra a.

Edwɛndolɛ Buluku ne 33:9

Ɔluakɛ ɔdendɛle, na ɔyɛle zɔ; ɔzele, na ɔyɛle zɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:11

Ɔluakɛ medame Ɛdɛnkɛma, menvale kenle nsia a membɔle anwuma nee aze a, nyevile nee nuhua ninyɛne muala, na menliele me ɛnwomenle wɔ kenle nsuu ne azo. Yemɔti medame Ɛdɛnkɛma, menyilale Ɛnwomenlelielɛ Kenle ne na menyɛle ye nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:17

Ɔle sɛkɛlɛneɛ mɔɔ ɛnlɛ awieleɛ mɔɔ wɔ Yizilayɛma nee medame yɛ avinli a, ɔboalekɛ medame, Ɛdɛnkɛma, menvale kenle nsia membɔle anwuma nee aze, ye kenle nsuu ne azo, mengyakyile gyima menliele me ɛnwomenle.”

Ayezaya Buluku ne 34:4

Anwumaneamra kɔsɔɔti bawodo na bɛabobɔ anwomanyunlu kɛ nwoma la. Bɛ muala bɛbakpolo bɛagua kɛ vanye baka anzɛɛ feege baka nya mɔɔ ɛlɛkpolo agua la.

Ayezaya Buluku ne 42:5

Ɛdɛnkɛma Nyamenle ne mɔɔ bɔle anwuma na ɔdɛlɛle ye, mɔɔ bɔle azɛlɛ ye nee zolɛ debie biala, na ɔmaa menli mɔɔ de azɛlɛ ye azo la ɛnwomenle nee sunsum la se,

Ayezaya Buluku ne 45:12

Medame a membɔle ewiade a, yɛɛ membɔle sonla mendole nu; menvale me tumi a membɔle anwuma a, yɛɛ medame a membɔle anwumaneamra a.

Ayezaya Buluku ne 45:18

Ɛdɛnkɛma mɔɔ bɔle anwuma la, yemɔ a ɔle Nyamenle a! Yemɔ mɔɔ ɔhyehyɛle na ɔbɔle azɛlɛ ye la, ɔbɔle ɔmanle ɔlile munli, yeambɔ ye sesakaa biala yeanzie ɛkɛ; ɔbɔle ewiade, amaa sonla adɛnla nu. Ɔse, “Medame a mele Ɛdɛnkɛma a, bieko ɛnle ɛkɛ.

Ayezaya Buluku ne 48:13

Medame a menwulale azɛlɛ ye adiabo ne aze a, menvale me tumi a membɔle anwuma a; saa mefɛlɛ bɛ a, bɛfinde me nyunlu.

Ayezaya Buluku ne 55:9

Ɔluakɛ, kɛmɔ anwumaneamra wɔ anwuma tɛla azɛlɛ ye la, zɔhane ala yɛɛ me ndenle le mgbole na me adwenle le kpole tɛla bɛ ɛdeɛ ne mɔ a.

Ayezaya Buluku ne 65:17

Ɛdɛnkɛma se, “Bɛnlea, mebɔ anwuma fofolɛ nee azɛlɛ fofolɛ; ninyɛne dɛba ne mɔ abo zo baminli mɔɔ awie ɛnrɛhakye bɛ bieko a.

Gyɛlɛmaya Buluku ne 10:12

Ɛdɛnkɛma vale ye tumi a bɔle azɛlɛ ye a, ɔvale ye nrɛlɛbɛ a ɔbɔle ewiade a, ɔvale ye ndelebɛbo a ɔbɔle anwomanyunlu a.

Gyɛlɛmaya Buluku ne 10:16

Gyekɔbo Nyamenle ne ɛnle kɛ nyamenle ɛhye mɔ, ɔluakɛ yemɔ a ɔbɔle ninyɛne kɔsɔɔti a, yɛɛ Yizilayɛ abusua ekpunli ne le ye agyadeɛ: ye duma a le Tumivolɛ Ɛdɛnkɛma.

Gyɛlɛmaya Buluku ne 8:2

Kɛ bɛkɛhuohua bɛ nloa bɛkɛzie bɛ la, bɛbado mbowule bɛazande azɛlɛ ne anwo. Bɛbagua ɛkɛ, amaa sɛnzɛne ne, siane ne, yɛɛ anwumaneamra kɔsɔɔti mɔɔ bɛhulole bɛ, bɛbɔle bɛ ti aze bɛmanle bɛ, bɛkpondɛle bɛ, bɛlile bɛ nzi na bɛzonlenle bɛ la anwu bɛ.

Zɛkalaya Buluku ne 12:1

Ɛdɛnkɛma nrɛlaleɛ mɔɔ fane Yizilayɛma anwo la ɛne: Ɛdɛnkɛma mɔɔ bɔle anwuma, ɔbɔle azɛlɛ, na ɔbɔle sonla sunsum mɔɔ wɔ ye nu la se,

Edwɛkpa ne kɛmɔ Luku hɛlɛle la 2:13

Arɛlevilɛ nu ala anwuma soanvolɛma dɔɔnwo rabokale Nyamenle soanvolɛ ko ne anwo na bɛdole edwɛne bɛyele Nyamenle ayɛlɛ kɛ:

Ɛzoanvolɛma Gyima ne 4:24

Bɛdele edwɛkɛ ne la, bɛ muala bɛbɔle nu bɛzɛlɛle, “O Tumivolɛ Awulae mɔɔ bɔle anwuma nee azɛlɛ, nyevile nee mɔɔ wɔ nu la amuala,

Ɛzoanvolɛma Gyima ne 7:42

Yemɔti Nyamenle hwenle ɔ nwo vile bɛ nwo na ɔyele bɛ ɔmanle kɛ bɛzonle anwomanyunlu ninyɛne, kɛmɔ bɛhɛlɛ ye wɔ Nyamenle kpɔmanvolɛma mbuluku ne mɔ anu la. Ɔse, ‘Yizilayɛma, ɛvolɛ abulanla ne mɔɔ bɛlile wɔ ɛsɛlɛ ne azo la, bɛhunle nane bɛbɔle azu bɛmanle me ɔ?

Mɛla 17:3

yehɔzonle awozonle na yebɔ ɔ ti aze yemaa bɛ, anzɛɛ sɛnzɛne ne, siane ne anzɛɛ anwumaneamra ne mɔ biala a,

Mɛla 4:19

Eza bɛnlea boɛ, amaa saa bɛmaa bɛ nye zo anwuma na bɛnwu sɛnzɛne ne, siane ne, nee nwɔlɔra ne mɔ nee ninyɛne mɔɔ wɔ anwomanyunlu la a, bɛangakyi bɛangɔnzonle bɛ. Bɛle ninyɛne mɔɔ Ɛdɛnkɛma bɛ Nyamenle ne ɛva ɛziezie ɛkɛ ne wɔ menli mɔɔ wɔ aleɛabo la ati.

Kɛlata mɔɔ bɛhɛlɛle bɛhɔmanle Hibuluma la 4:3

Ɛhye ati yɛdayɛ mɔɔ yɛdie yɛdi la angome a banyia ɛnwomenlelielɛ ne mɔɔ Nyamenle ɛva ɛbɔ ɛwɔkɛ la a. Ɔle kɛmɔ ɔhanle la. Ɔse, “Menvale ɛya na menganle ndane kɛ, ‘Bɛ gyakɛ ba ɛnrɛtia ɛleka mɔɔ meyɛ kɛ memaa bɛaralie bɛ ɛnwomenle la.’ ” Ɔhanle ɛhye, noko ɛnee yewie ye gyima yɛ dɛba, ɔvi ewiade mɔlebɛbo ne amuala.