Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:8 - BAEBOLO ANZƐƐ BULUKU NWUANZANWUANZA

⁸ Nyamenle Edwɛkɛ ne se, “Nyamenle balua bɛdabɛ mɔɔ bɛnle Dwuuma la diedi zo yeamaa bɛazɔ ɔ nye.” Ɛhye kile kɛ Nyamenle Edwɛkɛ ne lumuale nwunle ye, na ɔbɔle Edwɛkpa ne nolo ɔhilele Ebileham kɛ, “Ɛ nwo zo yɛɛ Nyamenle balua ayila maanle maanle kɔsɔɔti a.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:3

Mebayila bɛdabɛ mɔɔ bɛyila wɔ la, Na meamaa munzule ado mɔɔ kɛzuzu munzule kɛmaa wɔ la; Na ɔlua ɛ nwo zo nyilalɛ aha maanle maanle kɔsɔɔti mɔɔ wɔ ewiade la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:18

ɔboalekɛ Ebileham abo zo amra bayɛ maanle kpole, na maanle maanle kɔsɔɔti mɔɔ wɔ ewiade la balua ɔ nwo zo anyia nyilalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:18

na ɛ bo zo amra anwo zo yɛɛ maanle maanle mɔɔ wɔ ewiade la balua anyia nyilalɛ a, ɔboalekɛ wɔdie me ne.’ ”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:4

Mebamaa ɛ bo zo amra ayɛ dɔɔnwo kɛ anwomanyunlu nwɔlɔra. Mebava azɛlɛ ɛhye mɔ amuala meamaa ɛ bo zo amra, na ɛ bo zo amra anwo zo yɛɛ maanle maanle kɔsɔɔti mɔɔ wɔ ewiade la balua anyia nyilalɛ a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:14

Ɛ bo zo amra bayɛ kɛ azɛlɛ nwo anwea. Bɛbadende bɛadwu adɔleɛ, aduduleɛ, sɔlɔ nee nyiakɛ. Na ɛdawɔ nee ɛ bo zo amra anwo zo yɛɛ ewiade amra kɔsɔɔti balua anyia nyilalɛ a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Edwɛndolɛ Buluku ne 72:7

Maa tenleneyɛlɛ ɛdende ye mekɛ zo, na anzonudwolɛ ɛrɛla dahuu mekɛ mɔɔ ɛnlɛ awieleɛ.

Ayezaya Buluku ne 6:13

Saa menli bulu na nuhua ko ka bɔbɔ a, bɛbayela ye kɛ oku baka mɔɔ bɛpɛ ye bɛdo na bɛyela ye dosinli ne la.” (Ma ne mɔɔ anwo te la a le dosinli ne.)

Ayezaya Buluku ne 65:9

Mebava Gyekɔbo abo zo amra ne meara na meamaa Dwudama bie mɔ aradɛnla me awoka ne mɔ azo. Menli ne mɔɔ mekpa nu meye bɛ, menli ne mɔɔ sonle me la badɛnla awoka ne mɔ azo.

Gyɛlɛmaya Buluku ne 4:2

na bɛka ndane kɛ, ‘Meka Ɛdɛnkɛma’ nɔhalɛ nu, pɛlepɛle nu, nee tenlene nu a, ɛnee bɛhakye kɛ maanle maanle baze me kɛ menyila bɛ, na bɛbaye me ayɛlɛ.”

Dw 19:37

Eza Nyamenle Edwɛkɛ ne ko noko se, “Menli anye banwu mɔɔ bɛwɔle ɔ nvenle atwɛ la.”

Dw 7:38

Kɛmɔ Nyamenle Edwɛkɛ ne se la, ‘Mɔɔ die me di la, ngoane azudenle vi ye ahonle nu baze.’ ”

Dw 7:42

Nyamenle Edwɛkɛ ne se Mɛzaya ne bayɛ Belemgbunli Devidi dehelɛ, yɛɛ bɛbawo ye wɔ Bɛtelɛhɛm, ɛleka mɔɔ Devidi dɛnlanle la.”

Ɛzoanvolɛma Gyima ne 2:35

kɔkpula kɛ menwɔva wɔ agbɔvolɛ muala menwɔwula ɛ gyakɛ abo.’

Wulo 9:17

Ɔluakɛ Nyamenle Edwɛkɛ ne zele Yigyibiti belemgbunli kɛ, “Menyɛle wɔ belemgbunli kɛ mefa wɔ meahile me tumi mɔɔ melɛ ye, na meamaa me duma adɛlɛ azɛlɛ ye azo amuala.”

Wulo 9:30

Ɛnee akee kɛ yɛha yɛze ɛ? Yɛka ɛhye, kɛ bɛdabɛ mɔɔ bɛnle Dwuuma, na bɛandwenle nwolɛ ɛlɛ kɛ bɛkɛzɔ Nyamenle anye la, ɛlua diedi zo ɛzɔ ɔ nye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:16

Nyamenle bɔle ɛwɔkɛ ne manle Ebileham nee ye anlɔnra. Nyamenle Edwɛkɛ ne ɛnga kɛ “ye nlɔnra,” mɔɔ kile kɛ nlɔnra ne mɔ zonle a. Ɔse “ye anlɔnra,” mɔɔ kile anlɔnra kokye, na anlɔnra ɛhye, yemɔ a le Kelaese.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:22

Nyamenle Edwɛkɛ ne se ɛtane gyale ewiade amuala; ɛhye ati bɛdabɛ mɔɔ bɛdie Gyisɛse Kelaese bɛdi la angome a Nyamenle bava ye ɛwɔkɛ ne mɔɔ ɔbɔle la yeamaa bɛ a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:30

Na Nyamenle Edwɛkɛ ne se duzu? Ɔse, “To akɛlɛ ne nee ɔ ra ne adenle zo, ɔluakɛ akɛlɛ ralɛ nee dehelɛ ralɛ ɛmbɔ nu ɛnli agya.”

Kɛlata mɔɔ bɛhɛlɛle bɛhɔmanle Hibuluma la 4:2

Ɔluakɛ yɛdayɛ noko yɛde Edwɛkpa ne, kɛmɔ bɛdele la. Bɛdele edwɛkɛ ne, na kɛmɔ bɛanlie bɛanli la ati, yeanyɛ nvasoɛ yeammaa bɛ.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”