Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:8 - BAEBOLO ANZƐƐ BULUKU NWUANZANWUANZA

⁸ Dɛba ne mɔɔ bɛnze Nyamenle la, ɛnee bɛle ngɛkɛlɛ bɛmaa ninyɛne mgbane mgbane mɔɔ ɔnle kɛ bɛsonle bɛ la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:8 ပူးပေါင်းရင်းမြစ်များ

2 Edk 13:9

Bɛvoa Ɛdɛnkɛma sɛlɛvolɛma ne mɔ mɔɔ le Aalɔn abo zo amra la, nee Livaema kɔsɔɔti na bɛdabɛ bɛye bɛ sɛlɛvolɛma kɛ maanle gyɛne gyɛne ne mɔ yɛ ye la. Awie biala mɔɔ kɛhola kɛva ɛnlankɛ nyinli ekyi ko anzɛɛ mboane nyinli ngyikyi nsuu kɛrabia ɔ nwo la ɛnee bɛyɛ ye sɛlɛvolɛ mɔɔ ɔko bɛ nyamenle ne mɔ mɔɔ ɛnzɔho ɛhwee la anyunlu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:2

Na belemgbunli ne bizale bɛ kɛ, “Ɛdɛnkɛma a le nwane, mɔɔ ɔwɔ kɛ metie ye na memaa Yizilayɛma kɔ a? Menze Ɛdɛnkɛma; yɛɛ akee bɔbɔ menrɛmaa Yizilayɛma ɛnrɛhɔ fee.”

Ayezaya Buluku ne 37:19

na bɛvuandi bɛ awozonle ne mɔ bɛgua senle nu bɛyela bɛ, ɔluakɛ bɛnle nyamenle, bɛle menli asa anloa gyima, mbaka nee awolɛ; yemɔti a bɛzɛkyele bɛ a.

Gyɛlɛmaya Buluku ne 10:25

Wola wɔ ɛya ne gua maanle maanle mɔɔ ɛnze wɔ, nee menli mɔɔ ɛnzonle wɔ la anwo zo; bɛhu wɔ menli ne; bɛbɔ Gyekɔbo abo zo amra abo zo tɔɔ; bɛmaa bɛ maanle ne ɛdɔ mgbane.

Gyɛlɛmaya Buluku ne 16:20

Asoo sonla ɔdaye ɔkola ɔyɛ nyamenle ɔmaa ɔ nwo? Ninyɛne zɛhae mɔ ɛnle nyamenle!”

Gyɛlɛmaya Buluku ne 2:11

Maanle biala ɛtɛkakyile ye nyamenle ne mɔ mɔɔ ɛnle nyamenle bɔbɔ la, noko me menli ne ɛva bɛ anyunlunyia ɛlie debie mɔɔ nvasoɛ ɛnle zo la.”

Gyɛlɛmaya Buluku ne 5:7

Ɛdɛnkɛma bizale ye kɛ, “Kɛ ɔyɛ mɔɔ ɔwɔ kɛ mefa bɛ ɛtane mekyɛ bɛ ɛ? Bɛ menli ne ɛkpo me, na bɛzonle nyamenle gyɛne gyɛne mɔɔ ɛnle ɛkɛ la. Memanle bɛ aleɛ bɛlile bɛ ko yile la, bɛdonle awuvolɛvalɛ mɛla ne, na bɛdule bɛdoale tuutuuma.

Dw 1:10

Ɛnee Edwɛkɛ ne wɔ ewiade ye. Nyamenle luale ɔ nwo zo a bɔle ewiade a, noko ewiade amra ɛnze ye.

Ɛzoanvolɛma Gyima ne 14:12

Na bɛvɛlɛle Baanabase, Ziyɛse, na bɛvɛlɛle Pɔɔlo, Hɛmɛse, ɔluakɛ bɛse Pɔɔlo a tendɛ maa bɛ a.

Ɛzoanvolɛma Gyima ne 17:23

Mekpɔsa suakpole ye azo dɔɔnwo, na mɔɔ menwu ye la a le kɛ ɛleka biala mɔɔ bɛsonle la ɛdɛneyelɛ ninyɛne wɔ ɛkɛ ne, yɛɛ eza bɛlɛ azubɔlɛ mokyea ko mɔɔ bɛhɛlɛ nwolɛ ‘Ɛhye le Nyamenle ne mɔɔ yɛnze ye la ɛdeɛ’ la wɔ ɛkɛ. Na mɔɔ bɛsonle ye, noko bɛnze ye la, yemɔ yɛɛ mebaha ɔ nwo edwɛkɛ meahile bɛ kɛkala la.

Wulo 1:23

kɛ bɛkɛzonle damɛnlangoate Nyamenle ne la, bɛsonle ninyɛne mɔɔ bɛdabɛ bɛnwo, mɔɔ le kɛ sonla, nloma, nane anzɛɛ nwɔlɛ la.

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

1 Kɔl 12:2

Bɛze kɛ mekɛ mɔɔ ɛnee bɛnze Nyamenle la, awie mɔ vale adenle bie azo manle bɛzɔle mmonle mɔɔ ɛndendɛ la.

1 Kɔl 8:4

Zɔhane ati, mɔɔ fane aleɛ mɔɔ bɛva bɛzɔ amonle la ɛlilɛ nwo, yɛze kɛ amonle ɛnle debie biala, yɛɛ nyamenle biala ɛnle ɛkɛ ne kɛ Nyamenle kokye ne ala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:3

Zɔhane ala yɛɛ yɛdayɛ noko yɛde a; mɔɔ ɛnee yɛle ngakula wɔ sunsum nu la yɛyɛle ngakula yɛmanle ewiade ye anu tumi muala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:18

Menli zɔhane mɔ adwenle nu le awozinli, bɛnlɛ ndelebɛbo yɛɛ bɛmboka ngoane ne mɔɔ Nyamenle fa maa la anwo, ɔluakɛ bɛnze ɛhwee yɛɛ eza bɛ nzo yɛ se.

1 Tɛs 1:9

Menli zɔhane mɔ ka kɛ bɛzile bɛliele yɛ wɔ mekɛ mɔɔ yɛrale bɛ nwo lɔ la. Bɛka kɛ bɛzile bɛhwenle bɛ nwo bɛvile bɛ mmonle ngakyile ne mɔ anwo, bɛhɔle Nyamenle ɛkɛ na bɛzonlenle nɔhalɛ nee tease Nyamenle ne la.

1 Tɛs 4:5

tɛ wɔ atiakunluwɔzo ɛtane nu, kɛmɔ menli mɔɔ ɛnze Nyamenle la yɛ ye la.

2 Tɛs 1:8

kɛ ɔbadua bɛdabɛ mɔɔ bɛnze Nyamenle, nee bɛdabɛ mɔɔ bɛnli Edwɛkpa ne mɔɔ fane yɛ Awulae Gyisɛse anwo la azo la kakɛ la.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

Dwɔhyua Buluku ne 24:2

Dwɔhyua zele menli ne amuala kɛ, “Kɛ Ɛdɛnkɛma, Yizilayɛ Nyamenle ne se la ɛne: ‘Mekɛ bie mɔɔ ɛraze ɛhɔ la bɛ nlenya mɔ dɛnlanle Azule Yufileti anzi lɔ na bɛzonlenle awozonle. Bɛ nlenya mɔ zɔhane anu ko a le Ebileham nee Neehɔ bɛ ze Tilaa.

1 Pit 4:3

Bɛzɛkye bɛ mekɛ dɔɔnwo bɛyɛ mɔɔ menli mɔɔ ɛnzonle Nyamenle la yɛ la bie. Bɛbɔ adwɔmane ɛbɛla, bɛli bɛ atiakunluwɔzo mgbane mgbane nzi, nza ɛgya bɛ, bɛmaa bɛ nye die mgbane mgbane, bɛbɔ anyiemgba ɛbɛla, na bɛsonle awozonle.

1 Dw 3:1

Bɛnlea kɛ Selɛ ne ɛzi ɛhulo yɛ a! Ye ɛhulolɛ kpole ne ati, bɛfɛlɛ yɛ Nyamenle amra, yɛɛ nɔhalɛ nu, yɛle ɔ mra. Debie mɔɔ yemɔti ɛtane ewiade ye ɛnze yɛ la a le kɛ yeannwu Nyamenle.