Ɛzela Buluku ne 9:6 - BAEBOLO ANZƐƐ BULUKU NWUANZANWUANZA

⁶ “O me Nyamenle, ɔyɛ me anyiemgba na ɔyɛ me nyiane bɔbɔ kɛ menwɔkpogya me nye zo menwɔnlea wɔ a, ɔluakɛ yɛ amumuyɛ ɛbɛla ne ɛbo zolɛ na yɛ ɛtane ne mɔ ɛdwu ɛ nyunlu.

Ɛzela Buluku ne 9:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:13

Sodɔmma le amumuyɛ; bɛyɛle ɛtane mgbole bɛtiale Ɛdɛnkɛma.

1 Arl 8:47

na bɛnu bɛ nwo wɔ maanle zɔhane anu bɛse kɛ, ‘Ɛdɛnkɛma, yɛvo wɔ, yɛyɛ ninyɛne mɔɔ ɛnfɛta la yɛtia wɔ’ a, tie bɛ nzɛlɛlɛ.

2 Edk 28:9

Nyamenle kpɔmanvolɛ bie woale Samɛlea, bɛfɛlɛ ye Odɛde. Ɔhɔyiale Yizilayɛ ɛlɔnema ne mɔɔ ɛlɛba Samɛlea la adenle, na ɔzele bɛ kɛ, “Kɛmɔ Ɛdɛnkɛma, bɛ ze mɔ Nyamenle ne vale Dwudama anwo ɛya la ati yɛɛ ɔyele bɛ ɔmanle bɛlile bɛ nwo zo konim a. Noko bɛmɛ, bɛhu Dwudama somaa bɛmaa Nyamenle akunlu ɛhwe.

Ɛzela Buluku ne 9:13

Ndeanlɛ biala mɔɔ wɔva wɔdea yɛ nee debie biala mɔɔ ɛzi yɛ nwo zo wɔ yɛ ɛtane nee yɛ amumuyɛ ne mɔ ati la le ekyi, ɛhye ati yɛɛ kɛkala yɛdayɛ mɔɔ yɛha la yɛtɛte aze a.

Ɛzela Buluku ne 9:15

O Ɛdɛnkɛma, Yizilayɛ Nyamenle, wɔmɔ ɛdi pɛlepɛle, noko wɔnwu yɛ anwunvɔne wɔva yɛ ɛtane ne mɔ wɔhyɛ yɛ wɔmaa yɛdayɛ ekyi mɔɔ yɛha la yɛtɛte ngoane nu. Yɛka yɛto gua kɛ yɛdi fɔlɛ na yɛnfɛta ɛ nyunlu.”

Nihɛmaya Buluku ne 1:6

gyele ɛ nzo tie wɔ sonvolɛ ye nzɛlɛlɛ mɔɔ mefa meado ɛ nyunlu nɔɔzo nee ewiazo meamaa wɔ menli Yizilayɛma la, na nea yɛ. Ɛ mra Yizilayɛma ɛyɛ ɛtane ɛtia wɔ. Ɛhɛe, medame, me nee egya awuke nu amra bɔbɔ yɛyɛ ɛtane yɛtia wɔ.

Dwobu Buluku ne 42:6

yemɔti mebɔ anyiemgba na menlu me nwo; mebɔ ndɛtɛlɛ nee nzonle.”

Edwɛndolɛ Buluku ne 38:4

Ɔluakɛ me amumuyɛ ɛbo me nwo zo, bɛ ɛnlomboɛ ɛyɛ adesoa ɛbo me nwo zo.

Edwɛndolɛ Buluku ne 38:5

Me nganlɛ ne mɔ ɛkpɔlɔ na bɛbɔ, ɔboalekɛ meyɛ ngoasea ninyɛne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:31

Yemɔti Mosisi ziale hɔle Ɛdɛnkɛma ɛkɛ na ɔhanle kɛ, “Nɔhalɛ, menli ne ɛyɛ ɛtane kpole kpalɛ. Bɛdabɛ bɛva ezukoa nvutuke bɛyɛ bɛ nyamenle bɛzonle ye.

Ayezaya Buluku ne 1:18

Ɛdɛnkɛma se, “Bɛrɛla bɛmaa yɛbɔ yɛ avinli, bɛ ɛtane ne mɔ ɛla zo kɛ ɛbenle bɔbɔ ɛdeɛ, noko bɛbayɛ fufule kɛ ezukɔtweaba. Bɛ ɛtane ne mɔ ɛbolo kɛ ebo bɔbɔ ɛdeɛ, noko bɛbayɛ nwohyee kɛ boane enrinli.

Ayezaya Buluku ne 59:12

“Ɔluakɛ yɛ mɛladonlɛ ne mɔ akee ɛzo ɛ nyunlu, yɛɛ yɛ ɛtane ne mɔ di daselɛ tia yɛ, ɔluakɛ yɛ mɛladonlɛ ne mɔ la ali wienyi, yɛɛ yɛze yɛ ɛtane ne mɔ mɔɔ yɛyɛ la kɛ:

Gyɛlɛmaya Buluku ne 3:3

Yemɔti ezule ne ɛgyakyi ɛdɔlɛ, yɛɛ nyenyensuo ne ɛgyakyi ɛnyenyenlɛ. Bɛ ɛlualɛ nu kile kɛ bɛle tuutuuma, yɛɛ bɛnze nwolɛ nyiane.

Gyɛlɛmaya Buluku ne 31:19

Yɛkpole wɔ la, nzinlii yɛnlunle yɛ nwo, Ɛdeanle yɛ la, akee yɛnwunle adenle ne. Nyiane hunle yɛ, yɛ nyunlu guale aze, ɔboalekɛ yɛyɛle ɛtane yɛ ngakula nu.’

Gyɛlɛmaya Buluku ne 51:9

Na nyɛvolɛ mɔɔ wɔ maanle ne anu la hanle kɛ, ‘Ɛnee yɛkulo kɛ yɛyɛ Babelonia ayile; yɛyɛle biala na ɔ nwo anza. Bɛkpo ye, awie biala ɛhɔ ye maanle nu, ɔluakɛ Babelonia ndeanlɛ ne ɛyɛ kpole.’ ”

Gyɛlɛmaya Buluku ne 6:15

Asoo bɛkyi ninyɛne ɛhye mɔ ɛyɛlɛ yɛle bɛ nyiane? Kyɛkyɛ, yeanyɛ bɛ nyiane fee, bɛnze nyiane deɛ holɛ. Yemɔti bɛbawu kɛ menli mɔɔ ɛwu la. Kenle mɔɔ menwɔze kɛ metea bɛ la ɛnee bɛ awieleɛ ne ala ɛne. Medame Ɛdɛnkɛma a mese a.”

Gyɛlɛmaya Buluku ne 8:12

Asoo bɛkyi ninyɛne ɛhye mɔ ɛyɛlɛ yɛle bɛ nyiane? Kyɛkyɛ, yeanyɛ bɛ nyiane fee, ɔluakɛ bɛnze nyiane deɛ holɛ. Yemɔti bɛbawu kɛ menli mɔɔ ɛwu la. Kenle mɔɔ menwɔze kɛ metea bɛ la, ɛnee bɛ awieleɛ ne ala ɛne. Medame Ɛdɛnkɛma a mese a.”

Gyɛlɛmaya Awolɛyelɛ 3:42

kɛ, “Yɛyɛ ɛtane, yɛde atua, na O Ɛdɛnkɛma, ɛtɛfale ɛtɛkyɛle yɛ.

Yizikeɛle Buluku ne 16:63

Ɛbahakye mɔɔ wɔyɛ la na ɔbayɛ wɔ nyiane, amaa saa mefa wɔ ninyɛndane mɔɔ wɔyɛ la mekyɛ wɔ a, wɔambuke ɛ nloa, ɔboalekɛ nyiane ɛbia wɔ. Medame, Awulae Nyamenle a mese a.”

Sɛlɛ 26:40

“Na saa bɛka bɛ amumuyɛ ne mɔ bɛto gua, bɛka bɛ ze mɔ amumuyɛ ne mɔ mɔɔ bɛ nye la nwo bɛyɛle bɛtiale me na bɛkpole me,

Edwɛkpa ne kɛmɔ Luku hɛlɛle la 15:21

Ralɛ nrenya kakula ne hanle hilele ɔ ze kɛ, ‘Egya, meyɛ ɛtane metia Nyamenle nee ɛdawɔ. Kɛkala, menfɛta kɛ ɛkɛvɛlɛ me ɛ ra bieko.’

Edwɛkpa ne kɛmɔ Luku hɛlɛle la 18:13

“Na adwuledievolɛ ne gyinlanle ahane ɛleka bie, yeangulo kɛ ɔkɛkpogya ɔ ti zo bɔbɔ. Ɔvale ɔ sa ɔguale ye ɛbolɛ zo na ɔzele kɛ, ‘O Awulae Nyamenle, nwu me anwunvɔne na mele ɛtanevolɛ!’ ”

Wulo 6:21

Na duzu nvasoɛ yɛɛ bɛnyianle ye wɔ ninyɛne mɔɔ bɛyɛle na ɛnɛ bɛse nwolɛ nyiane la anwo a? Nyɛleɛ ɛhendeɛ ne mɔ awieleɛ a le ewule!

Yekile 18:5

Ɔluakɛ bɛhuohua ye ɛtane ne mɔ anloa bɛmaa yehɔ anwuma kpalɛ, na Nyamenle ɛhakye ye amumuyɛ ne mɔ.