Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:5 - BAEBOLO ANZƐƐ BULUKU NWUANZANWUANZA

⁵ Anyunlunyia ɛha Nyamenle dahuu! Amen.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:5 ပူးပေါင်းရင်းမြစ်များ

1 Edk 29:13

Yɛ Nyamenle, yɛyɛ wɔ mo, yɛye wɔ duma nwuanzanwuanza ne ayɛlɛ.

Edwɛndolɛ Buluku ne 41:13

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi aloamɔleɛ kɔdwu melɛ mɔɔ ɛnlɛ awieleɛ! Amen! Amen!

Edwɛndolɛ Buluku ne 72:19

Bɛye ye duma nwuanzanwuanza ne ayɛlɛ dahuu; bɛmaa ye anyunlunyia ɛyi ewiade tɛkɛɛ! Amen. Amen!

Ayezaya Buluku ne 24:15

Yemɔti bɛdabɛ mɔɔ bɛwɔ aduduleɛ la, bɛwula Ɛdɛnkɛma anyunlunyia, na bɛdabɛ mɔɔ bɛde ɛnweanloa la ɛye Ɛdɛnkɛma, Yizilayɛ Nyamenle ne ayɛlɛ.

Ayezaya Buluku ne 42:12

Bɛmaa bɛwula Ɛdɛnkɛma anyunlunyia, na bɛbɔ ye ayɛlɛyelɛ ne nolo bɛhile ɛnweanloa amra.

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Wulo 11:36

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

1 Kɔl 8:13

Yemɔti, saa aleɛ zɛhae kɛmaa me diema bie kɛkpo aze a, ɛnee menrɛli aleɛ zɔhane bieko na aloa abɔ, amaa me diema bie anyɛ ɛtane.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:12

Yemɔti bɛmaa yɛdayɛ mɔɔ yɛlumuale yɛnyianle anyelazo wɔ Kelaese anu la yɛye Nyamenle anyunlunyia ne ayɛlɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:20

Anyunlunyia ɛha yɛ Ze Nyamenle ne dahuu! Amen.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

2 Tem 4:18

Na Awulae balie me gyɛlɛɛnye avi munzule muala anu na ɔ nee me ahɔ ye anwuma Belemgbunlililɛ ne abo. Anyunlunyia ɛha ye dahuu! Amen.

Kɛlata mɔɔ bɛhɛlɛle bɛhɔmanle Hibuluma la 13:21

ɛmaa bɛ sa ɛha debie biala mɔɔ le kpalɛ la. Nyamenle ɛmaa bɛhola bɛyɛ mɔɔ ɔkulo la, na ɔlua Gyisɛse Kelaese anwo zo ɔva bɛ ɔyɛ gyima mɔɔ sɔ ɔ nye la. Anyunlunyia ɛha Kelaese dahuu! Amen.

1 Pit 5:11

Nyamenle ɛhye yɛɛ tumi ne le ye ɛdeɛ dahuu a! Amen.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

Dwuudu Kɛlata ne 1:25

Nyamenle kokye ne mɔɔ le yɛ Ngoanedievolɛ ne, yemɔ yɛɛ anyunlunyia, belemgbunlililɛ, kpoleyɛlɛ, nee tumi ɛlua yɛ Awulae Gyisɛse Kelaese anwo zo ɛyɛ ye ɛdeɛ wɔ ɛnɛ nee mekɛ mɔɔ ɛnlɛ awieleɛ la a! Amen.

Yekile 14:7

Na ɔdeanle nu ɔhanle kɛ, “Bɛzulo Nyamenle, na bɛye ye ayɛlɛ. Ɔluakɛ mekɛ ne ɛdwu mɔɔ ɔbabua aleɛabo amra ndɛne a. Bɛzonle Nyamenle mɔɔ bɔle anwuma, azɛlɛ, nyevile, nee azule muala la.”

Yekile 5:12

na bɛhanle ye kpole kɛ, “Boaneralɛ ne mɔɔ bɛhunle ye la, fɛta tumi, anwonyia, nrɛlɛbɛ nee anwosesebɛ, enililɛ, anyunlunyia nee ayɛlɛyelɛ!”

Yekile 7:12

bɛzele kɛ, “Amen! Ayɛlɛyelɛ, anyunlunyia, nrɛlɛbɛ, moyɛlɛ, enililɛ, tumi nee anwosesebɛ kɔsɔɔti le yɛ Nyamenle ne ɛdeɛ wɔ mekɛ mɔɔ ɛnlɛ awieleɛ! Amen.”