Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:16 - BAEBOLO ANZƐƐ BULUKU NWUANZANWUANZA

¹⁶ Nyamenle bɔle ɛwɔkɛ ne manle Ebileham nee ye anlɔnra. Nyamenle Edwɛkɛ ne ɛnga kɛ “ye nlɔnra,” mɔɔ kile kɛ nlɔnra ne mɔ zonle a. Ɔse “ye anlɔnra,” mɔɔ kile anlɔnra kokye, na anlɔnra ɛhye, yemɔ a le Kelaese.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:3

Mebayila bɛdabɛ mɔɔ bɛyila wɔ la, Na meamaa munzule ado mɔɔ kɛzuzu munzule kɛmaa wɔ la; Na ɔlua ɛ nwo zo nyilalɛ aha maanle maanle kɔsɔɔti mɔɔ wɔ ewiade la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:7

Akee Ɛdɛnkɛma yele ɔ nwo hilele Ebilam, na ɔzele ye kɛ, “Mebava azɛlɛ ɛhye meamaa ɛ bo zo amra.” Yemɔti Ebilam zile azukponle wɔ ɛkɛ ne manle Ɛdɛnkɛma, mɔɔ ɛye ɔ nwo ɛhile ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:5

Akee Ɛdɛnkɛma vale ye vindele na ɔzele ye kɛ, “To ɛ nye anwomanyunlu na nea saa ɛkɛhola nwɔlɔra ne mɔ tia a. Zɔhane ala yɛɛ ɛ bo zo amra bayɛ a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:12

Na Nyamenle zele Ebileham kɛ, “Mmadwenle ɛ ra nrenya ne nee wɔ akɛlɛ raalɛ ne anwo. Di edwɛkɛ biala mɔɔ Sɛla ɛha ɛhile wɔ la azo, ɔluakɛ ɛ bo zo amra vi Ayezeke anu a bara a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Edwɛkpa ne kɛmɔ Mateyu hɛlɛle la 1:1

Gyisɛse Kelaese abusua ɛlɔnwɔne ne ɛne. Gyisɛse le Devidi angabɛnzo yɛɛ Devidi le Ebileham alɔnra.

Edwɛkpa ne kɛmɔ Luku hɛlɛle la 1:55

Ɔ rɛle anvi kɛ ɔkɛze Ebileham nee ɔ bo zo amra anwunvɔne kɔkpula mekɛ mɔɔ ɛnlɛ awieleɛ.”

Ɛzoanvolɛma Gyima ne 3:25

Nyamenle ɛwɔkɛ ne mɔɔ ɔluale ye kpɔmanvolɛma anwo zo ɔbɔle la le bɛ ɛdeɛ, yɛɛ ngyekyeleɛ ne mɔɔ Nyamenle nee bɛ nlenya mɔ kyekyele la, bɛwɔ nu bie, ɔluakɛ ɔhanle ɔhilele Ebileham kɛ, ‘Ɛ bo zo amra anwo zo yɛɛ mebalua meayila maanle maanle kɔsɔɔti a.’

Wulo 12:5

zɔhane ala yɛɛ saa yɛzonle bɔbɔ a yɛ muala yɛbɔ nu a yɛle sonlabaka ko wɔ Kelaese anu, na yɛsosɔ yɛ nwo ngoko kɛ sonlabaka nvɛyeba ne mɔ sosɔ bɛ nwo la a.

Wulo 4:13

Nyamenle bɔle Ebileham ɛwɔkɛ kɛ azɛlɛ ne bayɛ ye nee ɔ bo zo amra ɛdeɛ. Nyamenle bɔle ɛwɔkɛ ɛhye, tɛ kɛ Ebileham lile mɛla ne azo la ati ɔ, na ɔliele Nyamenle ɔlile, na ɔlua zolɛ Nyamenle manle ɔzɔle ɔ nye.

Wulo 4:16

Ɛwɔkɛ ne gyi diedi zo, amaa yɛanyɛ Nyamenle ɛlolɛ ahyɛlɛdeɛ yeammaa bɛdabɛ mɔɔ bɛdi Mosisi mɛla ne azo la angome, na yeayɛ ɛlolɛ mɔɔ ka Ebileham abo zo amra amuala mɔɔ lɛ diedi kɛ ɔdaye Ebileham la. Ɔluakɛ Ebileham le yɛ muala yɛ ze wɔ sunsum nu.

Wulo 9:4

Bɛle Yizilayɛma mɔɔ le Nyamenle ɔdaye ye menli mɔɔ yeyɛ bɛ ɔ mra, yeye ye anyunlunyia yehile bɛ, ɔ nee bɛ ɛyɛ ngyekyeleɛ, na yeva ye mɛla yemaa bɛ a; bɛlɛ nɔhalɛ ɛzonlenlɛ kpalɛ ne; bɛnyia Nyamenle ɛwɔkɛ ne.

1 Kɔl 12:12

Kɛmɔ sonlabaka ne le ko na ye nvɛyeba ne mɔ zonle, na biala le ngakyile la, zɔhane ala yɛɛ Kelaese de a.

1 Kɔl 12:27

Kelaese sonlabaka ne a le bɛ muala, yɛɛ bɛ nuhua ko biala le ye nvɛyeba ne mɔ bie.

2 Kɔl 11:22

Saa bɛle Hibuluma a, medame mele Hibulunli. Saa bɛle Yizilayɛma a, medame mele Yizilayɛnli. Saa bɛle Ebileham nlɔnra a, medame mele Ebileham anlɔnra.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:19

Saa ɔle zɛhae a ɛnee mɛla ne kpɔkɛ mɔɔ gyi zolɛ la a le boni? Nyamenle vale mɛla ne manle, amaa sonla anwu ɛtane deɛ holɛ. Mɛla ne hilehilele yɛ ekyii hɔdwule kɛ Ebileham anlɔnra ne mɔɔ yemɔti bɛbɔle ɛwɔkɛ ne la rale la. Nyamenle manle ye soanvolɛma a vale mɛla ne luale sonla nwo zo rale a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:8

Nyamenle Edwɛkɛ ne se, “Nyamenle balua bɛdabɛ mɔɔ bɛnle Dwuuma la diedi zo yeamaa bɛazɔ ɔ nye.” Ɛhye kile kɛ Nyamenle Edwɛkɛ ne lumuale nwunle ye, na ɔbɔle Edwɛkpa ne nolo ɔhilele Ebileham kɛ, “Ɛ nwo zo yɛɛ Nyamenle balua ayila maanle maanle kɔsɔɔti a.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:32

Nɔhalɛ kpole bie mɔɔ vea la wɔ Nyamenle Edwɛkɛ ɛhye anu, na mete ɔ bo kɛ ɔfane Kelaese nee asɔne ne anwo.

Kɔlɔ 2:19

Menli zɔhane mɔ ɛkpo kɛ bɛnrɛdoa Kelaese mɔɔ le Asɔne ne ati la. Kelaese a le Asɔne ne, mɔɔ le ye sonlabaka ne. Ɔdi ye adane, ɔkuohua ye ɔmaa ɔnyi, kɛmɔ Nyamenle kpondɛ ye ala la.

Kɔlɔ 3:11

Zɔhane ati, ansolo bɛdabɛ mɔɔ bɛnle Dwuuma la nee Dwuuma, ansolo menli mɔɔ bɛyɛ bɛ mrenyanu nzonlɛ nee bɛdabɛ mɔɔ bɛtɛyɛle bɛ bie la, ansolo nyɛvolɛ, ansolo menli mɔɔ anye ɛtɛtele, ansolo ahanra, yɛɛ ansolo alehelɛ. Kelaese a le ninyɛne kpokpoti a. Kelaese wɔ ye kpokpoti anu.