Ɛzela Buluku ne 9:2 - BAEBOLO ANZƐƐ BULUKU NWUANZANWUANZA

² Dwuuma bie mɔ ɛgya azɛlɛ ne azo amra bie mɔ amra mraalɛ na bɛmaa bɛ mra mrenya noko ɛgya bɛ mra mraalɛ, ɔlua zolɛ yemaa menli nwuanzanwuanza ɛhye mɔ nee azɛlɛ ne azo amra ɛli afonla. Nyɛleɛ ɛtane zɛhae, mbusua mgbanyinli ne mɔ nee mbɔlɔba ne mɔ bɔbɔ a yɛle ye kpalɛ a.

Ɛzela Buluku ne 9:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:2

anwomanyunlu menli bie nwunle kɛ menli amra mraalɛ ne mɔ anwo yɛ fɛ; yemɔti bɛvale mɔɔ bɛdabɛ bɛkulo la bɛgyale bɛ.

1 Arl 11:1

Sɔlɔmɔn anye liele nyɛvolɛ mraalɛ dɔɔnwo anwo. Ɔgyale Yigyibiti belemgbunli ne ara raalɛ ne, eza ɔgyale Mowabe, Amɔn, Yidɔm, Saedɛn nee Hɛte mraalɛ.

Ɛzela Buluku ne 10:2

Na Gyɛhayɛle mɔɔ le Yilam asa azo ne mɔ ko la ara Hyɛkanaya zele Ɛzela kɛ, “Yɛyɛ ɛtane yɛtia Nyamenle kɛ yɛgya nyɛvolɛ anzɛɛ azɛlɛ ye azo mraalɛ ne bie mɔ a, noko Yizilayɛma lɛ anyelazo.

Ɛzela Buluku ne 9:12

Zɔhane ati bɛmmamaa bɛ mra mrenya gya ɛkɛ ne mbɛlɛra ne mɔ bie, yɛɛ bɛmmamaa bɛ mra mraalɛ gya ɛkɛ ne mgbavolɛ ne mɔ bie. Bɛmmakpondɛ bɛ nee anzonudwolɛ anzɛɛ ɛkpazilɛ, amaa bɛdabɛ Yizilayɛma bɛ nwo ayɛ se bɛadidi azɛlɛ ne azo na bɛagyakyi bɛazie bɛ mra nee bɛ nlɔnra wɔ mekɛ biala.’

Ɛzela Buluku ne 9:14

Saa ye zɛhae a ɛnee yɛbulu wɔ mɛla ne azo bieko na yɛsia yɛ nee amumuyɛma ɛhye mɔ gyigya yɛ nwo a ɔnrɛyɛ boɛ. Yɛyɛ ye zɔhane a ɛbava ɛya kpole na wɔazɛkye yɛ mɔɔ yɛ nuhua ko bɔbɔ ɛnrɛha a.

Nihɛmaya Buluku ne 13:17

Na mendwile mgbanyima ne mɔ anyunlu kɛ, “Duzu munzule ɛbɛla yɛɛ bɛlɛbɔ la? Bɛlɛto Ɛnwomenlelielɛ Kenle ne mɛla ne.

Nihɛmaya Buluku ne 13:28

Dwɔyada le Sɛlɛvolɛ Kpanyinli Yilayahyebe ara nrenya. Dwɔyada amra mrenya ne mɔ ko gya Sanebalate mɔɔ vi Bɛte Hɔlɔn la ara raalɛ, yemɔti mendule ye menvile Gyɛlusalɛm.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:6

Bɛbayɛ me maanle nwuanzanwuanza na bɛazonle me kɛ bɛle me sɛlɛvolɛma. Ɛhye a le edwɛkɛ mɔɔ ɛbaha wɔahile Yizilayɛma a.’ ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:31

“Bɛbayɛ menli mɔɔ bɛdu bɛ bɛmaa me, yemɔti bɛmmadi nane mɔɔ ɛbɔ nu nane ɛhu ye la; bɛva bɛmaa ahwea ɛli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:16

Wɔannea a eza bɛ mra mrenya bagya bɛ mra mraalɛ ne bie mɔ, na bɛ mra mrenya ne mɔ noko ali awozonle ɛzonlenlɛ tuutuu, amaa bɛ mra mrenya ne mɔ noko ali awozonle ɛzonlenlɛ tuutuu azonle bɛ awozonle ne mɔ.

Ayezaya Buluku ne 6:13

Saa menli bulu na nuhua ko ka bɔbɔ a, bɛbayela ye kɛ oku baka mɔɔ bɛpɛ ye bɛdo na bɛyela ye dosinli ne la.” (Ma ne mɔɔ anwo te la a le dosinli ne.)

Sɛlɛ 21:15

Saa yeanyɛ ye zɔhane a ɔ mra mɔɔ ɔbawo bɛ la, biala anwo ɛnrɛde, ɔluakɛ medame a mele Ɛdɛnkɛma mɔɔ mete ɔ nwo a.”

Malakae Buluku ne 2:11

Dwudama anli nɔhalɛ, bɛbɔ munzule wɔ Yizilayɛ amuala nee Gyɛlusalɛm. Dwudama ɛva evinli ɛha Ɛleka Nwuanzanwuanza ne mɔɔ Ɛdɛnkɛma anye die ɛkɛ ne la. Bɛhɔgya mraalɛ mɔɔ sonle nyamenle gyɛne la.

Malakae Buluku ne 2:15

Asoo Ɛdɛnkɛma anga bɛ ambɔ nu anyɛ bɛ ko wɔ sunsum nee nwonane nu? Na duzu a ɛnee ɔkpondɛ a? Ɔkpondɛ Nyamenle nu mralɛ. Yemɔti bɛnlea bɛ nwo boɛ kpalɛ na bɛmmabɔ bɛ mraalɛ mɔɔ bɛkɛgya bɛ bɛ mgbavolɛ nu la ewole.

1 Kɔl 7:14

Ɔluakɛ diedinli yelɛ ne te kunli ne mɔɔ ɛnlɛ diedi la anwo maa ɔsɔ Nyamenle anye, yɛɛ diedinli nrenya ne te ɔ ye ne mɔɔ ɛnlɛ diedi la anwo maa ɔsɔ Nyamenle anye. Saa yeamba ye zɔhane a bɛ mra ne mɔ anwo ɛnrɛde, na ɔnle zɔ, bɛ nwo te.

2 Kɔl 6:14

Bɛ nee bɛdabɛ mɔɔ bɛnlie Kelaese bɛnli la mmatu. Kɛ ɔkɛyɛ na kpalɛ nee ɛtane adila agɔnwolɛ ɛ? Kɛ ɔkɛyɛ na wienyi nee awozinli abɔ nu adɛnla ɛ?

Mɛla 14:2

Ɔluakɛ bɛle Ɛdɛnkɛma bɛ Nyamenle ne menli mɔɔ anwo te a. Ɛdɛnkɛma ɛkpa nu ɛye bɛ wɔ menli kɔsɔɔti mɔɔ wɔ ewiade la avinli kɛ ɔdaye ye menli a le bɛ.

Mɛla 7:6

Ɔluakɛ bɛmɛ, bɛle menli mɔɔ Ɛdɛnkɛma bɛ Nyamenle ne ɛde bɛ nwo a. Ɛdɛnkɛma bɛ Nyamenle ne ɛkpa nu ɛye bɛ ɛvi menli mɔɔ wɔ ewiade la amuala anu, kɛ ye menli a le bɛ.

Dwɔhyua Buluku ne 22:15

Bɛrale Wulubɛn, Gaade, yɛɛ Manasɛ Aduduleɛ mbusua ekpunli ne mɔ ɛkɛ wɔ Geleade maanzinli nu.

Dwɔhyua Buluku ne 23:12

Saa bɛanli nɔhalɛ na bɛ nee menli mɔɔ bɛandu bɛ, na bɛ nee bɛ a de la yɛ ko, bɛgya bie a,