Ɛzela Buluku ne 9:5 - BAEBOLO ANZƐƐ BULUKU NWUANZANWUANZA

⁵ Ɔdwule nɔsolɛ azubɔlɛ mekɛ ne la, menvile ɛleka mɔɔ ɛnee mede melɛkye ɛhɔne ne la mendwazole, menvale me tɛladeɛ suosuanlera ne ala mengotole, mendɛlɛle me sa nu na menzɛlɛle Ɛdɛnkɛma me Nyamenle ne kɛ,

Ɛzela Buluku ne 9:5 ပူးပေါင်းရင်းမြစ်များ

1 Arl 8:22

Akee Belemgbunli Sɔlɔmɔn gyinlanle Ɛdɛnkɛma azukponle ne anyunlu, ɔhakyile ɔ nye wɔ Yizilayɛma amuala anwo na ɔmanle ɔ sa zo

1 Arl 8:38

tie bɛ nzɛlɛlɛ nee bɛ modolɛ. Saa nyane ka wɔ menli Yizilayɛma bie anzɛɛ bɛ muala na bɛkakyi bɛ nye wɔ wɔ Ɛzonlenlɛ Sua ye anwo bɛbakoto bɛtɛlɛ bɛ sa nu bɛsɛlɛ a,

1 Arl 8:54

Sɔlɔmɔn hotole Ɛdɛnkɛma azukponle ne anyunlu, ɔmanle ɔ sa zo anwuma, ɔdɛlɛle nuhua na yeazɛlɛ. Ɔwiele la ɔdwazole.

2 Edk 6:13

(Mekɛ ne anu ɛnee Sɔlɔmɔn ɛva kɔbele ɛbo sɛlɛdwee wɔ alie nwo ɛkɛ ne avinli. Sɛlɛdwee ne anwumahɔlɛ le asɛɛ mita ko nee foa yɛɛ ye tɛtɛlɛ nee ye tendenle sɛ; biala le mita nwiɔ nee ekyi. Ɔvole sɛlɛdwee ne azo mɔɔ awie biala nwu ye la na akee ɔhotole, ɔmanle ɔ sa zo anwuma.)

Nihɛmaya Buluku ne 1:4

Mɔɔ mendele edwɛkɛ ɛhye la, mendɛnlanle aze na menzunle menyele awolɛ kpalɛ na menlile nyane kenle dɔɔnwo; mengɔle zolɛ mengyele ɛhɔne menzɛlɛle Nyamenle

Edwɛndolɛ Buluku ne 141:2

Maa me nzɛlɛlɛ ɛyɛ kɛ ɛyɛlɛ evuanlɛ wɔ ɛ nyunlu, na fa me sa mɔɔ memaa ye zo la kɛ nɔsolɛ azubɔlɛ.

Edwɛndolɛ Buluku ne 143:6

Metenrɛ me sa memaa wɔ; ɛ nwo nzuhɔne ku me kɛ azɛlɛ mɔɔ ɛwe resee la.

Edwɛndolɛ Buluku ne 95:6

O bɛrɛla, bɛmaa yɛbɔ yɛ ti aze yɛzonle ye; bɛmaa yɛhoto Ɛdɛnkɛma, yɛ Bɔvolɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:29

Mosisi hanle kɛ, “Saa meye me nwo suakpole ye azo a, mebamaa me sa zo meazɛlɛ Ɛdɛnkɛma, na maanle nu ɛhululɛ ne bagyakyi, yɛɛ ezuawolɛ ne ɛnrɛdɔ bieko, amaa wɔanwu kɛ azɛlɛ ye le Ɛdɛnkɛma ɛdeɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:33

Yemɔti Mosisi vi belemgbunli ne anwo ɛkɛ hɔle na ɔyele ɔ nwo suakpole ne azo. Ɔdɛlɛle ɔ sa nu ɔzɛlɛle Ɛdɛnkɛma na maanle nu ɛhululɛ ne gyakyile, ezuawolɛ ne gyakyile ɛdɔlɛ, na ezule ɛdɔlɛ bilididi andɔ azɛlɛ ne azo bieko.

Ayezaya Buluku ne 1:15

“Saa bɛtɛlɛ bɛ sa nu kɛ bɛyɛ nzɛlɛlɛ a, mebaye me nye meado ɛbɔ nu. Bɛyɛ nzɛlɛlɛ dɔɔnwo kɛyɛ nyɛ bɔbɔ a, menrɛdie. Bɛ sa anwo le mogya ngome.

Daneɛle Buluku ne 10:2

Mekɛ zɔhane anu ɛnee medame, Daneɛle, melɛdi nyane dapɛne nsa.

Edwɛkpa ne kɛmɔ Luku hɛlɛle la 22:41

Akee ɔvile bɛ nwo ɛkɛ ne ɔhɔle ɔ nyunlu ekyii na ɔhotole ɔzɛlɛle kɛ,

Ɛzoanvolɛma Gyima ne 21:5

Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:14

Kɛmɔ ɛnee melɛka la, ɛhye ala ati yɛɛ mekoto mesɛlɛ Selɛ ne