Ɛzela Buluku ne 9:3 - BAEBOLO ANZƐƐ BULUKU NWUANZANWUANZA

³ Mendele ɛhye na ɛya mɔɔ hunle me nee me nwo mɔɔ yelɛyelale me la manle mensuosuanle me tɛladeɛ mɔɔ mewula la anu na mendudule me ti nee me kɛsa enrinli. Nyane nee arɛlebɔlɛ wiele me kyekye na mendɛnlanle aze koonwu.

Ɛzela Buluku ne 9:3 ပူးပေါင်းရင်းမြစ်များ

2 Sam 1:11

Devidi vale nyane ngome suosuanle ye tɛladeɛ ne anu, na ye menli mɔɔ nee ye lua la yɛle zɔhane ala.

2 Arl 18:37

Na Yilaya, Hyɛbena, yɛɛ Dwowaa vale nyane suosuanle bɛ adɛladeɛ ne mɔ anu na bɛhɔhanle mɔɔ Aselea Safohyenle ne hanle la bɛhilele belemgbunli ne.

Nihɛmaya Buluku ne 1:4

Mɔɔ mendele edwɛkɛ ɛhye la, mendɛnlanle aze na menzunle menyele awolɛ kpalɛ na menlile nyane kenle dɔɔnwo; mengɔle zolɛ mengyele ɛhɔne menzɛlɛle Nyamenle

Nihɛmaya Buluku ne 13:25

Mendwile bɛ nyunlu na menwale bɛ amonle. Membole bɛ nuhua bie mɔ na mendwewhenle bie mɔ ati enrinli mendudule ye. Memanle bɛhanle ndane kɛ kenle bie maanle nu, “Bɛnrɛva bɛ mra mraalɛ bɛnrɛmaa menli zɔhane mɔ amra mrenya agyalɛ, anzɛɛ bɛnrɛmaa bɛ mra mrenya ɛnrɛgya bɛ mra mraalɛ, yɛɛ bɛdabɛ mumua ne bɛnrɛgya menli zɔhane mɔ bie ɛlɛ.”

Dwobu Buluku ne 1:20

Akee Dwobu dwazole, ɔsuosuanle tɛladeɛ mɔɔ ɔwula la anu, ɔkpale ɔ ti, ɔdule ɔdɔle aze na ɔyeyɛle Nyamenle.

Edwɛndolɛ Buluku ne 119:53

Ɛya ku me kpole kpalɛ, wɔ amumuyɛma mɔɔ kpo wɔ mɛla ne la ati.

Edwɛndolɛ Buluku ne 143:4

Yemɔti me nwo ɛbubu me; me ahonle ɛdu kpole kpalɛ.

Edwɛndolɛ Buluku ne 66:3

Bɛha bɛhile Nyamenle kɛ, “Wɔ gyima yɛ ɛzulolɛ! Wɔ tumi ne kpole ti wɔ kpɔvolɛma tu gua ɛ nyunlu.

Ayezaya Buluku ne 15:2

Daebɔnoma ɛhɔ ɛleka ne mɔ mɔɔ bɛsonle la kazu. Mowabema ɛlɛsu Niboma nee Midɛbama. Awie biala ɛkpa ɔ ti, ɛkpa ɔ kɛsa.

Gyɛlɛmaya Buluku ne 36:24

Noko belemgbunli ne o, ye sonvolɛma ne mɔ o, biala anli nyane wɔ edwɛkɛ ne mɔɔ bɛdele la anwo, yɛɛ bɛanli nyane nretee bɔbɔ.

Gyɛlɛmaya Buluku ne 7:29

“Gyɛlusalɛmma, bɛye awolɛ; bɛkpa bɛ ti na bɛvuandi enrinli ne bɛgua. Bɛdo ɛzɛne edwɛne wɔ awoka ne mɔ azo, ɔboalekɛ medame, Ɛdɛnkɛma, meva ɛya, na mekpo me menli ne.

Yizikeɛle Buluku ne 3:15

Membale bɛdabɛ mɔɔ bɛwɔ nlɔnu la ɛkɛ wɔ Tɛle Abebe, wɔ Azule Kibaa ne anloa, ɛleka mɔɔ bɛdabɛ mɔɔ bɛwɔ nlɔnu la wɔ la. Me nee bɛ dɛnlanle kenle nsuu, na mɔɔ mendele nee mɔɔ menwunle ye la zinle me nwo.

Yizikeɛle Buluku ne 7:18

Bɛbaheda ɛrele, na ɛzulolɛ ava bɛ aze. Bɛ nyunlu bayɛ nyiane nyiane ngome na bɛ ti zo adudu.

Daneɛle Buluku ne 4:19

Akee Daneɛle, mɔɔ eza bɛfɛlɛ ye Bɛletihyazaa la, ahonle dule. Belemgbunli ne zele ye kɛ, “Bɛletihyazaa, mmamaa wɔ ahonle tu ɛlalɛ ne anzɛɛ ɔ bo ɛhilelɛ ne anwo.” Bɛletihyazaa buale kɛ, “Me menle, mesɛlɛ kɛ anrɛɛ ɛlalɛ ne ɛntia wɔ na ɔtia wɔ kpɔvolɛma nee menli mɔɔ kyi wɔ la!

Daneɛle Buluku ne 8:27

Na medame Daneɛle, debie dɔle me nwo zo, ɔyɛle me anwondolɛ mekɛ dɔɔnwo. Nzinlii mendele kpɔkɛ na mendwazole mengɔle me gyima zo wɔ belemgbunli sua nu. Na ɛnyelɛzodeɛnwunlɛ ne manle me nwo bubule me, meande ɔ bo.

Sɛlɛ 21:5

“Ɔnle kɛ bɛkpa bɛ ti anzɛɛ bɛ kɛsa, yɛɛ ɔnle kɛ bɛbobɔ ngonlɛ biala.

Maeka Buluku ne 1:16

Yizilayɛma, bakpa bɛ ti, bɛbapepɛ bɛ nwo enrinli kɔsɔɔti wɔ bɛ mra ne mɔ mɔɔ bɛ nye die bɛ nwo la ati. Bɛkpa bɛ ti koabekoabe kɛ ɛkpɔtɛ, ɔluakɛ bɛbahye bɛ mra ne mɔ bɛahɔ nlɔnu.”

Dwɔhyua Buluku ne 7:6

Dwɔhyua nee Yizilayɛ mgbanyima ne mɔ tetele bɛ adɛladeɛ ne mɔ bɛvale bɛhilele nyane mɔɔ ɛha bɛ la, na bɛdule bɛguale mutule nu wɔ Ɛdɛnkɛma Ngyekyeleɛ Ɛlɛka ne anyunlu, na bɛguale ɛkɛ ne toonwo nɔsolɛ nu; eza bɛvulale ɛnwea bɛguale bɛ ti zo bɛhilele kɛ bɛlɛdi nyane.