Ɛzela Buluku ne 9:12 - BAEBOLO ANZƐƐ BULUKU NWUANZANWUANZA

¹² Zɔhane ati bɛmmamaa bɛ mra mrenya gya ɛkɛ ne mbɛlɛra ne mɔ bie, yɛɛ bɛmmamaa bɛ mra mraalɛ gya ɛkɛ ne mgbavolɛ ne mɔ bie. Bɛmmakpondɛ bɛ nee anzonudwolɛ anzɛɛ ɛkpazilɛ, amaa bɛdabɛ Yizilayɛma bɛ nwo ayɛ se bɛadidi azɛlɛ ne azo na bɛagyakyi bɛazie bɛ mra nee bɛ nlɔnra wɔ mekɛ biala.’

Ɛzela Buluku ne 9:12 ပူးပေါင်းရင်းမြစ်များ

1 Edk 28:8

“Zɔhane ati, me maanlema, meka ye wɔ yɛ Nyamenle ye anyunlu ɛke, nee bɛdabɛ, Ɛdɛnkɛma menli Yizilayɛma, mɔɔ bɛrayia ɛke la bɛ nyunlu kɛ, debie biala mɔɔ Ɛdɛnkɛma, yɛ Nyamenle ne ɛhyehyɛ ɛmaa yɛ la, bɛdie, na bɛyɛ, amaa bɛahɔ zo bɛadɛnla azɛlɛ kɛnlɛma ɛhye azo na menli mɔɔ li bɛ nzi la noko asa aha ye ayɛ bɛ ɛdeɛ dahuu.”

2 Edk 19:2

Na Nyamenle sonla Gyihu, mɔɔ le Haneenae ara ne, hɔyiale ye na ɔbizale belemgbunli ne kɛ, “Asoo ɛnea a ɛnee ɔle kpalɛ kɛ ɔwɔ kɛ ɛboa amumuyɛma na ɛkɛhulo menli mɔɔ kyi Ɛdɛnkɛma la ɔ? Ɔlua ɛhye ati, Ɛdɛnkɛma ɛva ɛ nwo ɛya.

Ɛzela Buluku ne 9:2

Dwuuma bie mɔ ɛgya azɛlɛ ne azo amra bie mɔ amra mraalɛ na bɛmaa bɛ mra mrenya noko ɛgya bɛ mra mraalɛ, ɔlua zolɛ yemaa menli nwuanzanwuanza ɛhye mɔ nee azɛlɛ ne azo amra ɛli afonla. Nyɛleɛ ɛtane zɛhae, mbusua mgbanyinli ne mɔ nee mbɔlɔba ne mɔ bɔbɔ a yɛle ye kpalɛ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:32

Bɛ nee bɛ anzɛɛ bɛ nyamenle ne mɔ mmayɛ ngyehyɛlɛ biala.

Mrɛlɛbulɛ Buluku ne 13:22

Sonlakpalɛ gyakyi ye nlɔnra agyadeɛ, na ɛtanenli anwonyia wɔ ɛkɛ ne maa tenlenema.

Mrɛlɛbulɛ Buluku ne 20:7

Nyilalɛ ɛha mralɛ mrenya mɔɔ bɛ ze le tenlenenli na ɔfa adwenle ɔbɔ ye ɛbɛla la.

Ayezaya Buluku ne 1:19

Saa bɛkponle zo, bɛyɛ tieyɛ a, bɛbali debie kpalɛ biala mɔɔ wɔ azɛlɛ ne azo la bie.

Mɛla 23:6

Mekɛ tendenle biala mɔɔ bɛde ngoane nu la, bɛmmamaa menli zɔhane nyia anzonudwolɛ yɛɛ bɛmmamaa bɛkpazi ɛlɛ.

Mɛla 23:7

“Bɛmmakpo Yidɔmenli, ɔluakɛ ɔle bɛ diema; bɛmmakpo Yigyibitinli, ɔluakɛ ɛnee bɛle nyɛvolɛ wɔ ye maanle nu.

Mɛla 7:3

Bɛmmagya bɛ bie, bɛmmafa bɛ mra mraalɛ bɛmaa menli zɔhane amra mrenya gya bɛ, yɛɛ bɛmmagya menli zɔhane amra mraalɛ bɛmaa bɛ mra mrenya.