Ɛzela Buluku ne 9:7 - BAEBOLO ANZƐƐ BULUKU NWUANZANWUANZA

⁷ Ɔvi yɛ nlenya mɔ mekɛ zo toonwo mɔɔ ɛradwu ɛnɛ la, yɛvo dɔɔnwo kpalɛ. Ɔlua yɛ ɛtane ne mɔ ati, yɛdayɛ o, yɛ arelemgbunli, nee yɛ sɛlɛvolɛma o, yɛ muala yɛdɔ donvula wɔ arelemgbunli mɔɔ ɛbɔ ɛyia yɛ la asa anu. Ɔlua zolɛ bɛhu yɛ bie mɔ, bɛkpokpo yɛ, bɛhye yɛ bie mɔ nuokɛ bɛhɔ nlɔnu, bɛhile yɛ nyane, bɛgua yɛ nyunlu aze toonwo a yeradwu ɛnɛ a.

Ɛzela Buluku ne 9:7 ပူးပေါင်းရင်းမြစ်များ

1 Arl 8:47

na bɛnu bɛ nwo wɔ maanle zɔhane anu bɛse kɛ, ‘Ɛdɛnkɛma, yɛvo wɔ, yɛyɛ ninyɛne mɔɔ ɛnfɛta la yɛtia wɔ’ a, tie bɛ nzɛlɛlɛ.

2 Edk 29:6

Yɛ ze mɔ anli nɔhalɛ, bɛyɛ mɔɔ le ɛtane la bɛtia Ɛdɛnkɛma yɛ Nyamenle ne. Bɛkpo ye na bɛhakyi bɛ nzi bɛzi ɛleka mɔɔ Ɛdɛnkɛma de la.

2 Edk 30:7

Bɛmmayɛ kɛ bɛ ze mɔ nee bɛ mediema ne mɔ, mɔɔ kpole bɛ ze mɔ Ɛdɛnkɛma Nyamenle ne a yemaa bɛyɛ mgbane, kɛmɔ bɛdabɛ bɛ nye dua ye la.

2 Edk 34:24

Medame, Ɛdɛnkɛma, mebadea suakpole ye nee menli mɔɔ wɔ zolɛ la amuala, na meava munzule ne mɔɔ bɛhɛlɛ ye wɔ buluku ne anu la amuala meagua Dwudama anwo zo, kɛmɔ bɛgenga bɛhile belemgbunli ne ala la.

Ɛzela Buluku ne 9:13

Ndeanlɛ biala mɔɔ wɔva wɔdea yɛ nee debie biala mɔɔ ɛzi yɛ nwo zo wɔ yɛ ɛtane nee yɛ amumuyɛ ne mɔ ati la le ekyi, ɛhye ati yɛɛ kɛkala yɛdayɛ mɔɔ yɛha la yɛtɛte aze a.

Nihɛmaya Buluku ne 9:30

Ɛbɔle bɛ kɔkɔ abotane nu ɛvolɛ biala, ɛluale wɔ Sunsum ne azo ɛmanle wɔ kpɔmanvolɛma dendɛle, na wɔ menli ne yɛle ateakpaso; yemɔti ɛmanle maanle maanle lile bɛ nwo zo konim.

Ayezaya Buluku ne 64:4

Ɔvi mɔmoane, awie ɛtɛtele anzɛɛ ɛtɛtele ye ɔ nzo nu, yɛɛ ɛnyelɛ biala ɛtɛnwunle Nyamenle biala kɛ wɔmɔ ala mɔɔ ɛdie menli mɔɔ sonle wɔ la ati la.

Gyɛlɛmaya Buluku ne 25:18

Gyɛlusalɛm nee Dwuda azuamgbole, bɛ arelemgbunli nee bɛ mgbanyima nlonle, amaa menli ne ayɛ mgbane, na azuamgbole ne mɔ ayɛ azuadu mɔɔ menli finde zolɛ a bɛbɔ mgbatike na bɛava bɛ duma bɛawa amonle, kɛmɔ ɛnɛ nee ɛnɛ ala ɔde la.

Gyɛlɛmaya Buluku ne 3:25

Bɛmaa yɛva yɛ nwo nyiane ne yɛhɔdɛnla yɛ aze, na yɛ anyiemgba ɛbɔ yɛ ti, ɔluakɛ yɛyɛ ɛtane yɛtia Ɛdɛnkɛma yɛ Nyamenle ne, yɛdayɛ nee yɛ ze mɔ, ɔvi yɛ ngakula nu toonwo mɔɔ yeradwu ɛnɛ la; yɛɛ yɛtɛyɛle tieyɛ yɛtɛmanle Ɛdɛnkɛma yɛ Nyamenle ne.”

Gyɛlɛmaya Buluku ne 32:23

Yizilayɛma radɛnlanle azɛlɛ ye azo, na bɛandie ɛ ne yɛɛ bɛanli wɔ mɛla ne mɔ azo. Mɔɔ ɛzele bɛ kɛ bɛyɛ la, bɛanyɛ nuhua ko bɔbɔ. Yemɔti a wɔmaa anwubɛnyunlu ɛhye ɛdo bɛ la.

Gyɛlɛmaya Buluku ne 32:32

wɔ Yizilayɛma nee Dwudama nyɛleɛ ɛtane ɛtane ne mɔ mɔɔ bɛ arelemgbunli, bɛ maanzinli zo neavolɛma, bɛ sɛlɛvolɛma, bɛ Nyamenle kpɔmanvolɛma, Dwudama, yɛɛ Gyɛlusalɛm ezuavolɛ ɛyɛ ɛhile me, ɛva ɛha me ɛya la ati.

Gyɛlɛmaya Buluku ne 44:22

Ɛdɛnkɛma ɛnrɛdɛnla ɛnrɛnlea bɛ ninyɛndane ɛyɛlɛ nee bɛ bɛkyi ninyɛne ne mɔ mɔɔ bɛyɛle la bieko. Yemɔti a bɛ azɛlɛ ne ɛdɔ mgbane, ɛyɛ ewula, ɛyɛ amowa, mɔɔ awie ɛnde zolɛ, kɛmɔ kɛkala ɔde la.

Gyɛlɛmaya Buluku ne 44:9

Bɛ rɛle ɛvi bɛ ze mɔ amumuyɛ ne, Dwuda arelemgbunli nee bɛ ye mɔ amumuyɛ ne yɛɛ bɛdabɛ mumua ne nee bɛ ye mɔ amumuyɛ ne mɔɔ bɛyɛle wɔ Dwuda azɛlɛ zo nee Gyɛlusalɛm guabile ne mɔ azo la ɔ?

Gyɛlɛmaya Awolɛyelɛ 5:7

Egya mɔ yɛle ɛtane, na bɛwu bɛhɔ; nwolɛ ɛzonle ɛzoa yɛmɛ.

Yizikeɛle Buluku ne 11:9

Mebaye bɛ kɔsɔɔti meavinde na meaye bɛ meamaa nyɛvolɛ adea bɛ.

Yizikeɛle Buluku ne 39:23

Na maanle maanle banwu kɛ Yizilayɛma ɛtane ti yɛɛ bɛhyele bɛ bɛhɔle nlɔnu a, yɛɛ kɛmɔ bɛanli nɔhalɛ bɛammaa me la ati yɛɛ menyele bɛ memanle bɛ kpɔvolɛma na mendole me nye ɛbɔ nu memanle bɛ muala bɛdɔle dadeɛ nloa a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:14

Na bɛnlea, bɛva bɛ ze mɔ agyakɛ, ɛtanevolɛma akpolane, kɛ bɛlɛka Ɛdɛnkɛma ɛya kpole bɛamaa yeava Yizilayɛma anwo ɛya a!

1 Sam 12:15

Na saa bɛandie Ɛdɛnkɛma ane na bɛbulu ye mɛla ne mɔ azo a, ɔ nee bɛ nee bɛ belemgbunli ne bali.