Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:1 - BAEBOLO ANZƐƐ BULUKU NWUANZANWUANZA

¹ Medame Pɔɔlo, mɔɔ Gyisɛse Kelaese nee Nyamenle Selɛ ne mɔɔ dwazole ye vile mɔwuamra anu la ɛvɛlɛ me kɛ menyɛ ɛzoanvolɛ, na tɛ menli a ɛhyehyɛ ɛyɛ me bɛ ɛzoanvolɛ la a melɛkɛlɛ kɛlata ɛhye a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:1 ပူးပေါင်းရင်းမြစ်များ

Dw 10:30

Selɛ ne nee medame yɛle ko.”

Dw 20:21

Na Gyisɛse zele bɛ bieko kɛ, “Anzonudwolɛ ɛha bɛ. Kɛmɔ Selɛ ne zoanle me la, zɔhane ala yɛɛ medame noko mesoa bɛ a.”

Dw 5:19

Yemɔti Gyisɛse zele bɛ kɛ, “Meka nɔhalɛ ne meahile bɛ: Ralɛ ne angome ɛnli ɔ ti anwo ɛnyɛ debie biala; ɔyɛ mɔɔ ɔkɛnwu kɛ Selɛ ne ɛlɛyɛ la ala angome. Mɔɔ Selɛ ne yɛ la, yɛɛ Ralɛ ne ɔdaye ɔyɛ a.

Ɛzoanvolɛma Gyima ne 22:10

Na membizale kɛ, ‘Awulae, duzu a menyɛ a?’ Na Awulae zele me kɛ, ‘Dwazo na kɔ Dɛmasekɛse, na ɛkɛ ne yɛɛ bɛbaha debie mɔɔ Nyamenle ɛhyehyɛ kɛ ɔmaa wɔayɛ la bɛahile wɔ a.’

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 9:6

Dwazo kɔ suakpole ne azo na bɛbahile wɔ debie mɔɔ ɔwɔ kɛ ɛyɛ la.”

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

Wulo 10:9

Ɔboalekɛ, saa bɛdie bɛto nu na bɛka ye bɛ nloa kɛ, “Gyisɛse le Awulae” na bɛdie bɛdi wɔ bɛ ahonle nu kɛ Nyamenle dwazole ye vile mɔwuamra anu a, bɛbanyia ngoane.

Wulo 14:9

Ɔluakɛ ɛhye ati a Kelaese wule na bɛdwazole ye bɛrale ngoane nu a, amaa yeayɛ anyewɔzo amra nee mɔwuamra Awulae.

1 Kɔl 1:1

Pɔɔlo, mɔɔ Nyamenle ɛlua ɔdaye ye ɛhulolɛdeɛ zo ɛvɛlɛ ye kɛ ɔrayɛ Kelaese Gyisɛse ɛzoanvolɛ, nee yɛ diema Sɔsetinɛse a

2 Kɔl 1:1

Pɔɔlo, mɔɔ Nyamenle ɛhulo ɛyɛ ye Kelaese Gyisɛse ɛzoanvolɛ la, nee yɛ diema Temɔte a ɛlɛkɛlɛ kɛlata ɛhye ahɔmaa Nyamenle menli ne mɔɔ wɔ suakpole Kɔlente azo, nee Nyamenle menli ne amuala mɔɔ wɔ Akaya (Giliki) maanle ne kpokpoti anu la a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:15

Na amuanrɛɛ wɔ ɛhye mɔ amuala anu, ɛnee Nyamenle ɛye me ɛzie ɛkɛ dɛba ɛmaa ɔ nwo, bɔbɔ kolaa na bɛawo me, yɛɛ akee yelua ye ɛlolɛ zo yevɛlɛ me kɛ mendoa ɔ bo zo na menyɛ ye gyima a. Yemɔti mɔɔ mekɛ ne dwule na ɔbɔle kpɔkɛ

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:17

yɛɛ meangɔ Gyɛlusalɛm bɔbɔ kɛ mekanwu bɛdabɛ mɔɔ bɛle Kelaese ɛzoanvolɛma mɔɔ bɛli me nyunlu la. Ɛleka mɔɔ mengɔle la a le Areleebea, yɛɛ nzinlii menziale membale Dɛmasekɛse a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

2 Tem 1:1

Medame Pɔɔlo, mɔɔ ɔlua Nyamenle ɛhulolɛ zo merayɛ Kelaese Gyisɛse ɛzoanvolɛ, na yezoa me kɛ membɔ ngoane ne mɔɔ Kelaese ati bɛvale bɛbɔle yɛ ɛwɔkɛ la nolo la, yɛɛ melɛkɛlɛ kɛlata ɛhye a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:3

Mekɛ ne dwule la ɔvale nrɛlaleɛ ne ɔdole gua, na ɛhye yɛɛ yɛ Ngoanedievolɛ Nyamenle ne, ɛva ɛwula me sa nu kɛ membɔ ye nolo a.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

Dwɔhyua Buluku ne 22:15

Bɛrale Wulubɛn, Gaade, yɛɛ Manasɛ Aduduleɛ mbusua ekpunli ne mɔ ɛkɛ wɔ Geleade maanzinli nu.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 2:8

“Kɛlɛ ɛhye kɔmaa Semɛna asɔne ne Nyamenle soanvolɛ ne. “Nrɛlaleɛ ɛhye vi alumua ne nee awieleɛ ne, mɔɔ wule na ɔziale ɔrale ngoane nu bieko la ɛkɛ.