Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:2 - BAEBOLO ANZƐƐ BULUKU NWUANZANWUANZA

² Bɛsosɔ bɛ nwo ngoko, na bɛyɛ ye zɔhane a ɛnee bɛlɛdi Kelaese mɛla ne azo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:2 ပူးပေါင်းရင်းမြစ်များ

1 Edk 19:12

Dwowabe zele kɛ, “Saa bɛnwu kɛ Seleama asa ɛlɛkomo me nwo zo a, bɛraboa me; saa medame menwu kɛ Amɔnoma asa ɛlɛkomo bɛ nwo zo a, mebaraboa bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:5

Saa ɛnwu kɛ adesoa ɛdɔ wɔ kpɔvolɛ asoaso nwo zo a, boa ye maa ɔdwazo ye; mmapɛ nu ɛkɔ.

Ayezaya Buluku ne 58:6

“Asoo ɛhɔnehyelɛ ne mɔɔ medi ye edwɛkɛ la, tɛ yemɔ a le ɛhye, kɛ bɛkɛgyakyi amumuyɛyɛlɛ, bɛkɛye kpomgbolo menli kɔme, bɛkɛgyakyi ndunlumililɛ, na bɛkɛgyakyi menli mɔɔ bɛlɛsisi bɛ la bɛkɛmaa bɛkɛva bɛ nwo dwɔɔ?

Edwɛkpa ne kɛmɔ Mateyu hɛlɛle la 8:17

Ɔyɛle ɛhye amaa mɔɔ Nyamenle kpɔmanvolɛ Ayezaya hanle la ayɛ nɔhalɛ kɛ, “Ɔdaye mumua ne ɔzoale yɛ anwondolɛ nee yɛ nwo ewule ɔhɔle.”

Edwɛkpa ne kɛmɔ Luku hɛlɛle la 11:46

Gyisɛse buale kɛ, “Munzule ɛha bɛdabɛ mɛla kilehilevolɛma noko! Bɛmɛ, bɛkyekye adesoa ɛnlomboɛ mɔɔ bɛngola bɛ la bɛsoa menli, noko bɛndenrɛ bɛ sa ɛrɛlɛsɛka ko bɔbɔ bɛnzɔ nu bɛmmaa menli ne ɛnzoa adesoa zɔhane mɔ.

Dw 13:34

Memaa bɛ mɛla fofolɛ: Bɛhulo bɛ nwo ngoko ngoko. Kɛ mezi mehulo bɛ la, zɔhane ala yɛɛ bɛhulo bɛ nwo ngoko ngoko a.

Dw 15:12

Me mɛla ne a le ɛhye: Bɛhulo bɛ nwo ngoko ngoko, kɛmɔ mehulo bɛ la.

Wulo 15:1

Ɔwɔ kɛ yɛdayɛ mɔɔ yɛ diedi nu yɛ se la yɛboa bɛdabɛ mɔɔ bɛ diedi nu ɛnyɛ se la wɔ bɛ debie biala anu. Ɔnle kɛ yɛmaa yɛ nye die yɛ ngome yɛ nwo ala.

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

1 Kɔl 9:21

Zɔhane ala yɛɛ meyɛ ye wɔ mekɛ mɔɔ mewɔ bɛdabɛ mɔɔ bɛnle Dwuuma la avinli a; meyɛ me nwo kɛ asɛɛ menle mɛla ne abo, amaa me sa aha bɛdabɛ noko. Ɛhye ɛngile kɛ menli Nyamenle mɛla ne azo; nɔhalɛ ne a le kɛ mewɔ Kelaese mɛla bo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:5

Ɔluakɛ awie biala ɔdaye ɔbazoa ye adesoa.

Mɛla 1:12

Kɛ menwɔyɛ na me ngomekye meahola bɛ nwo zo nea na meaziezie bɛ edwɛkɛ ne mɔ ɛ?

1 Tɛs 5:14

Yɛkakye bɛ, bɛbɔ mɔɔ le mgbovonle la kɔkɔ, bɛzi mɔɔ le foanvoanle la ahonle, bɛboa mɔɔ ɛnlɛ anwosesebɛ la, na bɛnyia biala anwo abotane.

Gyemise Kɛlata ne 1:25

Na awie mɔɔ neɛnlea fanwodi mɛla ne mɔɔ di munli la anu, na ɔsɔ nu dwaa ɔfa ɔbɔ ye ɛbɛla, na ɔndie ye mgbane ala ɔmmaa ɔ rɛle ɛnvi, na ɔyɛ gyima mɔɔ ɔwɔ kɛ ɔyɛ la, yemɔ yɛɛ Nyamenle kɛyila ye wɔ ye ɛbɛlabɔlɛ nu a.

Gyemise Kɛlata ne 2:12

Bɛdendɛ na bɛbɔ bɛ ɛbɛla kɛ menli mɔɔ bɛbava fanwodi mɛla ne bɛabua bɛ ndɛne la.

Gyemise Kɛlata ne 2:8

Saa bɛdi Belemgbunlililɛ ne anwo mɛla ne, mɔɔ Nyamenle Edwɛkɛ ne se la kɛ, “Kulo ɛ gɔnwo kɛ ɛdawɔ ɛ nwo” la azo a, ɛnee bɛlua nɔhalɛ adenle ne anu.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

2 Pit 2:21

Ɛnee noko bɔbɔ ɔle kpalɛ kɛ anrɛɛ bɛannwu pɛlepɛlelilɛ adenle ne fee, tɛla kɛ bɛkɛnwu ye na bɛkɛhakyi bɛ nzi bɛkɛzi mɛla nwuanzanwuanza ne mɔɔ bɛva bɛmaa bɛ la.

2 Pit 3:2

amaa bɛadwenle edwɛkɛ mɔɔ Nyamenle kpɔmanvolɛma nwuanzanwuanza ne mɔ ɛha ɛdo ɛkɛ ne nee Awulae Dievolɛ ne ngyehyɛlɛ mɔɔ ɛzoanvolɛma ne mɔ ɛva ɛmaa bɛ la anwo.

1 Dw 4:21

Mɛla ne mɔɔ Kelaese manle yɛ la kɛ se la ɛne: ɔwɔ kɛ sonla mɔɔ kulo Nyamenle la kulo ɔ diema noko.