Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:3 - BAEBOLO ANZƐƐ BULUKU NWUANZANWUANZA

³ Saa awie bu ɔ nwo noko ɔndo ɛhwee a, ɛnee ɔlɛbɛlɛbɛla ɔ nwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:3 ပူးပေါင်းရင်းမြစ်များ

Mrɛlɛbulɛ Buluku ne 25:14

Sonla mɔɔ tu ɔ nloa anu kɛ ɔfa debie yeahyɛ a ɔnyɛ la le kɛ amungu nee anwoma mɔɔ ɛndɔ ezule la.

Mrɛlɛbulɛ Buluku ne 26:12

Wɔnwu sonla mɔɔ ɔ nye zo a ɔze nrɛlɛbɛ la ɔ? Koasea bɔbɔ tɛla ye ɛkpɔyɛ.

Edwɛkpa ne kɛmɔ Luku hɛlɛle la 18:11

“Falasiinli ne gyinlanle nzisi na ɔzɛlɛle kɛ, ‘Nyamenle, meyɛ wɔ mo kɛ membɔ apo, menli nzisi yɛɛ mendo awuvolɛvalɛ mɛla ne kɛ awie biala de la; meyɛ wɔ mo kɛ menle kɛ adwuledievolɛ ɛhye bɔbɔ mɔɔ wɔ lɔ la.

Ɛzoanvolɛma Gyima ne 5:36

Mekɛ bie mɔɔ ɛraze ɛhɔ la, Tiyudase dwazole na ɔyɛle ɔ nwo kɛ ɔle sonlakpole bie, na ɔhwenle menli ala kɛyɛ ɛya nna ɔlile ɔ nzi. Na nzinlii bɛhunle ye, na ye ɛdoavolɛma ne bɔle asande manle ye fane ne gule.

Wulo 12:16

Bɛmaa bɛ muala bɛ adwenle ɛyɛ ko. Bɛmmayɛ mgbanyizonle, bɛ nee ahoahweabane ɛdu. Bɛmmabu bɛ nwo kɛ bɛle nrɛlɛbɛvolɛma.

Wulo 12:3

Melua Nyamenle ɛlolɛ ahyɛlɛdeɛ ne mɔɔ yeva yemaa me la azo mese bɛ muala kɛ bɛmmamemaa bɛ nwo zo. Bɛdwenle kpalɛ na bɛbua bɛ nwo ndɛne ngoko wɔ diedi dodo mɔɔ Nyamenle ɛva ɛmaa bɛ la anu.

1 Kɔl 13:2

Saa melɛ ahyɛlɛdeɛ mɔɔ mefa metendɛ Nyamenle anloa azo, na saa mebe nwoma nu kpole, mete fealeranu edwɛkɛ muala abo, na melɛ diedi mɔɔ maa mekola metudu awoka, na menlɛ ɛhulolɛ a, menzɔho sonla.

1 Kɔl 3:18

Awie biala mmabɛlɛbɛla ɔ nwo. Saa bɛ nuhua bie dwenle kɛ ɔle ewiade ɛhye anu nrɛlɛbɛvolɛ a, ɛnee ɔyɛ ɔ nwo kɔnwɔne na yeanwu nrɛlɛbɛ kpalɛ.

1 Kɔl 8:2

Sonla mɔɔ dwenle kɛ ɔze deɛ la, ɛnze mɔɔ ɔwɔ kɛ ɔnwu ye la.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

2 Kɔl 3:5

Yɛnlɛ debie biala wɔ yɛ nu mɔɔ maa yɛka kɛ yɛkola yɛyɛ gyima ɛhye a. Yɛ munlililɛ vi Nyamenle ɛkɛ;

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:6

Mengilehilele Edwɛkpa ne mɔɔ mebɔ ye nolo la anu menwiele la, menli zɛhae mɔ, mɔɔ bɛse bɛle mgbanyima la anga kɛ debie bieko wɔ ɛkɛ mɔɔ ɔwɔ kɛ meyɛ a. Bɛle duzu menli bɔbɔ a, ɔnvane me nwo, ɔboalekɛ menli kɔsɔɔti sɛ wɔ Nyamenle anyunlu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9

Gyemise, Pita, yɛɛ Dwɔn mɔɔ diedima ne bu bɛ kɛ bɛle mgbanyima la liele dole nu kɛ, nɔhalɛ, mame a Nyamenle ɛva ɛlolɛ gyima ɛhye ɛwula me sa nu a. Yemɔti bɛzomanle me nee Banabase, bɛyɛle yɛ mo nee yɛ, bɛhilele kɛ bɛlie yɛ bɛdo nu. Akee yɛ muala yɛliele yɛdole nu kɛ yɛmɛ yɛhɔbɔ nolo ne wɔ bɛdabɛ mɔɔ bɛnle Dwuuma la anu na bɛdabɛ noko bɛhɔ Dwuuma anu.

2 Tem 3:13

Amumuyɛma nee adalɛma bahɔ zolɛ amaa bɛ ti ayɛ se kpalɛ, bɛbabɛlɛbɛla awie mɔ na bɛabɛlɛbɛla bɛdabɛ bɛ ngome bɛ nwo.

Gyemise Kɛlata ne 1:22

Bɛmmabɛlɛbɛla bɛ nwo bɛyɛ mɔɔ asɛɛ bɛtie ye edwɛkɛ ne ala a; bɛyɛ mɔɔ bɛkɛde la.

Gyemise Kɛlata ne 1:26

Saa awie dwenle kɛ ɔsonle Nyamenle na ɔmmua ɔ nloa azo a, ye Nyamenlezonlenlɛ ne le mgbane, na ɔbɛlɛbɛla ɔdaye ye ɛkɛla.

1 Dw 1:8

Saa yɛka kɛ yɛnyɛ ɛtane a, ɛnee yɛbɛlɛbɛla yɛ nwo, yɛɛ yɛnga nɔhalɛ.