Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:11 - BAEBOLO ANZƐƐ BULUKU NWUANZANWUANZA

¹¹ Na mɔɔ Pita rale Anteɔko la, ɔmanle mendwile ɔ nyunlu, ɔluakɛ ɛnee mɔɔ ɔlɛyɛ la ɛnle kpalɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:11 ပူးပေါင်းရင်းမြစ်များ

Gyɛlɛmaya Buluku ne 1:17

Na wɔmɔ, Gyɛlɛmaya, bɛza; dwazo na kɔha edwɛkɛ biala mɔɔ melɛfa meazoa wɔ la kile bɛ. Mmasulo bɛ anrɛɛ menwɔmaa ɛkɛyɛ anwunvɔne wɔ bɛ nyunlu na ɛkɛzulo bɛ kpalɛ.

Dwona Buluku ne 1:3

Noko Dwona dwazole la ɔyɛle ye adwenle kɛ ɔnriandi Nyamenle yeahɔ Sepeen. Yemɔti ɔhɔle Dwɔpa na ɔnyianle meli bie mɔɔ ɛlɛkɔ Sepeen la. Ɔduale ye ɛlɛne kakɛ ne na ɔhɔvole meli ne anu kɛ ɔ nee menli mɔɔ wɔ meli ne anu la kɔ Sepeen, yeaye ɔ nwo wɔ Ɛdɛnkɛma anye zo.

Dwona Buluku ne 4:9

Nyamenle bizale Dwona kɛ, “Asoo ɛya kpalɛ a baka ye mɔɔ ɛwu la ati wɔva la?” Dwona buale kɛ, “Saa menwule bɔbɔ a anrɛɛ mewu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:12

Na Ɛdɛnkɛma zele Mosisi nee Aalɔn kɛ, “Kɛmɔ bɛanlie me bɛanli, bɛammaa Yizilayɛma annwu me kpoleyɛlɛ ne bɛdabɛ bɛ nye zo la, bɛnrɛli menli ɛhye mɔ ati bɛ nee bɛ ɛnrɛdwu azɛlɛ ne mɔɔ meva memaa bɛ la azo.”

Edwɛkpa ne kɛmɔ Mateyu hɛlɛle la 16:23

Gyisɛse hakyile ɔ nye na ɔzele Pita kɛ, “Seetan, se di me nzi nehae! Ɛndu folɛ kpalɛ. Wɔ adwenle ne le sonla adwenle. Ɔnvi Nyamenle ɛkɛ.”

Dw 1:42

Na ɔ nee Saemɔn bɛrale Gyisɛse ɛkɛ. Gyisɛse nleanle Pita koonwu na ɔzele ye kɛ, “Wɔmɔ a ɛle Saemɔn, mɔɔ le Dwɔn ara ne. Bɛbavɛlɛ wɔ Sifase.” (“Sifase” yemɔ ala a le “Pita” na ɔ bo a le “Bodane”.)

Ɛzoanvolɛma Gyima ne 11:19

Sitivin ɛhunlɛ ne anzi, kpɔdekpɔde mɔɔ bɛyɛle diedima ne la manle bɛbɔle asande, bie mɔ hɔvindele Fonehyea, Saepelɛse nee Anteɔko bɛhɔhanle Edwɛkpa ne bɛhilele Dwuuma mɔɔ wɔ lɔ la ala.

Ɛzoanvolɛma Gyima ne 11:20

Diedima ne bie mɔ mɔɔ vi Saepelɛse nee Saelin la noko hɔhanle Edwɛkpa ne wɔ Anteɔko hilele bɛdabɛ mɔɔ bɛnle Dwuuma la.

Ɛzoanvolɛma Gyima ne 11:22

Gyɛlusalɛm asɔne ne dele ɛhye, na bɛzoanle Baanabase wɔ Anteɔko.

Ɛzoanvolɛma Gyima ne 11:27

Mekɛ ne anu ala Nyamenle kpɔmanvolɛma bie vi Gyɛlusalɛm rale Anteɔko.

Ɛzoanvolɛma Gyima ne 15:1

Menli bie vi Dwudiya rale Anteɔko na bɛbɔle ɔ bo kɛ bɛkilehile diedima ne kɛ, “Saa bɛanyɛ bɛ mrenyanu nzonlɛ, kɛmɔ Mosisi mɛla ne kile la a bɛnrɛnyia ngoane.”

Ɛzoanvolɛma Gyima ne 15:5

Na diedima ne bie mɔ mɔɔ boka Falasii fane ne anwo la dwazole na bɛhanle kɛ, “Ɔwɔ kɛ bɛdabɛ mɔɔ bɛnle Dwuuma la yɛ bɛ mrenyanu nzonlɛ na eza bɛdi Mosisi mɛla ne azo.”

2 Kɔl 11:5

Menlie menli kɛ bɛ “ɛzoanvolɛma kpalɛ” ne mɔ tɛla me.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:18

Ɛvolɛ nsa anzi yɛɛ akee mengɔle Gyɛlusalɛm mengɔnlile dapɛne nwiɔ mengɔmkpɔlale Pita a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:14

Na menwunle kɛ bɛnlua nɔhalɛ adenle ne azo, kɛmɔ Edwɛkpa ne kile la, menzele Pita wɔ bɛ kɔsɔɔti bɛ nyunlu ɛkɛ ne kɛ, “Ɛle Dwuunli, noko wɔ ɛbɛla ne ɛngile kɛ ɛle Dwuunli. Na duzu ati a akee ɛkpondɛ kɛ bɛmɛ mɔɔ bɛnle Dwuuma la bɛkakyi bɛyɛ Dwuuma mgbemgbene nu ɛ?”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:5

na yɛammaa bɛ adenle fee, amaa yɛazie nɔhalɛ ne mɔɔ fane Edwɛkpa ne anwo, kɛmɔ kɛkala ɔde la gyɛlɛɛnye yɛamaa bɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:7

Mɔɔ bɛnwunle ye la a le kɛ amgba Nyamenle ɛva ye Edwɛkpa ne ɛwula me nloa na yezoa me kɛ membɔ ye nolo mengile bɛdabɛ mɔɔ bɛnle Dwuuma la, kɛmɔ yeva yewula Pita anloa kɛ ɔbɔ ye nolo ɔhile Dwuuma la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9

Gyemise, Pita, yɛɛ Dwɔn mɔɔ diedima ne bu bɛ kɛ bɛle mgbanyima la liele dole nu kɛ, nɔhalɛ, mame a Nyamenle ɛva ɛlolɛ gyima ɛhye ɛwula me sa nu a. Yemɔti bɛzomanle me nee Banabase, bɛyɛle yɛ mo nee yɛ, bɛhilele kɛ bɛlie yɛ bɛdo nu. Akee yɛ muala yɛliele yɛdole nu kɛ yɛmɛ yɛhɔbɔ nolo ne wɔ bɛdabɛ mɔɔ bɛnle Dwuuma la anu na bɛdabɛ noko bɛhɔ Dwuuma anu.

1 Tem 5:20

Twi bɛdabɛ mɔɔ ɛtane ala a bɛyɛ la anyunlu wɔ bagua nu, amaa menli mɔɔ ɛha la azulo.

Gyemise Kɛlata ne 3:2

Yɛ muala yɛfo wɔ ninyɛne dɔɔnwo anu. Sonla mɔɔ ɛnvo wɔ ye edwɛkɛ ɛhanlɛ nu la di munli na ɔkola ɔsɔ ɔ nwo.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.