Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:6 - BAEBOLO ANZƐƐ BULUKU NWUANZANWUANZA

⁶ Na Nyamenle zele kɛ, “Anwomanyunlu ɛrɛla ɛrade nzule ne mɔ avinli.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:14

Na Nyamenle zele kɛ, “Ahɛnlaneɛ ɛrɛla anwomanyunlu anwuma lɔ, ɛrade alehyenlɛ nee aledwolɛ avinli, na bɛyɛ sɛkɛlɛneɛ mɔɔ kile ɛlobɔ, kenle, nee ɛvolɛ a,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:20

Na Nyamenle zele kɛ, “Nzule nu anyewɔzo abɔdeɛ ngakyile muala ɛrɛla, na nloma mɔɔ tu dua anwomanyunlu la ɛrɛla.”

Dwobu Buluku ne 26:13

Ɔvale ye ɛnwomenle ɔmanle anwomanyunlu dele wienyi; ɔvale ye tumi ne ɔhunle nyevile nu nane anwo ɛzulolɛ ne.

Dwobu Buluku ne 37:11

Ɔmaa nzule gyinla amungu nu; na amungu ne mɔ maa ezule fedevede.

Dwobu Buluku ne 37:18

Asoo ɛkɛhola ɛkɛyɛ kɛ ɔdaye, ɛkɛdɛlɛdɛlɛ anwomanyunlu ne, ɛkɛmaa ɔkɛyɛ ɛsesebɛ kɛ neanleɛ la?

Edwɛndolɛ Buluku ne 104:2

ɛfa wienyi ɛkeda kɛ ɛdanlɛ, wɔdɛlɛ anwomanyunlu nu kɛ ndanlɛ sua,

Edwɛndolɛ Buluku ne 148:4

Bɛmɛ anwumaneamra, bɛye ye ayɛlɛ, nzule mɔɔ wɔ anwuma lɔ anwuma, bɛye ye ayɛlɛ!

Edwɛndolɛ Buluku ne 150:1

Bɛye Ɛdɛnkɛma ayɛlɛ! Bɛye Nyamenle ayɛlɛ wɔ ye ɛleka nwuanzanwuanza ne; bɛye ye ayɛlɛ wɔ ye anwomanyunlu kpole ne!

Edwɛndolɛ Buluku ne 19:1

Anwumaneamra ɛlɛkile Nyamenle anyunlunyia ne; anwomanyunlu bɔ ɔ sa anloa gyima ne nolo.

Edwɛndolɛ Buluku ne 19:2

Alehyenlɛ biala ka edwɛkɛ ne, yɛɛ aledwolɛ biala maa nwolɛ adwenle.

Edwɛndolɛ Buluku ne 33:6

Ɛdɛnkɛma vale ɔ nloa bɔle anwuma, ɔvale ɔ nloa a ɔbɔle anwumaneamra a.

Edwɛndolɛ Buluku ne 33:9

Ɔluakɛ ɔdendɛle, na ɔyɛle zɔ; ɔzele, na ɔyɛle zɔ.

Nolo 11:3

Saa ezule munla a, ɔtɔ ɔgua azɛlɛ ye azo, yɛɛ baka tudu tɔ nyiakɛ anzɛɛ sɔlɔ a, ɛleka mɔɔ ɔkɛdɔ la, ɛkɛ ne ala a ɔbala a.

Ayezaya Buluku ne 40:22

Ɔdaye mumua ne a ɔde ye ebia nu wɔ azɛlɛ ye ati zo anwuma lɔ. Ɔnea menli mɔɔ wɔ aze ɛke la a bɛ mgbole le kɛ abɛbɛ. Ɔdɛlɛle anwomanyunlu kɛ ɛdanlɛ, na ɔzieziele ye kɛ ndanlɛ sua ɔdɛnlanle nu.

Gyɛlɛmaya Buluku ne 10:10

Na wɔmɔ Ɛdɛnkɛma, ɛle nɔhalɛ Nyamenle; wɔmɔ a ɛle tease Nyamenle nee Damɛnlangoate Belemgbunli ne a. Saa ɔfa ɛya a azɛlɛ kpusu. Maanle maanle ɛngola ye ɛya nloa gyinla.

Gyɛlɛmaya Buluku ne 51:15

Ɛdɛnkɛma vale ye tumi bɔle azɛlɛ ye, ye nrɛlɛbɛ a ɔvale ɔbɔle ewiade a, yɛɛ ye ndelebɛbo a ɔvale ɔbɔle anwomanyunlu a.

Zɛkalaya Buluku ne 12:1

Ɛdɛnkɛma nrɛlaleɛ mɔɔ fane Yizilayɛma anwo la ɛne: Ɛdɛnkɛma mɔɔ bɔle anwuma, ɔbɔle azɛlɛ, na ɔbɔle sonla sunsum mɔɔ wɔ ye nu la se,

2 Pit 3:5

Menli zɛhae mɔ anye fuu yɛɛ bɛyɛ kɛ asɛɛ bɛnze kɛ aloa kabɔ la Nyamenle vale ɔ nloa edwɛkɛ ala a manle anwuma rale, na azɛlɛ resee ye noko yele ɔ nwo vile nzule nu rale dɛbadɛba ne, na nzule ɛbɔ ye ɛyia a,