Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:18 - BAEBOLO ANZƐƐ BULUKU NWUANZANWUANZA

¹⁸ Ɔle kpalɛ kɛ menli kɛnyia bɛ nwo ɛhulolɛ, noko bɛmaa ɔyɛ zɔhane wɔ adenle kpalɛ nu, na bɛyɛ ye zɔhane dahuu, bɔbɔ wɔ mekɛ mɔɔ me nee bɛ ɛnde la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:18 ပူးပေါင်းရင်းမြစ်များ

Edwɛndolɛ Buluku ne 119:139

Me nwo yelɛyela me kɛ senle, ɔboalekɛ me kpɔvolɛma arɛle fi wɔ edwɛkɛ ne.

Edwɛndolɛ Buluku ne 69:9

Ɔluakɛ wɔ Ɛzonlenlɛ Sua ne anwo ɛhulolɛ sɔ kɛ senle wɔ me nu, yɛɛ aholoba mɔɔ bɛbɔ wɔ la amuala gua me nwo zo.

Ayezaya Buluku ne 59:17

Ɔvale tenleneyɛlɛ ɔyɛle akɛnrazo enyinlike, na ɔvale ngoanelielɛ ɔyɛle kyɛlɛ ɔzoale, ɔvale nzenralɛlilɛ ɔyɛle ɛdanlɛ ɔhedale, na ɔvale ɛya kpole ɔyɛle aguzo ɔkyekyele ɔ nwo.

Dw 2:17

Ye ɛdoavolɛma ne hakyele kɛ Nyamenle Edwɛkɛ ne ɛha ɛdo ɛkɛ ne kɛ, “Nyamenle, wɔ sua ne anwo ɛhulolɛ sɔ kɛ senle la wɔ me nu.”

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:13

Bɛdabɛ bɛze kɛ me nwo mɔɔ dole me la ati a menyianle adenle membɔle Edwɛkpa ne nolo mengilele bɛ a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:17

Menli zɔhane mɔ yɛ kɛ asɛɛ bɛ nye die bɛ nwo, noko tɛ adenle kpalɛ zo a bɛ nee bɛ lua la! Mɔɔ menli zɔhane mɔ kpondɛ la a le kɛ bɛkɛhwe bɛ bɛkɛvi me nwo, amaa bɛdabɛ noko bɛ nye alie bɛmɛ bɛ nwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:20

Me kunlu a anrɛɛ me nee bɛ a wɔ lɔ a, na meanwu mɔɔ ɔwɔ kɛ meka la. Medwenle bɛ nwo somaa!

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:12

Zɔhane ati ayi mɔ, kɛmɔ bɛlile me edwɛkɛ zo wɔ mekɛ mɔɔ ɛnee me nee bɛ de la, ɔhyia ɛsesebɛ kɛ akee bɛkɛyɛ ye zɔhane kɛkala mɔɔ me nee bɛ ɛnde la. Bɛva ɛzulolɛ nee anwowozolɛ bɛli bɛ ngoanelielɛ ne anwo gyima bɛhɔ awieleɛ,

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Yekile 3:19

Bɛdabɛ mɔɔ mekulo bɛ la, metwi bɛ nyunlu na metea bɛ. Zɔhane ati bɔ mɔdenle nu ɛ nwo na yɛ gyima ɛsesebɛ.