Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:7 - BAEBOLO ANZƐƐ BULUKU NWUANZANWUANZA

⁷ Ɛhye kile kɛ bɛnle ngɛkɛlɛ bieko, na bɛle Selɛ ne amra. Na saa bɛle ɔ mra a, ɛnee bɛdi agya.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:1

Ɛhye mɔ anzi, Ebilam dele Ɛdɛnkɛma edwɛkɛ ne wɔ ɛnyelɛzodeɛnwunlɛ nu kɛ, “Ebilam, mmasulo, na mebabɔ ɛ nwo bane. Wɔ ahatualɛ bayɛ kpole kpalɛ.”

Edwɛndolɛ Buluku ne 16:5

Ɛdɛnkɛma a le me afoa nu ɛdeɛ nee me debie biala a; wɔmɔ yɛɛ ɛlɛ me a.

Edwɛndolɛ Buluku ne 73:26

Me nwonane bawie, me ahonle ayɛ bɛtɛɛ, noko Nyamenle le me anwosesebɛ nee me kyɛfoa dahuu.

Gyɛlɛmaya Buluku ne 10:16

Gyekɔbo Nyamenle ne ɛnle kɛ nyamenle ɛhye mɔ, ɔluakɛ yemɔ a ɔbɔle ninyɛne kɔsɔɔti a, yɛɛ Yizilayɛ abusua ekpunli ne le ye agyadeɛ: ye duma a le Tumivolɛ Ɛdɛnkɛma.

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Gyɛlɛmaya Awolɛyelɛ 3:24

Me ɛkɛla se, “Ɛdɛnkɛma le me afoa nu ɛdeɛ, yemɔti mebanyia anyelazo wɔ ye nu.”

Edwɛkpa ne kɛmɔ Mateyu hɛlɛle la 6:24

“Awie biala ɛnrɛhola ɛnrɛzonle menlenlɛ nwiɔ, ɔluakɛ saa ɔyɛ ye zɔhane a ɔbahulo ko na yeakpɔ ko, anzɛɛ ɔbali ko eni na yeakpo ko. Zɔhane ala yɛɛ bɛnrɛhola Nyamenle nee ezukoa sonle a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:26

Bɛhakye ɛhye: Bɛlie Gyisɛse bɛli la ati bɛ kɔsɔɔti bɛ nee Gyisɛse Kelaese ɛbɔ nu ɛyɛ Nyamenle amra.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:29

Saa bɛle Kelaese ɛdeɛ a, ɛnee bɛle Ebileham nlɔnra mɔɔ asa baha Nyamenle ahyɛlɛdeɛ ne mɔɔ ɔvale ɔbɔle ɛwɔkɛ ne la a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:31

Yemɔti, mediema, bɛnwu ye kɛ yɛnle akɛlɛ ne amra na yɛle dehelɛ ne amra.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.