Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:6 - BAEBOLO ANZƐƐ BULUKU NWUANZANWUANZA

⁶ Ɔyɛ me azibɛnwo kɛ kɛkala angome bɛlɛnriandi bɛavi Nyamenle ne mɔɔ ɔlua Gyisɛse Kelaese ati yelo bɛ na yevɛlɛ bɛ la anwo bɛahɔli edwɛkpa fofolɛ nzi a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:6 ပူးပေါင်းရင်းမြစ်များ

Edwɛndolɛ Buluku ne 106:13

Noko yeangyɛ biala yɛɛ bɛ rɛle vile ye gyima ne mɔ a; bɛangendɛ bɛandie ye folɛdulɛ.

Ayezaya Buluku ne 29:13

Awulae zele kɛ, “Kɛmɔ menli ɛhye mɔ fa bɛ nloa mgbane a twe bikye me, bɛdi me eni na bɛ ahonle ɛmbikye me, yɛɛ bɛ ɛzulolɛ mɔɔ bɛsulo me la le menli mɛla mɔɔ ɛli la azolilɛ, na bɛzukoa bɛgua bɛ ti anu ala la,

Edwɛkpa ne kɛmɔ Maake hɛlɛle la 6:6

Na ɔyɛle ye azibɛnwo kpole kɛ menli ne ɛnlɛ diedi a. Akee Gyisɛse hɔkpɔsale namunamu ne mɔ mɔɔ zuozua ɛkɛ ne la azo hilehilele menli ne.

Dw 9:30

Nrenya ne buale kɛ, “Edwɛkɛ ɛzulolɛ kpalɛ! Bɛnze ɛleka mɔɔ ɔvi a, noko yehola yedukue me nye.

Ɛzoanvolɛma Gyima ne 15:11

Kyɛkyɛ! Kɛmɔ yɛdie yɛdi na ɔlua Awulae Gyisɛse ɛlolɛ zo bɛbalie yɛ ngoane la, zɔhane ala yɛɛ bɛdabɛ noko bɛ ɛdeɛ ne de a.”

Wulo 10:3

Ɔluakɛ bɛgyakyi fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la, na bɛpele bɛva bɛ ngome bɛ fɔɔnwoyɛlɛ adenle ɛdeɛ zo; bɛanva nɔhalɛ fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la azo.

Wulo 5:2

Gyisɛse lua yɛ diedi zo ɛva yɛ ɛra Nyamenle ɛlolɛ ne mɔɔ ɛnɛ yɛde nu la abo. Yemɔti yɛdi fɛlɛko anyelazo nu kɛ yɛbanyia Nyamenle anyunlunyia ne.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

Wulo 8:30

Yemɔti bɛdabɛ mɔɔ Nyamenle ɛkpa nu ɛye bɛ la yɛɛ ɔfɛlɛ bɛ na ɔdielie bɛ ɔmaa bɛsɔ ɔ nye, na ɔ nee bɛ tɛnla anyunlunyia nu a.

1 Kɔl 4:15

Saa Kelaese ati bɛlɛ adanedivolɛma apenle bulu bɔbɔ a, bɛnwu ye kɛ bɛ ze kokye. Ɔlua Edwɛkpa ne mɔɔ menvale membɛlɛle bɛ la ati, merayɛ bɛ ze wɔ Kelaese ati.

2 Kɔl 11:4

Ɔluakɛ bɛ nye die awie biala mɔɔ ba bɛ nwo nehane na ɔbabɔ Gyisɛse fofolɛ bie, mɔɔ tɛ yemɔ a ɔle Gyisɛse ne mɔɔ yɛbɔle ye nolo yɛhilele bɛ la anwo edwɛkɛ la anwo. Eza bɛdie sunsum nee edwɛkpa bie mɔɔ asolo bɛ na tɛ Nyamenle Sunsum ne nee Kelaese anwo Edwɛkpa ne mɔɔ bɛnyianle ye bɛvile yɛ lɔ la bɛto nu.

2 Kɔl 2:17

Yɛmɛ, yɛnle kɛ menli mɔɔ fa Nyamenle edwɛkɛ ne si kongo la, ɔboalekɛ Nyamenle a ɛzoa yɛ a, yɛɛ yɛgyinla ɔ nyunlu yɛtendɛ kɛ Kelaese sonvolɛma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:11

Ayi mɔ, mekakye bɛ adwenle kɛ Edwɛkpa ne mɔɔ mebɔ ye nolo la ɛnvi sonla ɛkɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:15

Na amuanrɛɛ wɔ ɛhye mɔ amuala anu, ɛnee Nyamenle ɛye me ɛzie ɛkɛ dɛba ɛmaa ɔ nwo, bɔbɔ kolaa na bɛawo me, yɛɛ akee yelua ye ɛlolɛ zo yevɛlɛ me kɛ mendoa ɔ bo zo na menyɛ ye gyima a. Yemɔti mɔɔ mekɛ ne dwule na ɔbɔle kpɔkɛ

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:7

Nɔhalɛ, Edwɛkpa fofolɛ bieko ɛnle ɛkɛ mɔɔ vi Nyamenle ɛkɛ, kɛ mɔɔ meha mehile bɛ la ala. Menwu kɛ awie mɔ ɛlɛgyegye bɛ azɛkye bɛ adwenle, na bɛahakyi Edwɛkpa ne mɔɔ fane Kelaese anwo la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:14

Na menwunle kɛ bɛnlua nɔhalɛ adenle ne azo, kɛmɔ Edwɛkpa ne kile la, menzele Pita wɔ bɛ kɔsɔɔti bɛ nyunlu ɛkɛ ne kɛ, “Ɛle Dwuunli, noko wɔ ɛbɛla ne ɛngile kɛ ɛle Dwuunli. Na duzu ati a akee ɛkpondɛ kɛ bɛmɛ mɔɔ bɛnle Dwuuma la bɛkakyi bɛyɛ Dwuuma mgbemgbene nu ɛ?”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:2

Mengɔle, ɔluakɛ ɛnee Nyamenle ɛye ɛhile me kɛ ɔwɔ kɛ mekɔ. Mengɔndwule la me nee mgbanyima ne mɔ yiale nu ahane na mengilehilele Edwɛkpa ne mɔɔ mebɔ ye nolo mekile bɛdabɛ mɔɔ bɛnle Dwuuma la anu mengilele bɛ, amaa gyima ɛhye mɔɔ melɛyɛ nee mɔɔ meyɛ ye dɛba la anyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:5

na yɛammaa bɛ adenle fee, amaa yɛazie nɔhalɛ ne mɔɔ fane Edwɛkpa ne anwo, kɛmɔ kɛkala ɔde la gyɛlɛɛnye yɛamaa bɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:7

Mɔɔ bɛnwunle ye la a le kɛ amgba Nyamenle ɛva ye Edwɛkpa ne ɛwula me nloa na yezoa me kɛ membɔ ye nolo mengile bɛdabɛ mɔɔ bɛnle Dwuuma la, kɛmɔ yeva yewula Pita anloa kɛ ɔbɔ ye nolo ɔhile Dwuuma la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:14

Ɔluakɛ mɛla ne amuala, bɛbɔ ye kpɔkɛ ko bɛmaa yɛ kɛ, “Kulo ɛ gɔnwo kɛ ɛdawɔ mumua ne ɛ nwo.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:4

Bɛdabɛ mɔɔ bɛdwenle kɛ bɛdi mɛla ne azo a bɛkɛzɔ Nyamenle anye la ɛhwe bɛ nwo ɛvi Kelaese anwo, na bɛnrɛnyia Nyamenle ɛlolɛ ne bie.

2 Tɛs 2:14

Nyamenle luale Edwɛkpa ne mɔɔ yɛhanle yɛhilele bɛ la azo a vɛlɛle bɛ a, amaa bɛanyia Awulae Gyisɛse Kelaese anyunlunyia ne bie.

1 Tem 1:14

Awulae noko lole me totohyia, na ɔmanle me diedi nee ɛhulolɛ mɔɔ le yɛ ɛdeɛ la wɔ Kelaese Gyisɛse ati.

1 Tem 1:3

Mekpondɛ kɛ ɛtɛnla Ɛfɛsɛse, kɛmɔ mesia meahɔ Masidonea mɔɔ menganle mengilele wɔ la. Menli bie wɔ ɛkɛ ne ɛlɛkilehile ngilehilelɛ mɔɔ ɛnle nɔhalɛ a, na tua bɛ.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

2 Tem 2:1

Me ra, wɔmɔ maa ɛ nwo ɛyɛ se wɔ ɛlolɛ ne mɔɔ Kelaese Gyisɛse ati ɔle yɛ ɛdeɛ la anu.

1 Pit 1:15

Nyamenle ne mɔɔ ɛvɛlɛ bɛ la anwo te, yemɔti bɛmaa bɛ nwo ɛde wɔ nyɛleɛ biala anu.

2 Pit 1:3

Nyamenle tumi kpole ne ɛmaa yɛ debie biala mɔɔ yɛhyia nwo wɔ yɛ ɛbɛla kpalɛ ɛbɔlɛ nee yɛ nyamenlezonlenlɛ nu la, ɔluakɛ yɛze mɔɔ ɛvɛlɛ yɛ kɛ yɛ nee ye ɛradɛnla ye anyunlunyia ne nee ye kpalɛyɛlɛ ne anu la.

Yekile 22:21

Awulae Gyisɛse ɛlo Nyamenle menli ne amuala na ɔ nee bɛ ɛdɛnla. Amen.