Ɛzela Buluku ne 9:9 - BAEBOLO ANZƐƐ BULUKU NWUANZANWUANZA

⁹ Mɔɔ ɛnee yɛle ahanra la, yɛ Nyamenle ne arɛle amkpa yɛ nwo zo. Wɔmaa wɔ ɛhulolɛ ɛdenrɛ yɛ nwo zo wɔ Pɛhyea Maanle Maanle arelemgbunli anyunlu. Ɔlua zolɛ bɛbɔ yɛ ɛwɔkɛ na bɛmaa yɛ anwosesebɛ kɛ yɛzi yɛ Nyamenle ne Ɛzonlenlɛ Sua ne mɔɔ ɛbubu la, na yɛyɛ ye boɛ, na wɔazinza yɛ wɔ Dwuda nee Gyɛlusalɛm amuala.

Ɛzela Buluku ne 9:9 ပူးပေါင်းရင်းမြစ်များ

Ɛzela Buluku ne 2:68

Mɔɔ nlɔnuma ne mɔ radwule Ɛdɛnkɛma Ɛzonlenlɛ Sua ne anwo wɔ Gyɛlusalɛm la, mbusua mgbanyinli mɔɔ wɔ nu la bie mɔ vale ahunlundwolɛ ahyɛlɛ ninyɛne manle kɛ bɛva bɛzi Ɛzonlenlɛ Sua ne bieko wɔ ɔ bo zo ne ala.

Ɛzela Buluku ne 7:6

Ɛzela le abɔlɔba mɔɔ ze Mɛla ne mɔɔ Ɛdɛnkɛma, Yizilayɛ Nyamenle ne vale manle Mosisi la kpole kpalɛ. Kɛmɔ ɛnee Ɛdɛnkɛma ye Nyamenle ne anye wɔ ɔ nwo zo la ati, belemgbunli ne vale debie biala mɔɔ ɔbizale la ɔmanle ye. Mɔɔ Belemgbunli Atazɛzɛse lile ɛvolɛ nsuu wɔ Pɛhyea ebia ne azo la, Ɛzela nee Yizilayɛma bie mɔ mɔɔ le sɛlɛvolɛma, Livaema, edwɛndolɛma, nee Ɛzonlenlɛ Sua nu sonvolɛma la zile nu vi Babelonia rale Gyɛlusalɛm.

Ɛzela Buluku ne 7:8

Bɛvi Babelonia bɛdule bɛ bo wɔ siane ne mɔɔ lumua la anu kenle ne mɔɔ lumua la azo, na Nyamenle duma nu nee ye moalɛ zo, bɛradwule Gyɛlusalɛm siane nnu ne anu, ye kenle ne mɔɔ lumua la azo.

Ɛzela Buluku ne 9:10

“Na kɛkala, O Nyamenle, duzu edwɛkɛ bɔbɔ yɛɛ akee yɛha wɔ ɛhye mɔ amuala anzi a? Yɛtietia wɔ mɛla ne mɔ mɔɔ

Nihɛmaya Buluku ne 2:17

Na nzinlii akee menzele bɛ kɛ, “Bɛdabɛ bɛ nye dua ngyianlɛ mɔɔ yɛwɔ nuhua la. Gyɛlusalɛm ɛyɛ suadu; bɛyela ye nlenkɛ mgbole ne mɔ kɔsɔɔti. Bɛrɛla bɛmaa yɛyɛ Gyɛlusalɛm bane ne mɔ boɛ na yɛye yɛ nwo yɛvi nyiane kpole ɛhye anu.”

Nihɛmaya Buluku ne 9:17

Bɛanyɛ tieyɛ; bɛ rɛle vile mɔɔ ɛyɛle la amuala, bɛ rɛle vile nwanwane ninyɛne mɔɔ ɛyɛle la. Mgbanyizonle nu, bɛyele sonla lile bɛ ti kɛ ɔva bɛ ɔzia ɔhɔ kanrazonlenlɛ nu wɔ Yigyibiti. Noko ɛle Nyamenle mɔɔ ɛfa ɛtane ɛkyɛ, ɛkyɛ na wɔava ɛya; ɛle ɛlolɛ nee ɛhulolɛ. Wɔ anwunvɔnezelɛ ne le kpole bo zo, wɔamkpo bɛ.

Edwɛndolɛ Buluku ne 109:12

Mmamaa awie biala se ye anwunvɔne, anzɛɛ nwu ɔ mra nrisa ne mɔ anwunvɔne.

Edwɛndolɛ Buluku ne 138:7

Saa melua ngyegyelɛ nu a, ɛbɔ me ngoane nwo bane. Ɛtenrɛ ɛ sa ɛsi me kpɔvolɛma mɔɔ ɛva ɛya la aze, na ɛfa wɔ tumi kpole ne ɛdie me.

Ayezaya Buluku ne 14:3

Saa Ɛdɛnkɛma maa bɛ nyane nee abodelɛ nee gyima ɛsesebɛ mɔɔ bɛmanle bɛyɛle la ka aze a,

Ayezaya Buluku ne 5:2

Ɔvundunle azɛlɛ ne ɔyeyele zolɛ awolɛ ne mɔ, na ɔluale ye vanye ma kpalɛ; ɔzile tawa wɔ egyinli ne avinli, na ɔvunle kuma mɔɔ ɔbahwihwi vanye ma ne nu la. Akee ɔhendɛle kɛ ye vanye egyinli ne kɛzo ma kpalɛ, na vanye ma ne bolole la ɛnee biala yɛ ɛnwonle.

Ayezaya Buluku ne 5:5

“Akee meka meahile bɛ, mɔɔ meyɛ me vanye egyinli ne la ɛne. Mebubu ɛhane ne mɔɔ mehye ye nwolɛ la meamaa nane ali vanye ne. Bane biala mɔɔ melie ye nwolɛ la, mebubu ye meamaa bɛaratietia ma ne mɔ azo.

Ayezaya Buluku ne 61:4

Bɛbakyekye azuamgbole mɔɔ bɛzɛkye bɛ la, Bɛbasisi azua mɔɔ bɛgologolo bɛ la fofolɛ; Azuamgbole mɔɔ bɛzɛkyele bɛ mɔmoane mɔmoane la, Bɛbakyekye bɛ muala fofolɛ.

Yizikeɛle Buluku ne 11:16

“Zɔhane ati ka kile bɛ kɛ, ‘Awulae Nyamenle ne se: Medame yɛɛ menvale bɛ mengɔle maanle zo moa moa na membɔle bɛ memkpondenle maanle maanle ne mɔ avinli a; noko me nee bɛ lua maanle biala mɔɔ bɛhɔ nu la anu.’

Daneɛle Buluku ne 9:25

Yɛ edwɛkɛ ɛhye nzonlɛ na nyia nwolɛ ndelebɛbo kɛ ɔvi mekɛ mɔɔ bɛkɛha Gyɛlusalɛm ɛkyekyelɛ bieko anwo edwɛkɛ ne mɔɔ kɔdwu sonla ne, belemgbunli bie, mɔɔ bɛkpa nu bɛye ye na bɛkpokpa ye nwole la ɛralɛ mekɛ zo la, bayɛ ɛvolɛ nsuu fane nsuu. Bɛbava ɛvolɛ nsuu fane abulasia nee nwiɔ a bɛakyekye Gyɛlusalɛm fofolɛ, bɛadudu ye gua na bɛasisi ye aranemgbole ne mɔ a, na mekɛ ɛhye bayɛ amaneɛnwunlɛ mekɛ.

Hagae Buluku ne 1:9

“Bɛ nye la kɛ bɛ bɛyɔba kɛzo dɔɔnwo, noko ekyi bie a bɛnyianle ye a; eza mɔɔ bɛ nee ye rale sua nu la, membɔle menguale. Na medame Ɛdɛnkɛma, mebiza bɛ kɛ duzu ati ɔ? Ɔboalekɛ bɛgyakyi me sua ne bɛmaa yeyɛ ewula na bɛmɛ, bɛ nuhua ko biala anye ɛbolo ɛlɛsi sua ala nuhua.

Zɛkalaya Buluku ne 2:5

Mebayɛ kɛ senle bane meabɔ ye mgbɔlɔka meayia, na meadɛnla ɛkɛ ne anyunlunyia nu, medame Ɛdɛnkɛma a mese a.’ ”