Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9 - BAEBOLO ANZƐƐ BULUKU NWUANZANWUANZA

⁹ Gyemise, Pita, yɛɛ Dwɔn mɔɔ diedima ne bu bɛ kɛ bɛle mgbanyima la liele dole nu kɛ, nɔhalɛ, mame a Nyamenle ɛva ɛlolɛ gyima ɛhye ɛwula me sa nu a. Yemɔti bɛzomanle me nee Banabase, bɛyɛle yɛ mo nee yɛ, bɛhilele kɛ bɛlie yɛ bɛdo nu. Akee yɛ muala yɛliele yɛdole nu kɛ yɛmɛ yɛhɔbɔ nolo ne wɔ bɛdabɛ mɔɔ bɛnle Dwuuma la anu na bɛdabɛ noko bɛhɔ Dwuuma anu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9 ပူးပေါင်းရင်းမြစ်များ

2 Arl 10:15

Gyihu zile nu bieko kɛ ɔkɔ. Ɔlua adenle zo la Rilikabe ara Dwɔnadabe rayiale ye. Gyihu bizale ye ahye na ɔzele ye kɛ, “Wɔmɔ, yɛ mu nwiɔ yɛ adwenle le ko. Ɛkɛgyinla me nzi ɔ?” Dwɔnadabe buale kɛ, “Ɛhɛe, megyi ɛ nzi.” Gyihu zele ye kɛ, “Saa ɔle zɔ a ɛnee soma me sa nu ɛ!” Bɛzomanle bɛ sa nu na Gyihu manle ɔravole ye ehwili ne anu.

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Edwɛkpa ne kɛmɔ Luku hɛlɛle la 22:8

Gyisɛse zoanle Pita nee Dwɔn kɛ, “Bɛhɔ bɛhɔziezie yɛ Akpabɛnwo Ɛvoyia aleɛ ne bɛmaa yɛli.”

Dw 1:42

Na ɔ nee Saemɔn bɛrale Gyisɛse ɛkɛ. Gyisɛse nleanle Pita koonwu na ɔzele ye kɛ, “Wɔmɔ a ɛle Saemɔn, mɔɔ le Dwɔn ara ne. Bɛbavɛlɛ wɔ Sifase.” (“Sifase” yemɔ ala a le “Pita” na ɔ bo a le “Bodane”.)

Ɛzoanvolɛma Gyima ne 12:17

Ɔmanle ɔ sa zo kɛ bɛyɛ koonwu, na ɔhanle kɛ Awulae zile yele ye wɔ efiade ne la ɔhilele bɛ. Ɔzele bɛ kɛ, “Bɛha bɛhile Gyemise nee mediema mɔɔ ɛha la amuala,” na ɔvindele ɔhɔle.

Ɛzoanvolɛma Gyima ne 15:13

Mɔɔ bɛ nloa penle la, Gyemise dendɛle na ɔzele kɛ, “Mediema, bɛdie me.

Ɛzoanvolɛma Gyima ne 15:7

Na bɛhehanle nwolɛ bie dedee la, Pita dwazole na ɔzele bɛ kɛ, “Ayi mɔ, bɛze kɛ mekɛ bie mɔɔ ɛraze ɛhɔ la, Nyamenle yele me bɛ avinli manle mengɔmbɔle Edwɛkpa ne nolo mengilele bɛdabɛ mɔɔ bɛnle Dwuuma la, amaa bɛdabɛ noko bɛade edwɛkɛ ne na bɛalie bɛali.

Ɛzoanvolɛma Gyima ne 4:36

Zɔhane ala yɛɛ Dwosefi ɔdaye noko ɔyɛle a. Nrenya ɛhye boka Livae abusua ne anwo. Bɛwole ye wɔ bɔra ne mɔɔ bɛfɛlɛ ye Saepelɛse la azo na ɛzoanvolɛma ne donle ye Baanabase. (Wɔ Hibulu aneɛ ne anu a duma ne abo a le “Sonla mɔɔ maa akɛnrasesebɛ la.”)

Wulo 1:5

Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.

Wulo 12:3

Melua Nyamenle ɛlolɛ ahyɛlɛdeɛ ne mɔɔ yeva yemaa me la azo mese bɛ muala kɛ bɛmmamemaa bɛ nwo zo. Bɛdwenle kpalɛ na bɛbua bɛ nwo ndɛne ngoko wɔ diedi dodo mɔɔ Nyamenle ɛva ɛmaa bɛ la anu.

Wulo 15:15

Noko wɔ kɛlata ɛhye anu, mezi me kɛnra meha ninyɛne bie anwo edwɛkɛ mehakye bɛ adwenle wɔ nwolɛ. Menyɛle ye zɔhane, ɔlua gyinlabelɛ mɔɔ Nyamenle ɛva me ɛzie la ati,

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

2 Kɔl 11:5

Menlie menli kɛ bɛ “ɛzoanvolɛma kpalɛ” ne mɔ tɛla me.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

2 Kɔl 8:4

bɛtinlinle zo bɛkpale yɛ kyɛlɛ kɛ yɛmaa bɛ adenle yɛmaa bɛboa Nyamenle menli ne mɔɔ wɔ ɛhyianlɛ nu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:16

ɔyele ɔ ra ne ɔhilele me kɛ akee menga Edwɛkpa ne mɔɔ fane Kelaese anwo mengile bɛdabɛ mɔɔ bɛnle Dwuuma la amuala mɔɔ ɛtɛtele la, meangɔmbiza sonla biala adwenle,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:18

Ɛvolɛ nsa anzi yɛɛ akee mengɔle Gyɛlusalɛm mengɔnlile dapɛne nwiɔ mengɔmkpɔlale Pita a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:1

Ɛvolɛ bulu nee nna pɛle nu la me nee Banabase yɛhɔle Gyɛlusalɛm bieko. Menvale Taetɛse membokale yɛ nwo yɛhɔle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:2

Mengɔle, ɔluakɛ ɛnee Nyamenle ɛye ɛhile me kɛ ɔwɔ kɛ mekɔ. Mengɔndwule la me nee mgbanyima ne mɔ yiale nu ahane na mengilehilele Edwɛkpa ne mɔɔ mebɔ ye nolo mekile bɛdabɛ mɔɔ bɛnle Dwuuma la anu mengilele bɛ, amaa gyima ɛhye mɔɔ melɛyɛ nee mɔɔ meyɛ ye dɛba la anyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:3

Saa awie bu ɔ nwo noko ɔndo ɛhwee a, ɛnee ɔlɛbɛlɛbɛla ɔ nwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:20

Bɛdabɛ noko a bɛle sua mɔɔ bɛlɛsi ye wɔ ɛzoanvolɛma nee Nyamenle kpɔmanvolɛma adiabo ne mɔɔ bɛwula la azo a, na Kelaese ɔdaye mumua ne a ɔle sua ne mgbɛnezo sika ne mɔɔ hyia kpole kpalɛ la a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Kɔlɔ 1:29

Na ɛhye yɛɛ melɛ anwosesebɛ kpole ne mɔɔ Kelaese fa maa na ɔyɛ gyima ɛsesebɛ wɔ me nu la mepele meyɛ a.

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

Yekile 3:12

Sonla mɔɔ kɛli konim la, mebayɛ ye me Nyamenle Ɛzonlenlɛ Sua nu sika, na yeadɛnla ɛkɛ ne dahuu. Mebahɛlɛ me Nyamenle ne duma nee me Nyamenle ne suakpole ne, mɔɔ le Gyɛlusalɛm fofolɛ ne, mɔɔ vi me Nyamenle ne ɛkɛ ne wɔ anwuma bara la duma wɔ ɔ nwo. Eza mebahɛlɛ me duma fofolɛ ne ɔ nwo.