Ɛzela Buluku ne 9:4 - BAEBOLO ANZƐƐ BULUKU NWUANZANWUANZA

⁴ Bɛdabɛ mɔɔ bɛ ahonle dule wɔ Yizilayɛ Nyamenle ne edwɛkɛ ne mɔɔ ɛha wɔ ninyɛndane ɛhye mɔ mɔɔ menli mɔɔ vi nlɔnu ɛra la ɛyɛ la anwo la bɔle yiale me, na yɛ muala yɛdɛnlanle ɛkɛ ne toonwo ɔhɔdwule nɔsolɛ azubɔlɛ mekɛ ne.

Ɛzela Buluku ne 9:4 ပူးပေါင်းရင်းမြစ်များ

2 Edk 34:27

ɛnlunle ɛ nwo na ɛbɛlɛle ɛ nwo aze wɔ me nyunlu, na suakpole ye nee menli ne mɔ mɔɔ mebadea bɛ la ati ɛlile nyane, ɛsuosuanle wɔ adɛladeɛ ne mɔ anu na ɛzunle la ati, medame noko medie wɔ ɛzunlɛ ne.”

Ɛzela Buluku ne 10:3

Zɔhane ati bɛmaa yɛvua yɛhile yɛ Nyamenle ne na yɛbɔ mraalɛ ɛhye mɔ ewole na yɛvoa bɛ mra ne mɔ, na yɛlua Nyamenle mɛla ne azo yɛyɛ mɔɔ ɛdawɔ nee menli mɔɔ sulo yɛ Nyamenle ne la kɛha la.

Ɛzela Buluku ne 10:9

Na bɛdabɛ mɔɔ bɛwɔ Dwuda nee Bɛngyaman maanzinli ne mɔ anu la amuala rayiale Gyɛlusalɛm kenle nsa ne azo. Kenle ne le siane ngɔnla ne ye kenle mɔɔ tɔ zolɛ abulanwiɔ la. Na menli ne amuala dɛnlanle aze wɔ ɛleka kpatawienyi ne mɔɔ wɔ Nyamenle Sua ne anyunlu la. Edwɛkɛ ne anwo ahunlundetelɛ nee ezule mɔɔ ɛnee ɛlɛtɔ kpole la manle bɛ nwo wozole bɛ.

Edwɛndolɛ Buluku ne 119:136

Me nye monle twi bobobobo, ɔboalekɛ menli ɛnli wɔ mɛla ne mɔ azo. b

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:39

Fa ko bɔ azu nwonlomɔ na fa ko noko bɔ azu nɔsolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:41

Ku boane ne mɔɔ tɔ zolɛ nwiɔ la nɔsolɛ nu, na fa ma azubɔdeɛ nee nwolɛ ɛdɛneyelɛ nwanye, kɛmɔ nwonlomɔ ɛdeɛ ne de ala la boka nwolɛ na fa bɔ azu. Ɛhye le azubɔdeɛ mɔɔ bɛfa senle a bɛbɔ bɛmaa medame, Ɛdɛnkɛma a, na ɔsɔ me nye.

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Ayezaya Buluku ne 66:5

Bɛmɛ mɔɔ bɛsulo Ɛdɛnkɛma na bɛdi ye edwɛkɛ zo la, bɛdie mɔɔ ɔlɛka la. Ɔse, “Bɛ mediema ne mɔ mɔɔ kyi bɛ, na medame ti bɛmbu bɛ bie la ɛha kɛ, ‘Bɛmaa Ɛdɛnkɛma ɛhile ye anyunlunyia ne na ɔlie bɛ, amaa yɛanwu bɛ anyelielɛ ne.’ Na bɛmɛ bɔbɔ yɛɛ bɛ nyunlu bagua aze a.

Yizikeɛle Buluku ne 9:4

Na Ɛdɛnkɛma zele ye kɛ, “Kɔ Gyɛlusalɛm suakpole ne azo amuala na fa sɛkɛlɛneɛ to awie biala mɔɔ ɛlɛdi nyane wɔ munzule ɛbɛla mɔɔ bɛbɔ wɔ zolɛ la anwo la anwoma azo.”

Daneɛle Buluku ne 10:2

Mekɛ zɔhane anu ɛnee medame, Daneɛle, melɛdi nyane dapɛne nsa.

Daneɛle Buluku ne 9:21

Geebeleɛle mɔɔ alumua ne menwunle ye wɔ me ɛnyelɛzodeɛnwunlɛ ne anu la, rale me nwo ɛkɛ ne ndɛndɛ wɔ nɔsolɛ nu azubɔlɛ mekɛ ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:6

Yizilayɛma ne mɔ ko vale Medea raalɛ rawolole ye ndanlɛ sua ne anu wɔ Mosisi nee menli ne kɔsɔɔti anye zo, wɔ mekɛ mɔɔ ɛnee bɛlɛsu wɔ Ɛdɛnkɛma Ndanlɛ Sua ne anyunlu la.

Ɛzoanvolɛma Gyima ne 3:1

Kenle ko Pita nee Dwɔn kɔ Ɛzonlenlɛ Sua ne anu wɔ ewiazo dɔne nsa nzɛlɛlɛ mekɛ ne anu la,