Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:16 - BAEBOLO ANZƐƐ BULUKU NWUANZANWUANZA

¹⁶ ɔyele ɔ ra ne ɔhilele me kɛ akee menga Edwɛkpa ne mɔɔ fane Kelaese anwo mengile bɛdabɛ mɔɔ bɛnle Dwuuma la amuala mɔɔ ɛtɛtele la, meangɔmbiza sonla biala adwenle,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:16 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 16:17

Gyisɛse buale ye kɛ, “Dwɔn ara Saemɔn, nyilalɛ ɛha wɔ. Ɔluakɛ tɛ sonla yɛɛ ɛye nɔhalɛ ɛhye ɛhile wɔ a, na Egya mɔɔ wɔ anwuma la ɔ.

Edwɛkpa ne kɛmɔ Mateyu hɛlɛle la 26:41

Bɛzinza na bɛzɛlɛ amaa bɛangɔndɔ sɔnea nu. Sunsum ne kulo na nwonane ne anwo ɛnyɛ se.”

Ɛzoanvolɛma Gyima ne 22:21

Na Awulae zele me kɛ, ‘Kɔ, mesoa wɔ wɔ maanle zo moa moa wɔ menli mɔɔ ɛnle Dwuuma la avinli.’ ”

Ɛzoanvolɛma Gyima ne 5:42

Yemɔti dahuu bɛhɔle Ɛzonlenlɛ Sua ne anu nee azua nu bɛhilehilele na bɛbɔle Edwɛkpa ne mɔɔ fane Gyisɛse anwo la nolo kɛ yemɔ a ɔle Mɛzaya ne a.

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

Ɛzoanvolɛma Gyima ne 9:20

na ɔhɔle nyianu azua ne mɔ anu ɔhɔbɔle nolo kɛ Gyisɛse, “Yemɔ a ɔle Nyamenle Ara ne a.”

Wulo 1:5

Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.

Wulo 11:13

Akee metendɛ meahile bɛmɛ mɔɔ bɛnle Dwuuma la, kɛ suzuamgba ala mɔɔ mele ɛzoanvolɛ memaa bɛ la, me nye die me gyima nwo kpalɛ,

1 Kɔl 15:50

Mediema, mɔɔ mekpondɛ meaha la a le kɛ, nwonane nee mogya ɛngola ɛnnyia Nyamenle Belemgbunlililɛ ne, yɛɛ debie mɔɔ kpɔlɔ la ɛngola ɛnnyia mɔɔ ɛmkpɔlɔ la.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:1

Ɛvolɛ bulu nee nna pɛle nu la me nee Banabase yɛhɔle Gyɛlusalɛm bieko. Menvale Taetɛse membokale yɛ nwo yɛhɔle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:1

Ɔlua ɛhye ati medame Pɔɔlo, mɔɔ bɛmɛ mɔɔ bɛnle Dwuuma la ati bɛhye me nuokɛ bɛmaa Kelaese Gyisɛse la, mesɛlɛ dahuu memaa bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:12

Ɔluakɛ, tɛ menli a yɛ nee bɛ ɛlɛko a; sunsum nu tumivolɛma, ewiade arelemgbunli anzɛɛ maanlebuvoma, ewiade amra mɔɔ sie ɛnɛ mekɛ ye awozinli nu amra, yɛɛ sunsum nu anwuma ɛlɔnema amumuyɛ yɛɛ yɛ nee bɛ ɛlɛko a.

Mɛla 33:9

Bɛkpole bɛ ze mɔ nee bɛ nli mɔ, bɛzele bɛ kɛ bɛnze bɛ; bɛkpole mediema nee mralɛ, ɔluakɛ bɛlile wɔ mɛla zo, na bɛlile wɔ ngyekyeleɛ ne azo.

1 Tɛs 2:16

Bɛbɔle mɔdenle kɛ bɛtua yɛ mɔɔ yɛnga Edwɛkpa ne yɛngile bɛdabɛ mɔɔ bɛnle Dwuuma la, amaa bɛtie a bɛanyia ngoane. Bɛyɛle ɛhye bɛmanle bɛ ɛtane ne mɔ akee yɛle kpole. Na kɛkala, Nyamenle ɛya ne wɔ bɛ nwo zo.

1 Tem 2:7

Ɛhye ati yɛɛ ɔyɛle me ɛzoanvolɛ kɛ menga na mengilehile bɛdabɛ mɔɔ bɛnle Dwuuma la nɔhalɛ diedi ne a. Membɔ adalɛ, nɔhalɛ ne a melɛka la!

2 Tem 1:11

Edwɛkpa ɛhye yɛɛ Nyamenle ɛyɛ kɛ membɔ ye nolo, menyɛ ɛzoanvolɛ na mengilehile a.

Kɛlata mɔɔ bɛhɛlɛle bɛhɔmanle Hibuluma la 2:14

Zɔhane ati kɛmɔ ngakula ne mɔ le nwonane nee mogya la, Gyisɛse ɔdaye ɔyɛle ɔ nwo kɛ bɛdabɛ la na ɔnyianle bɛ nwonane ne bie, amaa yealua ye ewule zo yeazɛkye Abɔnsam, mɔɔ ɛnee lɛ tumi wɔ ewule nwo zo la,