Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:4 - BAEBOLO ANZƐƐ BULUKU NWUANZANWUANZA

⁴ Nyamenle nwunle kɛ wienyi ne le kpalɛ, na ɔdele wienyi ne ɔvile awozinli ne anwo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:10

Nyamenle vɛlɛle ɛleka resee ne “Azɛlɛ”, yɛɛ ɔvɛlɛle nzule ne mɔ mɔɔ hɔle ɛleka ko la “Nyevile”. Na Nyamenle nwunle kɛ ɔle kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:12

Ndile nee mbaka ngakyile kɔsɔɔti mɔɔ so ma, yɛɛ nzoleɛ mbaka mɔɔ ma wɔ bɛ nzoleɛ ne mɔ anu la, ko biala nee ye ɛsaso, fifile azɛlɛ ye azo. Na Nyamenle nwunle kɛ ɔle kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:18

Ɔyɛle kɛ bɛda alehyenlɛ nee aledwolɛ nu, amaa bɛade wienyi ne bɛavi awozinli ne anwo. Na Nyamenle nwunle mɔɔ yeyɛ la kɛ ɔle kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:25

Na Nyamenle bɔle azɛlɛ ye azo nanemgbole, ko biala nee ye ɛsaso: nlankɛ nee ninyɛne mɔɔ twenle bɛ nwo aze la amuala, ko biala nee ye ɛsaso. Na Nyamenle nwunle kɛ ɔle kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:31

Na Nyamenle nwunle kɛ debie biala mɔɔ yeyɛ la le kpalɛ kpole. Aleɛ dwole na aleɛ hyenle; kenle ne mɔɔ tɔ zolɛ nsia la ɛne.

Edwɛndolɛ Buluku ne 145:10

O Ɛdɛnkɛma, ɛ sa anloa gyima kɔsɔɔti bayɛ wɔ mo, Nyamenle menli ne amuala baye wɔ ayɛlɛ!

Edwɛndolɛ Buluku ne 145:9

Ɛdɛnkɛma le kpalɛ maa awie biala, ye anwunvɔnezelɛ wɔ debie biala mɔɔ yebɔ la anwo zo.

Nolo 11:7

Wienyi le kɛnlɛma, yɛɛ ɔyɛ anyelielɛ kɛ sonla kɛnwu sɛnzɛne ne.

Nolo 2:13

Akee menwunle kɛ nrɛlɛbɛ le kpalɛ tɛla ngoaseade, kɛmɔ wienyi le kpalɛ tɛla awozinli la.

Ayezaya Buluku ne 45:7

Medame a mebɔ wienyi nee awozinli a, medame a memaa sonla kpazi na memaa munzule to ye a, medame a mele Ɛdɛnkɛma mɔɔ yɛ ninyɛne ɛhye mɔ kɔsɔɔti a.