Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:1 - BAEBOLO ANZƐƐ BULUKU NWUANZANWUANZA

¹ Ɛvolɛ bulu nee nna pɛle nu la me nee Banabase yɛhɔle Gyɛlusalɛm bieko. Menvale Taetɛse membokale yɛ nwo yɛhɔle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:1 ပူးပေါင်းရင်းမြစ်များ

Ɛzoanvolɛma Gyima ne 11:25

Baanabase akee hɔle Taasɛse kɛ ɔkakpondɛ Sɔɔlo.

Ɛzoanvolɛma Gyima ne 11:30

Bɛyɛle ɛhye na bɛvale mɔɔ bɛnyianle ye la bɛmanle Baanabase nee Sɔɔlo hɔmanle mgbanyima ne mɔ wɔ Gyɛlusalɛm.

Ɛzoanvolɛma Gyima ne 12:25

Baanabase nee Sɔɔlo wiele bɛ gyima ne di la, bɛvi Gyɛlusalɛm bɛhɔle, na bɛvale Dwɔn Maake bɛbokale bɛ nwo.

Ɛzoanvolɛma Gyima ne 13:2

Mɔɔ ɛnee bɛlɛyɛ nzɛlɛlɛ na bɛlɛkye ɛhɔne la, Sunsum Nwuanzanwuanza ne zele bɛ kɛ, “Bɛdu Baanabase nee Sɔɔlo bɛzie ahane bɛmaa me na memaa bɛhɔyɛ gyima mɔɔ yemɔti menvɛlɛle bɛ la.”

Ɛzoanvolɛma Gyima ne 13:50

Na Dwuuma ne lile mgbanyima mɔɔ wɔ suakpole ne azo nee mraalɛ mgbanyinli mɔɔ gyi boɛ na bɛsulo Nyamenle na bɛnle Dwuuma la anzo. Bɛmanle bɛbɔle ɔ bo bɛyɛle Pɔɔlo nee Baanabase kpɔdekpɔde toonwo bɛdule bɛ maanzinli ne anu.

Ɛzoanvolɛma Gyima ne 14:12

Na bɛvɛlɛle Baanabase, Ziyɛse, na bɛvɛlɛle Pɔɔlo, Hɛmɛse, ɔluakɛ bɛse Pɔɔlo a tendɛ maa bɛ a.

Ɛzoanvolɛma Gyima ne 15:25

Zɔhane ati yɛyia nu yɛbɔ kpɔkɛ na yɛdu menli kɛ bɛ nee Pɔɔlo nee Baanabase, mɔɔ ɛva bɛ ngoane ɛdo nzeleba wɔ yɛ Awulae Gyisɛse ɛzonlenlɛ ti la ɛrɛla.

1 Kɔl 9:6

Anzɛɛ me nee Banabase yɛ mu nwiɔ ala yɛɛ ɔwɔ kɛ yɛpele na yɛali a?

2 Kɔl 2:13

Noko me nwo andɛ me kpalɛ biala, ɔluakɛ meannwu me diema Taetɛse wɔ ɛkɛ. Yemɔti me nee ɛkɛ ne amra lile nrɛlaleɛ na mendoale zolɛ mengɔle Masidonea.

2 Kɔl 8:16

Yɛyɛ Nyamenle mo somaa kɛ yemaa Taetɛse noko ɛnyia ɛhulolɛ kɛ yɛdayɛ la, kɛ ɔba yearaboa bɛ a.

2 Kɔl 8:23

Taetɛse ɛdeɛ, ɔle me gɔnwo mɔɔ yɛbɔ nu yɛyɛ gyima yɛboa bɛ a; mediema mɔɔ nee ye ɛlɛba la gyigyi asɔne ne mɔ agyakɛ anu, yɛɛ bɛte Kelaese anyunlu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:18

Ɛvolɛ nsa anzi yɛɛ akee mengɔle Gyɛlusalɛm mengɔnlile dapɛne nwiɔ mengɔmkpɔlale Pita a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:13

Mediema Dwuuma mɔɔ ɔradole bɛ la, bɛdabɛ noko bɛyɛle bɛ nwo avoanvoanle kɛ Pita la, bɛmanle Banabase bɔbɔ ɔdaye ɔbɔle bɛ foanvoanle ɛbɛla ɛhye bie.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:3

Na Taetɛse bɔbɔ mɔɔ le Gilikinli na ɔ nee yɛ a hɔle la, bɛanga kɛ ɔyɛ ye mrenyanu nzonlɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9

Gyemise, Pita, yɛɛ Dwɔn mɔɔ diedima ne bu bɛ kɛ bɛle mgbanyima la liele dole nu kɛ, nɔhalɛ, mame a Nyamenle ɛva ɛlolɛ gyima ɛhye ɛwula me sa nu a. Yemɔti bɛzomanle me nee Banabase, bɛyɛle yɛ mo nee yɛ, bɛhilele kɛ bɛlie yɛ bɛdo nu. Akee yɛ muala yɛliele yɛdole nu kɛ yɛmɛ yɛhɔbɔ nolo ne wɔ bɛdabɛ mɔɔ bɛnle Dwuuma la anu na bɛdabɛ noko bɛhɔ Dwuuma anu.

Kɔlɔ 4:10

Alesetaakɛse mɔɔ nee me a la efiade ye la yɛɛ Maake mɔɔ le Baanabase adiema ne biza bɛ ahye. (Memaa bɛde ye dɛba kɛ saa bɛnwu Maake a bɛlie ye gyɛlɛɛnye.)

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:4

Melɛkɛlɛ wɔ, Taetɛse, mɔɔ ɛle me ra kpalɛ la wɔ diedi ne mɔɔ yɛlɛ nu la ati. Egya Nyamenle nee Kelaese Gyisɛse, yɛ Ngoanedievolɛ ne ɛlo wɔ na ɔmaa wɔ anzonudwolɛ.