Mosisi Buluku ne mɔɔ lumua mɔɔ bɛfɛlɛ ye Mɔlebɛbo 11:8 - BAEBOLO ANZƐƐ BULUKU NWUANZANWUANZA

⁸ Yemɔti Ɛdɛnkɛma manle bɛkpondenle bɛhɔle azɛlɛ ye azo ɛleka biala, na bɛgyakyile suakpole ne ɛkyekyelɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 11:8 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 1:51

Yedenrɛ ye tumi ɛsalɛ ne, na yebɔ bɛdabɛ mɔɔ bɛmemaa bɛ nwo zo la asande, yezɛkye bɛ ngyehyɛlɛ ne mɔ.

Mɛla 32:8

Mɔɔ Anwuma Anwumanli ne manle maanle biala agyadeɛ, mekɛ mɔɔ ɔkpakyekpakyele menli avinli la, ɔnleanle Yizilayɛma ne dodo na ɔgyigyale menli ne ɛweɛne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:32

Nowa amra ne abo zo amra, kɛmɔ bɛ mbusua ekpulike ekpulike ne mɔ de la ɛne. Azuyilɛ ne anzi bɛdele bɛkpondenle ewiade na bɛkyekyele maanle maanle bɛdɛnlɛdɛnlanle nu. Maanle ko biala anu amra le abusua ekpulike ko.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:25

Yibɛ wole mrenya nwiɔ, bɛfɛlɛ ko Pilɛge, ɔluakɛ ye mekɛ zo a ewiade amra anu kpakyekpakyele a, yɛɛ bɛfɛlɛ ko ne Dwɔketan.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 11:9

Bɛvɛlɛle suakpole ne Babelɔn, ɔboalekɛ ɛkɛ ne a Ɛdɛnkɛma manle menli ne aneɛ yɛle ngakyile ngakyile na ɔmanle bɛkpondenle azɛlɛ ye azo amuala a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 11:4

Akee bɛzele kɛ, “Bɛmaa yɛkyekye suakpole ko na yɛzi tawa tendendenlenle ko mɔɔ kɔkpula Nyamenle ne ako abo nehane la, amaa yɛalie duma na yeamkponde azɛlɛ ye azo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:7

Munzule ɛha bɛ ɛyavalɛ, Ɔluakɛ bɛ ɛya nloa yɛ se. Munzule ɛha bɛ ahonle ɛfutulɛ, Ɔluakɛ ɔle amumuyɛ! Mebahyɛ bɛ nuhua na meabɔ bɛ asande wɔ Yizilayɛ.

Edwɛndolɛ Buluku ne 92:9

Na nea, O Ɛdɛnkɛma, wɔ kpɔvolɛma, wɔ kpɔvolɛma ne amuala abo zo baminli; bɛbabɔ ɛtanema amuala asande.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:5

Bɛ bo zo amra a le bɛdabɛ mɔɔ bɛdede ɛnweanloa nee mɔɔ dede nyevile ne anu bɔra ne mɔ azo la. Menli ɛhye mɔ amuala le Gyeefɛte abo zo amra. Bɛdɛnlɛdɛnlanle ye mbusua ekpulike ekpulike, asolo ekpulike ko biala maanle nee ye ɛdendɛlɛ.

Edwɛndolɛ Buluku ne 33:10

Ɛdɛnkɛma maa maanle maanle adwenle ngyehyɛlɛ yɛ mgbane; ɔsɛkye menli ngyehyɛlɛ mɔɔ bɛkɛhyehyɛ la.