Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:9 - BAEBOLO ANZƐƐ BULUKU NWUANZANWUANZA

⁹ Bɛmaa yɛhɔ zolɛ yɛyɛ kpalɛ; ɔluakɛ saa yɛangyakyi nyele ɛyɛlɛ a, kenle bie yɛbanwu ɔ bo aleɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:7

Gyekɔbo zele kɛ, “Bɛnlea, ewia ne gyi zo ɛsesebɛ. Ɔtɛdwule mɔɔ bɛmaa nyɛmoa ne mɔ kuohua bɛ nloa ɛleka ko a. Bɛmaa mboane ne mɔ nzule na bɛva bɛ bɛhɔ adidi.”

Edwɛndolɛ Buluku ne 104:27

Ɛhye mɔ amuala anye la ɛ nwo zo, kɛ mekɛ dwu a ɛkɛmaa bɛ aleɛ.

Edwɛndolɛ Buluku ne 126:5

Maa bɛdabɛ mɔɔ bɛfa monle bɛdua la, ɛva anyelielɛ ɛdeɛdea nu ɛbu!

Edwɛndolɛ Buluku ne 145:15

Ɛdɛnkɛma, menli kɔsɔɔti anye la ɛ nwo zo, yɛɛ ɛmaa bɛ aleɛ wɔ ye mekɛ nloa.

Mrɛlɛbulɛ Buluku ne 11:18

Amumuyɛnli ahatualɛ ɛngyinla, na sonla mɔɔ dua tenleneyɛlɛ ma la nyia ahatualɛ kpalɛ.

Nolo 11:1

Fuandi wɔ kpanwo ne to azule ne anye, na kenle bie ɛ sa baha ye.

Gyɛlɛmaya Buluku ne 45:3

Ɛhanle kɛ, ‘Medame Bɛlɛke, abule ɛbu me! Ɔluakɛ Ɛdɛnkɛma akee ɛmaa me nyanelilɛ ɛyɛ kpole. Mekponle dedee akee mevɛ, mennwu ɛleka mɔɔ mesie me nwo a.’

Sɛlɛ 26:4

yemɔ ɛlobɔ ne dwu a, mebamaa ezule adɔ na azɛlɛ ne aye aleɛ dɔɔnwo amaa bɛ, na kpɔkɛ nu mbaka amaa bɛ nzoleɛ.

Zɛfanaya Buluku ne 3:16

Mekɛ ne anu bɛbaha bɛahile Gyɛlusalɛmma kɛ, “Zayɔn, mmasulo; mmamaa ɛ sa nu to.

Malakae Buluku ne 1:13

Bɛmɛ, bɛ edwɛkɛ a le kɛ, ‘Duzu ɛvɛlɛ a le ɛhye?’ Bɛka ɛhye na bɛakpobi bɛ nloa. “Saa bɛbabɔ azu a bɛfa nane mɔɔ bɛwuale, anzɛɛ ɛbubu anzɛɛ ewule ɛha ye la a bɛyɛ azubɔdeɛ bɛbɛlɛ me a. Asoo medie ɛhye a ɔyɛ boɛ?

Edwɛkpa ne kɛmɔ Mateyu hɛlɛle la 10:22

Me ti, menli kɔsɔɔti bakpɔ bɛ. Noko mɔɔ kɛgyinla kpundii kɛhɔ awieleɛ la, Nyamenle kɛlie ye ngoane.

Edwɛkpa ne kɛmɔ Mateyu hɛlɛle la 24:13

Noko sonla mɔɔ kɛgyinla kpundii kɛhɔ awieleɛ la banyia ngoane mɔɔ ɛnlɛ awieleɛ.

Edwɛkpa ne kɛmɔ Mateyu hɛlɛle la 25:17

Mɔɔ bɛmanle ye apenle nwiɔ ne la yɛle ye zɔhane ala na ɔnyianle nvasoɛ nzunza apenle nwiɔ wɔ nwolɛ.

Edwɛkpa ne kɛmɔ Mateyu hɛlɛle la 9:19

Yemɔti Gyisɛse dwazole na ɔ nee ye ɛdoavolɛma ne nee nrenya ne hɔle.

Edwɛkpa ne kɛmɔ Maake hɛlɛle la 3:3

Gyisɛse zele nrenya ne mɔɔ asa ko ɛdwe la kɛ, “Dwazo bagyinla yɛ nyunlu ɛke.”

Edwɛkpa ne kɛmɔ Luku hɛlɛle la 18:1

Akee Gyisɛse bule ɛrɛlɛ ɛhye hilele ye ɛdoavolɛma ne mɔ vale hilele kɛ ɔwɔ kɛ bɛyɛ nzɛlɛlɛ dahuu na ɔnle kɛ bɛkpo aze.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

2 Kɔl 4:1

Nyamenle ɛlolɛ nu ala yɛɛ yeva gyima ɛhye yewula yɛ sa nu a, zɔhane ati yɛ rɛle ɛmbɔ.

2 Kɔl 4:16

Ɔlua ɛhye ati yɛmkpo aze. Saa yɛ nwonane ɛlɛwie bɔbɔ a, Nyamenle kakyi yɛ sunsum nu nwonane ne alehyenlɛ biala.

2 Kɔl 9:6

Bɛhakye ɛhye: sonla mɔɔ dua ma ekyi la bu ekyi, yɛɛ mɔɔ dua dɔɔnwo la bu dɔɔnwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:13

Yemɔti, mesɛlɛ bɛ kɛ bɛmmamaa amaneɛ mɔɔ melɛnwu ye wɔ bɛ ti la bɔ bɛ rɛle; ɔle kpalɛ ɔmaa bɛ.

Mɛla 11:14

ɔbadɔ ezule yeagua azɛlɛ ne azo wɔ bɛ ɛlobɔ nloa. Alumua ezule ne badɔ yɛɛ amozi ezule ne noko badɔ, amaa bɛanyia aleɛ dɔɔnwo nee nwanye nee nwole.

2 Tɛs 3:13

Mediema, bɛmmagyakyi kpalɛyɛlɛ.

Kɛlata mɔɔ bɛhɛlɛle bɛhɔmanle Hibuluma la 12:3

Bɛdwenle ɛkpɔlɛ mɔɔ Gyisɛse nyianle ye, nee kɛ ɔzile ɔgyinlanle kpundii wɔ ɛkpɔlɛ bebelebe ne anloa, wɔ ɛtanevolɛma asa nu la anwo, na bɛmmamaa bɛ rɛle bɔ anzɛɛ bɛ gyakɛ anzi tuto.

Kɛlata mɔɔ bɛhɛlɛle bɛhɔmanle Hibuluma la 12:5

Anzɛɛ bɛ rɛle ɛvi akɛnrazilɛ edwɛkɛ ne mɔɔ Nyamenle ka kile bɛ kɛ bɛle ɔ mra la ɔ? Ɔse, “Me ra, saa Awulae tea wɔ a die ye fɛlɛko nu, yɛɛ saa ɔtwi ɛ nyunlu a mmamaa ɛ rɛle bɔ.

Kɛlata mɔɔ bɛhɛlɛle bɛhɔmanle Hibuluma la 3:14

Ɔluakɛ alumua diedi ne mɔɔ yɛnyianle la, saa yɛsɔ nu ɛsesebɛ yɛkɔ awieleɛ a yɛɛ yɛ nee Kelaese kɛli agya a.

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

Gyemise Kɛlata ne 5:7

Yemɔti, mediema, bɛzi abotane bɛhɔkpula Kenle ne mɔɔ Awulae kɛra la. Bɛnlea ɛyazonlɛnli ne, ɔkendɛ ɔmaa azɛlɛ ye maa ye nzoleɛ ngɛnlɛma, ɔsi abotane ɔkendɛ ɔmaa fɔsɛlɛ ne nee bokile ne tɔ zolɛ.

1 Pit 2:15

Ɔluakɛ Nyamenle ɛhulolɛ a le kɛ bɛkɛva bɛ nyɛleɛ kpalɛ ne mɔ bɛkɛmaa ahɔnwɔne kɛgyakyi mgbane mgbane ɛhehanlɛ.

1 Pit 3:17

Ɔluakɛ saa mɔɔ Nyamenle kpondɛ la a le kɛ yɛkɛli boɛ na yɛkɛnwu amaneɛ a, ɛnee ye zɔhane le kpalɛ, tɛla kɛ yɛkɛli ɛtane a.

1 Pit 4:19

Zɔhane ati ɔwɔ kɛ bɛdabɛ mɔɔ Nyamenle ɛhulolɛ ti bɛnwu amaneɛ la bɔ ɛbɛla kpalɛ na bɛfa bɛ nwo bɛto bɛ Bɔvolɛ ne anwo zo, ɔluakɛ ɔdi ye ɛwɔkɛ zo dahuu.

Yekile 2:17

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. “Mɔɔ kɛli konim la mebamaa ye mana ne mɔɔ vea la bie. Mebamaa ko biala noko bolɛ fufule mɔɔ bɛhɛlɛ duma fofolɛ zolɛ la. Awie biala ɛnrɛhola ɛnrɛnwu duma ne kyesɛ ahenle ne mɔɔ bɛva bɛmaa ye la angomekye.

Yekile 2:3

Meze kɛ ɛlɛ abotane ɛlɛkomo ɛ nwo zo, ɛlɛsɔ amaneɛ sa wɔ me duma ne ati, yɛɛ ɔtɛyɛle wɔ ɛvɛlɛ.

Yekile 2:7

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la mebamaa ye adenle meamaa yeali ngoane baka ne mɔɔ gyi Nyamenle tola ne anu la ma ne bie.